मकवानपुर । मकवानपुरको बकैया गाउँपालिका अध्यक्षमा नेपाली कांग्रेस र उपाध्यक्षमा नेकपा माओवादी केन्द्रका उम्मेदवार विजयी भएका छन्।
स्थानीय तह सदस्य निर्वाचन २०७९ अन्तर्गत बुधबार विहान सकिएकाे मतगणना अनुसार गाउँपालिका अध्यक्षमा गठबन्धनबाट नेपाली कांगेसका धर्मराज लामिछाने ११ हजार २ सय ९२ मत सहित विजयी भएका हुन् । उनका निकटतम प्रतिस्पर्धी नेकपा एमालेका सरला बोलखेले ७ हजार ६६ प्राप्त गर्दै पराजित हुन पुगिन।
त्यसैगरी उपाध्यक्षमा गठबन्धन तर्फका नेकपा माओवादीका उम्मेदवार भक्त बहादुर खत्री ९ हजार ५ स २२ मत प्राप्त गर्दै विजयी भएका छन्। उनका प्रतिस्पर्धी नेकपा एमालेका लाल बहादुर स्याङ्तानले ७ हजार ६ सय ५२ मत प्राप्त गरेका थिए ।

