मकवानपुर । मकवानपुरको हेटौंडामा शनिबार भएको कार्यक्रममा २३ जनाले रक्तदान गरेका छन् ।
ब्लड डोनर्स एशोसिएशन नेपाल मकवानपुर शाखा (ब्लोदान)को आयोजनामा भएको रक्तदान कार्याक्रममा २३ जनाले रक्तदान गरेका हुन् । शनिबार बिहान हेटौंडाको बुद्धचोकमा भएको कार्यक्रममा ५ जना महिला र १८ जना पुरुषले रक्तदान गरेको ब्लोदान अध्यक्ष कपिला जोशीले जानकारी दिइन् ।
रक्तदान कार्यक्रममा नेपाल रेडक्रस सोसाईटी रक्तसंचार केन्द्र हेटौँडाको प्रहविधिक सहयोग रहेको थियो । केन्द्रमा अहिले ए पोजेटिभ रगतको अभाव रहेको छ भने बाँकि समुहको रगत अभाव नरहेको केन्द्रले जनाएको छ ।

