मकवानपुर । मकवानपुरको बागमती गाउँपालिकामा माछा मार्न गएका १ जनाकाे मृत्यु भएकाे छ । बागमती ४ झुरझुरे वस्ने ३५ वर्षीय गोपाल थिङ खोलामा माछा मार्न गएकाेमा मृत्यु भएकाे मकवानपुर प्रहरीले जानकारी दिएकाे छ ।
आइतबार दिउँसो थिङ बागमती खोलामा माछा मार्न जान्छु भनी घरबाट हिडेका थिए । खोालमा माछा मार्न घरबाट हिडेको थिङ बेलुका अबेरसम्म घर नफर्के पछि खोजतलास गर्दा सोमबार बिहान बागमती खोलामा मृत अबस्थामा फेला परेको जिल्ला प्रहरी कार्यालय मकवानपुरका प्रहरी नायब उपरिक्षक लक्ष्मी भण्डारीले बताए ।
थिङ पानीमा मृत भेटिएकाले खोलामा माछा मार्ने क्रममा डुबी मृत्यु भएको हुनसक्ने मकवानपुर प्रहरीले जनाएकाे छ । घटनाको सम्बन्धमा थप अनुसन्धान भइरहेकाे प्रहरीले जनाएकाे छ ।

