मकवानपुर । मिस नेपाल २०२२ को उपाधी प्रियन्का रानी जोशीले जितेकी छिन् । अब उनले आगामी डिसेम्बरमा हुने मिस वल्र्डमा नेपालका तर्फबाट प्रतिनिधित्व गर्ने भएकी छन् । बिगत दुई वर्ष कोभिडका कारण भौतिक दूरी कायम गर्दै मिस नेपाल वल्र्डको चयन गरिएको थियो । यसपटक कोरोनाको कहर कम भएपछि मिस नेपालको चयन विशेष कार्यक्रमबीच गरिएको हो । ललितपुरको गोदावरीमा शनिवार भएको मिस नेपाल २०२२ को फिनालेमा जोशी विजेता बन्दै ताज पहिरिन सफल भएकी हुन् ।
त्यस्तै मिस नेपाल इन्टरनेसनल नान्सी खड्का र मिस नेपाल अर्थ सरिसा श्रेष्ठ भएका छन । मिस नेपाल प्रतियोगिताको लागि झन्डै ८०० जना प्रतिस्पर्धीले आवेदन दिएका थिए । २४ जनाकाे बिच अन्तिम प्रतिष्पर्धा भएकाे थियाे ।

