मकवानपुर । मकवानपुरको भीमफेदी कारागारमा रहेका कैदीबन्दी मध्य ३ सय ५५ जनामा कोरोना भाइरस पोजेटिभ देखिएको छ । एन्टिजिन बिधिबाट गरिएको परिक्षणमा उनीहरुलाई कोरोना पोजेटिभ देखिएको हो ।
अहिले भीमफेदी कारागारमा ९ सय ७० जना कैदी बन्दी रहेका छन् । केही कैदीबन्दीमा रुघाखोकी देखेर पनि निको भएको बताइएको छ । १४ जनामा संक्रमणको समस्या देखेपछि थप उपचारको लागि साउन ११ गते काठमाडौं पठाइएकोमा उनीहरुमा कोरोना पुष्टि भएपछि कारागारमा
परीक्षण गरिएको भिमफेदी गाउपालिकाका स्वास्थ्य संयोजक राममान थिङले बताए ।
अहिले स्वास्थ मापदण्ड पूरागरेर आईसोलेसनमा राखेका छौं । संक्रमण देखिएकालाई प्रोटिन युक्त खानाको व्यवस्थापन गरेर संक्रमण नियन्त्रणको काम भैरहेको जेलर नारायण पाण्डेले बताए ।

