- मकवानपुर । “युद्ध प्रसाद मिश्र स्मृति साहित्य सम्मान”बाट निभा शाह सम्मानित हुने भएकी छिन् । प्रगतिशील लेखक संघ मकवानपुरले हरेक वर्ष प्रदान गर्दै आएकाे उक्त सम्मानबाट यस बर्ष प्रगतिवादी कवि तथा अग्रज साहित्यकार शाहलाई सम्मानित गरिने भएकाे हाे ।
प्रगतिशील लेखक संघ, मकवानपुरद्वारा २२ हजार राशीकाे उक्त सम्मान शाहलाई प्रदान गर्ने निर्णय भएकाे संघ अध्यक्ष श्रीराम अधिकारीले जानकारी दिए । २० पुष २०८१ गते शनिवार हुने प्रलेसकाे नवौं जिल्ला सम्मेलनकाे उक्त पुरस्कार प्रदान गरिने उनले बताए ।
उक्त सम्मान मकवानपुरे साहित्यकार तथा हास्य-व्यङ्ग्यकार आरसी रिजालले स्थापना गरेका हुन् । यस अघि उक्त सम्मानबाट साहित्यकार डा.पशुपतिनाथ तिमल्सीना,जनवादी गायक तथा संगीतकार रामेश श्रेष्ठ र प्रगतिवादी युवा कवि पुरुषोत्तम आचार्य सम्मानित भएका छन् ।

