मकवानपुर । मकवानपुर प्रहरीले २ जना फरार प्रतिवादी पक्राउ गरेकाे छ । प्रहरीले सार्वजनिक अपराध मुद्दा र चाेरी मुद्दाका फरार प्रतिवादी पक्राउ गरेकाे हाे ।
मकवानपुर जिल्ला अदालतको २०७२ साल पुष १२ गतेको फैसलाले सार्वजनिक अपराध मुद्दामा २ हजार ३ सय ७५ जरिवाना भुक्तान गर्न बाँकी फरार प्रतिवादी लिलानाथ न्याैपानेलाई पक्राउ गरिएकाे हाे । हेटाैडा उपमहानगरपालिका वडा नं. १४ बस्ने न्यौपानेलाई ईलाका प्रहरी कार्यालय पशुपतीनगर मकवानपुरबाट खटिएको प्रहरी टोलीले भदाै २९ गते हेटाैडा १४ बाट पक्राउ गरिएकाे जिल्ला प्रहरी कार्यालयका प्रहरी निरीक्षक देवेन्द्र दासले बताए ।
यस्तै मकवानपुर जिल्ला अदालतको २०७८ साल बैशाख ८ गतेको फैसलाले चोरीमुद्दामा १० महिना ३ दिन कैद भुक्तान गर्न बाँकी रहेका फरार प्रतिवादी मिलन स्याङतानलाई पक्राउ गरिएकाे छ । भिमफेदी गाउँपालिका वडा नं. ६ बस्ने स्याङतानलाई ईलाका प्रहरी कार्यालय भिमफेदी मकवानपुरबाट खटिएको प्रहरी टोलीले भदाै २८ गते भिमफेदी ६ बाट पक्राउ गरिएकाे प्रहरी निरीक्षक दासले जानकारी दिए ।
पक्राउ परेका न्याैपाने र स्याङतानलाई आवश्यक कारवाहीको लागि जिल्ला अदालत मकवानपुर पठाईएको मकवानपुर प्रहरीले जनाएकाे छ ।

