मकवानपुर । बडादसैको मुख्य दिन आज टिका । मान्यजनको हातबाट रातो टीका एवं समृद्धिको प्रतीक जमरा लगाइँदै छ ।
नवदुर्गाको प्रसादका रुपमा शुभ साइतको प्रतीक दसैँको टीकाको उत्तम साइत आज बिहान ११ बजेर ३६ मिनेटमा रहेको छ । नेपाल पञ्चाङ्ग निर्णायक विकास समितिले सूचना जारी गर्दै बिहान ८ बजेर ३३ मिनेटमा देवी विसर्जन गरिने जनाइको हो ।
टीकाको उत्तम साइत ११ बजेर ३६ मिनेटमा रहेको समितिले जनाएको छ । समितिका अनुसार साइतमै टीका लगाउने अनुकूल मिलेन भने भगवतीको टीका प्रसाद लगाउन साइत पर्खनु पर्दैन । मनमा भगवतीको स्मरण गरेर कुनै पनि समयमा भगवतीको प्रसाद लगाउन सकिन्छ ।
टिका लगाइदिने व्यक्ति पश्चिमतर्फ फर्कने र लगाइमाग्ने व्यक्ति पूर्वतिर फर्केर टीका र आशीर्वाद ग्रहण गर्नु पर्छ । असोज ३० गते कोजाग्रत पूर्णिमादेखि यो वर्षको दसैँ सकिने छ ।

