मकवानपुर । नेपाल आयल निगमले पेट्रोलियम पदार्थको मूल्य घटाएको छ । नेपाल सरकारकाे निर्देशन बमाेजिम निगम संचालक समितिकाे शनिबारकाे निर्णयले निगमले पेट्रोलियम पदार्थको मूल्य घटाएकाे हाे ।
निगमले पेट्रोलमा २० रुपैयाँ र डिजेल-मट्टितेलमा २९ रुपैयाँ मूल्य घटाएको हो । घटाएकाे मूल्य अनुसार अब पेट्रोलको मूल्य १ सय ७९ र डिजेल-मट्टितेलको १ सय ६३ कायम हुनेछ । घटेको मूल्य आजै राति १२ बजेदेखि लागू हुने निगमले जनाएको छ ।
शनिबार बिहान बसेको सत्ता गठबन्धनको बैठकले कर कटौती गरेर पेट्रोलियम पदार्थको मूल्य घटाउने निर्णय गरेको थियो ।


