मकवानपुर । चुनावी तयारीमा दाैडधुप गरिरहेका नेताहरु मतदानकाे समय नजिकिदै गर्दा पार्टी फेर्ने हाेड पनि चलिरहेकाे देखिन्छ । ३ दिन अघि राप्रपा परित्याग गरेका मकवानपुरका प्रभावशाली नेता नेकपा एकीकृत समाजवादी प्रवेश गरेका छन् ।
केही दिन एकीकृत समाजवादीका जिल्ला अध्यक्षले पार्टी परित्याग गरेर एमालेमा प्रवेश गरेका थिए । ३ दिन अघि राष्ट्रिय प्रजातन्त्र पार्टी (राप्रपा) परित्याग गरेका नेता मधु अधिकारी नेकपा (एकिकृत समाजवादी) प्रवेश गरेका हुन् ।
उनीसँगै उनकै छोरा तथा राप्रपा मकवानपुरका प्रवक्ता विशभ अधिकारी पनि नेकपा एस प्रवेश गरेका छन् । उनीहरु आज आइतबार पोखरा पुगेर एकीकृत समाजवादीमा प्रवेश गरेका हुन्। उनलाई पार्टी अध्यक्ष माधवकुमार नेपालले टिका लगाएर स्वागत गरेका थिए ।
राप्रपामा अझै पनि अवसरवाद, नातावाद र सामान्तवादको अभ्यास जारी रहेको थाहा पाएपछि आफू समाजवादी यात्रामा सामेल हुन नेकपा एस प्रवेश गरेको अधिकारीले बताए ।
राप्रपामा रहेर संगठन निर्माणको लागि नियमित काम गर्नेहरु नै पछाडि पर्नेको संख्या बढ्दै गएपछि आफूहरु नेकपा एसमा प्रवेश गरेको उनको दाबी छ ।

