मकवानपुर । सानिमा लाइफ इन्स्यारेन्सले आज साउन २० गतेबाट आइपीओ निष्काशन गरेकाे छ । नेपाल धितोपत्र बोर्डको अनुमतिपछि कम्पनीले ६० लाख कित्ता आईपीओ निष्काशन गरेकाे हाे ।
कम्पनीले आफ्नो जारी पुँजी २ अर्बको ३० प्रतिशत अर्थात् ६० करोड रुपैयाँ बराबर प्रति सेयर १ सयका दरले ६० लाख कित्ता शेयर आईपीओ निष्काशन गरेकाे हाे । ६० लाख कित्ता मध्ये ३ लाख कित्ता अर्थात् कुल निष्कासनको ५ प्रतिशत सेयर कर्मचारीलाई, ५ प्रतिशत नै सेयर सामूहिक लगानी कोषको लागि सुरक्षित गरिएको र बाँकी ५४ लाख कित्ता शेयर सर्वसाधारणमा निष्कासन हुने कम्पनीले जनाएको छ ।
सानिमा लाइफको सेयर निष्काशन तथा बिक्री प्रबन्धकमा प्रभु क्यापिटल रहेको छ । आईपीओका लागि २० देखि २४ गतेसम्म आवेदन दिन पाइनेछ ।

