मकवानपुर । आगामी मंसिर ४ गते हुने प्रतिनिधिसभा र प्रदेशसभा सदस्यको चुनावकाे लागि मकवानपुरमा ६९ जनाले उम्मेदवारी दर्ता गरेका छन् । निर्वाचन तालिका अनुसार असाेज २३ गते आइतबार उम्मेदवारी दर्ता गर्ने कार्यतालिका रहेकामा उम्मेदवारहरुले उम्मेदवारी दर्ता गरेका हुन् ।
निर्वाचन आयोगले सोमबार बिहान १० बजेदेखि दिउँसो ३ बजेसम्म मनोनयन दर्ता भएका कुनै पनि उम्मेदवारविरुद्ध सम्बन्धित निर्वाचन अधिकृतको कार्यालयमा उजुरी दिन सकिने व्यवस्था गरेको थियो । निर्वाचन तालिका अनुसार सोमबार उम्मेदवारविरुद्ध उजुरी दिन सकिने भए पनि मकवानपुरमा कुनै उजुरी नपरेकाे मुख्य निर्वाचन अधिकृतकाे कार्यालयले जनाएकाे छ ।
आयोगले उम्मेदवारलाई नाम फिर्ता लिनको लागि बुधबार २६ गते तोकेको छ । यस्तै २६ गते नै उम्मेदवारको अन्तिम नामावली प्रकाशन गर्ने र चुनाव चिह्न दिने आयोगले जनाएको छ ।

