मकवानपुर । मकवानपुर प्रहरीले हेटौडा उपमहानगरपालिकाबाट लागुऔषध गाँजासहित १ जनालाई नियन्त्रणमा लिएकाे छ । पूर्व–पश्चिम राजमार्ग अन्तर्गत हेटौँडा–१५, रातोमाटेबाट प्रहरीले लागुऔषध गाँजासहित कैलाश गाउँपालिका १० का ४० वर्षीय पाल्साङ्क मुक्तानलाई नियन्त्रणमा लिएकाे हाे ।
बैशाख १९ गते प्रहरी चौकी रातोमाटे मकवानपुरबाट खटिएको प्रहरी टोलीले हेटौंडाबाट पथलैयातर्फ जाँदै गरेको ना ५ ख ५२६७ नम्बरको बसलाई रोकी सुरक्षाजाँच गर्दा बसमा सवार मुक्तानको साथबाट ५ किलो लागुऔषध गाँजा बरामद गरेको थियो । लागुऔषध गाँजासहित मुक्तानलाई नियन्त्रणमा लिई मकवानपुर जिल्ला अदालतबाट १० दिनको म्याद अनुमति लिई अनुसन्धान भईरहेको जिल्ला प्रहरी कार्यालय मकवानपुरले जनाएकाे छ ।

