मकवानपुर । मकवानपुर प्रहरीले लागूऔषध २६ बोतल वनरेक्स सहित २ जनालाई पक्राउ गरेकाे छ । पक्राउ पर्नेमा हेटौंडा–११ बस्ने ३२ बर्षका बुद्ध गोङ्वा र ११ कै २६ बर्षीय ईन्द्रबहादुर अधिकारी रहेका छन् ।
हेटौंडा उपमहानगरपालिका वडा नम्बर १५ रातोमाटे विक्रमचोक स्थित भित्री सडक खण्डमा पथलैयाबाट हेटौंडातर्फ आउँदै गरेको ना २६ प ५८४३ नम्बरको मोटरसाइकल आइतबार चेक गर्दा उनीहरु लागूऔषध सहित पक्राउ परेका हुन् । उनीहरुले मोटरसाइकलको ट्याङ्की भित्र लुकाएर ल्याएको अवस्थामा २६ बोतल वनरेक्स फेला पारेको जिल्ला प्रहरी कार्यालय मकवानपुरका प्रवक्ता डीएसपी टेकबहादुर कार्कीले जानकारी दिए ।
पक्राउ परेका दुवैजनालाई आवश्यक अनुसन्धान एवम् कारबाही प्रक्रिया अघि बढाइएको प्रहरीले जनाएकाे छ ।

