मकवानपुर । मकवानपुर प्रहरीले चाेरी मुद्दाकाे फरार प्रतिवादी १ जनालाई पक्राउ गरेकाे छ ।
मकवानपुर जिल्ला अदालतको २०७७ साल पुष २४ गतेको फैसलाले चोरी मुद्दामा १ महिना १५ दिन कैद र ३ लाख जरिवाना भुक्तान गर्न बाँकी फरार प्रतिवादी भुपाल थिङलाई पक्राउ गरिएकाे मकवानपुर प्रहरीले जनाएकाे छ ।
मकवानपुर हेटाैडा वडा नं. ३ बस्ने थिङलाई जिल्ला प्रहरी कार्यालय मकवानपुरबाट खटिएको प्रहरी टोलीले भदाै २८ गते हेटाैडा १४ बाट पक्राउ गरी आवश्यक कारवाहीको लागि जिल्ला अदालत मकवानपुर उपस्थित गराइएकाे प्रहरी निरीक्षक देवेन्द्र दासले बताए ।
पक्राउ परेका थिङले जरिवाना वापतकाे ३ लाख रुपैया तिर्न नसकी जरिवानाको कैद समेत गरी २ बर्ष १० महिना १५ दिन कैद भुक्तानको लागि कारागार कार्यालय भिमफेदी मकवानपुर पठाईएको दासले जानकारी दिए ।

