नुवाकोट । नुवाकाेट जिल्लाकाे तादी गाउँपालिकाले कृषकहरूलाई बाँदरबाट बालीनालीमा हुने नोक्सानी कम गर्ने उद्देश्यले बन्दुक वितरण गरेको छ।
गाउँपालिकाले स्थानीय किसानको माग र समस्या बुझ्दै तत्कालका लागि बन्दुक वितरण गरेको हो। बन्दुक वितरणबाट बाँदरहरूको कारण बाली नष्ट हुने समस्याले पीडित कृषकहरूले राहत पाउने विश्वास लिइएकाे गाउँपालिका अध्यक्ष सन्तबहादुर तामाङले जानकारी दिए। गाउँपालिकाले नियन्त्रणको लागि बन्दुक बाड्नुका अलावा अन्य वैकल्पिक उपायहरू पनि अवलम्बन गर्ने योजना रहेकाे उनले बताए ।
स्थानीय आवश्यकता र मागलाई ध्यानमा राखी यस्ता कार्यक्रमहरूलाई अझ प्रभावकारी बनाउने प्रयास गरिने गाउँपालिकाका अध्यक्ष तामाङ बताउँछन् । कार्यक्रममा गाउँपालिका उपाध्यक्ष सन्जु श्रेष्ठ लगायतका पदाधिकारीहरूले कृषकहरूको समस्या समाधानका लागि यस्ता कार्यक्रमहरू भविष्यमा पनि निरन्तर सञ्चालन गरिने प्रतिबद्धता व्यक्त गरेका छन् ।

