मकवानपुर । नेपाल तरुण दल हेटौंडा उपमहानगर ९ नं. समितिले सरसफाई कार्यक्रम गरेकाे छ । तरुण दल हेटौडा ९ समितिले वडाका विभिन्न स्थानहरुमा सरसफाई गरी ठाँउ ठाँउमा डस्विन समेत राखेकाे छ ।
सरसफाई कार्यक्रम प्रगति माध्यामिक विद्यालय अगाडिबाट सुरू गरी गुम्बा चोक, कुश्माण्ड सरोवर त्रिवेणीधाम अगाडी रहेको घाटमा सरसफाई गरी डस्विन राखि समापन गरिएकाे थियो ।
नेपाली काङ्ग्रेस मकवानपुरका जिल्ला सदस्य माधव आचार्यकाे प्रमुख अतिथ्यतामा भएको कार्यक्रममा नेपाल ट्रेड युनियन काङ्ग्रेसको बागमती प्रदेशको उपाध्यक्ष कुमार पौडेल, तरुण दल नगर सचिव सुशील सिग्देल, तरुण नगर सदस्य किरण लामा लगायत उपस्थिति रहेकाे थियाे । कार्यक्रम तरुण दल ९ नम्बर वडाका अध्यक्ष पुर्णबहादुर हिस्कि मगरको अध्यक्षता भएको हाे ।

