मकवानपुर । मकवानपुर प्रहरीले गाँजासहित २ जनालाई नियन्त्रणमा लिएको छ ।
पुष २४ गते मनहरी बजारबाट बारा जितपुर ७ का वर्ष २९ का बिनोद सहनी र ४५ वर्षीय बुनी सहनीलाई लागूऔषध गाँजा १ किलो ६ सय ग्राम सहित नियन्त्रणमा लिइएको मकवानपुर प्रहरीले जनाएको छ ।
मनहरी ईलाका प्रहरी कार्यालयबाट खटिएको प्रहरी निरीक्षक कृष्णराज ढकालसहितको गस्ती टोलीले मनहरी गाउँपालिका वडा नम्बर ७ मनहरी बजारस्थित पैदल हिडिरहेका सहनीद्वयलाई शंकालागि चेकजाच गर्दा उक्त परिणामको गाँजा फेला पारेको थियो ।
निजहरुले कम्मरमा प्लास्टिकले बेरी लुकाई ल्याएको गाँजा सहित सहनीद्वयलाई नियन्त्रणमा लिई आबश्यक अनुसन्धान भइ रहेको प्रहरीले जनाएको छ ।

