मकवानपुर । नेपाल आयल निगमले डिजेल र मट्टितेलको मूल्य बढाएको छ । निगमले शुक्रबार राति १२ बजेबाट लागु हुनेगरी मट्टितेल र डिजेलकाे साबिक मूल्यमा ३ रुपैयाँ बढाएको हो ।
पेट्रोल, खाना पकाउने ग्याँस र हवाई इन्धनकाे मूल्य भने यथावत् रहेकाे निगमले जनाएकाे छ । इण्डियन आयल कर्पोरेसनले शुक्रबार पठाएको मूल्यसुची अनुसार मट्टितेल र डिजेलकाे पैसा बढेर आएको हाे । भारतबाट मुल्य बढेर आएकाेले आयल निगमले राति १२ बजेपछि डिजेल र मट्टितेलमा ३ रुपैयाँ बढाएको जनाएको हो ।
योसँगै काठमाडौं र पोखरामा डिजेल र मट्टितेलको मूल्य १५३ रुपैयाँ पर्नेछ । यसैगरी दाङ र सुर्खेतमा १५२ रुपैयाँ तथा बाँकी क्षेत्रमा १५०.५० रुपैयाँ पर्ने निगमले जनाएकाे छ ।

