मकवानपुर । मकवानपुरको हेटौँडामा विहीबार हेटौँडा रन’ प्रतियोगिता भएको छ । हेटौँडा उपमहानगरपालिका नगर खेलकुद विकास समितिको आयोजनामा ‘हेटौँडा रन’ प्रतियोगिता भएको हो ।
प्रतियोगिताको उद्घाटन् हेटाैडा उपमहानगरपालिकाका मेयर हरि बहादुर महतले गरेका थिए । ६ किलोमिटर ‘हेटौंडा रन’ दौड प्रतियोगितामा हेटौंडा–१४ का डेबिट मिजार प्रथम भएका छन् । यस्तै हेटौंडा १३ को अम्रित सुनार द्वितीय र हेटाैडा १२ कै शशी विश्वकर्मा तृतीय भएका छन् । प्रतियोगितामा ४२ जनाले सहभागिता जनाएका थिए ।
प्रतियोगिताको प्रथम हुनेले नगद १५ हजार सहित मेडल तथा प्रमाणपत्र, दोश्रो स्थान हाँसिल गर्नेले १० हजार तथा तेश्रो हुनेले ५ हजार सहित मेडल तथा प्रमाणपत्र प्राप्त गरेका छन् । विजयी प्रतियाेगीहरुलाई हेटौंडा उपमहानगरपालिकाका मेयर हरिबहादुर महतले पुरस्कार प्रदान गरेकाे थिए ।
कार्यक्रममा उपमहानगरपालिकाका उपमेयर मिना कुमारी लामा, प्रमुख प्रशासकिय अधिकृत शिबराज चौलागाई नगर खेलकुद विकास समितिका अध्यक्ष चन्द्र शाही लगायतको आतिथ्यता रहेको थियो ।

