मकवानपुर । मकवानपुरको हेटौंडा उपमहानगरपालिका ११ थानाभर्याङ्गस्थित चुलेहिल अस्पताल नजिक बसको ठक्करबाट एक जनाको मृत्यु भएको छ ।
पुर्व पश्चिम राजमार्गको हेटौंडाको थानाभर्याङ सडक खण्डमा सर्लाहीबाट काठमाडौ तर्फ जादै गरेको ना ७ ख १६७५ नम्बरको बसले पैदल यात्री हाल नामथर वतन नखुलेको अन्दाजी ३५/४० बर्षको पुरुषलाई ठक्कर दिदा घटनास्थलमै मृत्यु भएको जिल्ला प्रहरी कार्यालय मकवानपुरले जनाएको छ ।
पैदल यात्रीलाई ठक्कर दिने बस प्रहरी चौकी बसामाडीको नियन्त्रणमा रहेको छ । प्रहरीका अनुसार बस चालक जिल्ला रौतहट चन्द्रनिगाहापुर नगरपालिका १ पौराही बस्ने ५८ वर्षीय कृष्णबहादुर थापा जिल्ला प्रहरी कार्यालयको हिरासतमा रहेको छ ।

