मकवानपुर । मकवानपुरकाे हेटौंडामा रहेकाे वैदिक संस्कृत गुरुकूललाई रुद्रप्रसाद/विष्णुकुमारी स्मृति पुरस्कार प्रदान गरिने भएकाे छ ।
हेटौंडा–१८ हर्नामाडी ठूलोदमारमा रहेकाे वैदिक वानप्रस्थ आश्रम संस्कृत गुरुकूललाई उक्त पुरस्कार प्रदान गरिने भएकाे हाे । रुद्रप्रसाद/विष्णुकुमारी रिजाल स्मृति पुरस्कार कोषले हरेक २/२ प्रदान गर्दै आएको ५० हजार रुपैयाँ नगद राशीको उक्त पुरस्कार यसबर्ष आश्रमलाई दिने निर्णय गरेको काेषका संयोजक आरसी रिजालले जानकारी दिए ।
हेटौंडा–४ मा रहेकाे कोष संयोजक रिजालले आगामी चैत महिनामा पुरस्कार प्रदान गरिने बताए । यसअघि उक्त पुरस्कारबाट आँचल साहित्य कलापुञ्ज मकवानपुर र नवसर्जक साहित्य चौतारी सम्मानित भएका छन् । १५ जना दलित समुदायका विद्यार्थी अध्ययनरत आश्रममा २० जना विद्यार्थी आश्रित छन् ।

