मकवानपुर । मकवानपुरकाे हेटौंडामा टिपरको ठक्करबाट १ जनाको मृत्यु भएको छ । हेटौंडा उपमहानगरपालिका वडा नम्बर–१७ गैरीगाउँमा टिपरको ठक्करबाट मकवानपुरगढी धमिले घर भई हेटौंडा–१७ दाविले बस्ने २५ बर्षीय हरि पनेरूको मृत्यु भएको मकवानपुर प्रहरीले जनाएकाे छ ।
सोमबार साँझ चौघडाबाट मकवानपुरगढीतर्फ जाँदै गरेको मधेश प्रदेश ०३–००१ ख ७९०३ नम्बरको टिपरले विपरित दिशाबाट आउँदै गरेको ना २६ प ४४२५ नम्बरको मोटरसाइकललाई कान्तिलोकपथ सडकखण्ड अन्तर्गत हेटौंडा १ ७, गौरीगाउँमा ठक्कर दिएको थियो । टिपरको ठक्करबाट मोटरसाइकल चालक पनेरुको घटनास्थलमै मृत्यु भएको हो ।
प्रहरीका अनुसार दुर्घटनामा घाइते उनकाे श्रीमती २२ वर्षीय अर्चना ढकाल घाइते भएकोमा हेटौँडा अस्पतालमा उपचार भईरहेको प्रहरीले जनाएको छ । टिफर चालक हेटौडा १९ नेवारपानी बस्ने ३३ वर्षीय राधाकृष्ण रेग्मीलाई मकवानपुर प्रहरीले नियन्त्रण लिएकाे छ ।

