मकवानपुर । पेट्रोल, डिजेल र मट्टीतेलको मूल्य घटेको छ । नेपाल आयल निगम लिमिटेडले पेट्रोल, डिजेल र मट्टीतेलको मूल्य घटाएको हो ।
निगमले शुक्रबार रातिबाट लागू हुने गरी पेट्रोल, डिजेल र मट्टीतेलको मूल्यमा प्रतिलिटर ३/३ रुपैयाँ घटाएको हो ।
मूल्य समायोजनपछि काठमाडौं, पोखरा र दिपालय क्षेत्रमा पेट्रोलको लिटरको १ सय ६७ रुपैयाँ तथा डिजल तथा मट्टीतेल लिटरको १ सय ५७ रुपैयाँ कायम भएको छ ।
यस्तै चारआली, विराटनगर जनकपुर, अमलेखगञ्ज, भलवारी, नेपालगञ्ज, धनगढी र वीरगञ्ज डिपोको १५ किलोमिटरसम्मको क्षेत्रमा खुद्रा मुल्य पेट्रोलको लिटरको १ सय ६४ रुपैयाँ ५० कायम भएको छ । डिजल तथा मट्टीतेलको लिटरको १ सय ५४ रुपैयाँ ५० पैसा पर्नेछ ।
यसैगरी सुर्खेत र दाङ डिपोको १५ किलोमिटर सम्मको क्षेत्रमा पेट्रोलको लिटरको १ सय ६६ रुपैयाँ, डिजल तथा मट्टीतेल लिटरको १ सय ५५ रुपैयाँ कायम गरिएको आयल निगमले जनाएको छ ।
इन्डियन आयल कर्पोरेसनबाट मूल्य घटेर आएका कारण नेपाली बजारमा समेत मूल्य समयोजन गरिएको निगमले जनाएको छ । कर्पोरेशनले शुक्रबार पेट्रोल तथा डिजेल र मट्टितेलको मूल्य क्रमशः प्रतिलिटर ३.०७ र ३.१६ रुपैयाँ घटाएर पठाएको थियो ।


