मकवानपुर / मकवानपुर जिल्लाको मनहरी गाउँपालिकाको एक वृद्धाले ३ वटा वडाबाट सामाजिक सुरक्षा भक्ता वापतको रकम बुझेको पाइएको छ । नेपाल सरकारले वितरण गर्दै आएको सामाजिक सुरक्षा भत्ता एकभन्दा बढी शिर्षकमा लिन नपाउने नियम भएपनि स्थानीय जनप्रतिनिधि तथा कर्मचारीको मिलेमतोमा एक वृद्धाले तेहेरो सुविधा लिएको बुझिएको छ ।
यो सुविधा लिनको लागि वृद्धाका छोराले नै पदीय मर्यादा विपरीत काम गरेको प्रष्ट देखिएको छ । गाउँपालिकाको वडा नम्बर १ का वडा अध्यक्ष शिवप्रसाद खनालले आफ्नी आमा ७२ वर्षीया बेदमाया खनाललाई जेष्ठ नागरिक र बिधवा भत्ता दिदै अबैध खर्च गरेको खुलेको हो । १ नम्बर वडा सहित वडा ३ र ७ बाट समेत सिफारीस लिएर तेहेरो सुबिधा लिएको बुझिएको हो । यसबारे अख्तियार दुरुपयोग अनुसन्धान आयोगमा २७ साउन २०७७ मा उजुरी समेत दर्ता भएको छ । उक्त उजुरीबारे छानविन प्रक्रिया अघि बढेको छ अख्तियारले जनाएको छ । सचेत मनहरीका युवाहरु नामक समूहले अख्तियारमा उजुरी दिएको हो । उजुरीमा ३ वटै वडाका वडाध्यक्षहरु तथा कर्मचारीहरु लाई कारबाहीको माग गरिएको छ । यो उजुरी उपर कारबाही अगाडि बढाइएपछि घटना बाहीर आएको हो ।
उजुरीमा भनिएको छ ‘७२ वर्षीय बृद्धाले सबै मिलाउन सक्ने क्षमता नरहेपनि अहिले पदको दुरुपयोग गर्दै वडा अध्यक्षले तीनवटै वडाबाट सिफारिस दिलाउने काम गरेका हुुन् ।’ गैरकानुनी ढंगबाट एकै व्यक्तिलाई फरक फरक शिर्षकमा भत्ता दिनका लागि सहयोग गर्ने १, ३ र ७ नम्बरका वडा अध्यक्ष तथा सचिबलाई कारबाहीको माग गरीएको छ । ७२ वर्षीय बेदमायाको नागरीकता नम्बर ३२८५ बाट वडा नम्बर १ मा २००४०१११०२१९१ वडा नम्बर ३ मा २००४०११११११००४८४ र ७ मा २००४०१११०२२०९ नम्बरको व्यक्तिगत परिचय पत्र तयार पारी भत्ता लिएको बताइएको छ । उनले मनहरीमा रहेको मुक्तीनाथ विकास बैक ००००५८०३९१५ बाट २४ हजार र पि ०००५८०३९१३ बाट ८ हजार रुपियाँ बुझेको देखिएको छ ।
फरक फरक शिर्षकमा एकै व्यक्तिलाई भत्ता बारे वडा अध्यक्ष खनालले अहिले गाउँपालिकामा बैठकमा भएको बताउँदै सम्पर्कमा रहन चाहेनन् । यता वडा नम्बर ७ का अध्यक्ष ठाकुर तितुङले आफ्नो वडा बाट नभई तत्कालिन हाँडिखोला ७ अहिलेको ४ नम्बर वडाबाट सिफारीस भएको हुनसक्ने बताए । वडा नम्बर ३ मा नागरीकताको नम्बर मिलेपनि परिचय पत्रको नम्बर भने अन्य वडाको तुलनामा फरक देखिएको बताइएकाे छ ।


नेपाल आयल निगमले फेरि पेट्रोलको मूल्य बढाएको छ । निगमले मंगलबार रातिदेखि लागु हुने गरी पेट्रोलको मूल्य प्रति लिटर २ रूपैयाँले बढाएको हो । अघि साउन ३२ गते निगमले पेट्रोल, डिजेल र मट्टितेलको मूल्य बढाएको थियो ।
निगमले डिजल मट्टितेल, हवाइ इन्धन तथा खाना पकाउने ग्यासको मूल्य भने यथावत् राखिएको जनाएको छ । इन्डियन आयल कर्पोरेसनबाट प्राप्त नयाँ मूल्य सूचीअनुसार पेट्रोलियम पदार्थको मूल्य केही हेरफेर भएर आएका कारण पेट्रोलको मूल्य बढाइएको निगमले जनाएको छ ।

काठमाडौं । समाज लघुवित्त वित्तीय संस्थाको प्राथमिक शेयर (आइपिओ) आज साेमबार बाँडफाँट हुने भएको छ । लघुवित्तले भदौ ४ गतेदेखि प्रतिकित्ता १०० अंकित मूल्यका ८६ हजार कित्ता साधारण शेयर निष्काशन गरेको थियो।
यसमध्ये लघुवित्तले १ हजार कित्ता अर्थात् जारी पूँजीको ५ प्रतिशत शेयर कर्मचारीहरूका लागि र कुल निष्काशनको ५ प्रतिशत अर्थात् ४ हजार ३०० कित्ता शेयर सामूहिक लगानी कोषका लागि छुट्टाएको थियो। बाँकी ८० हजार ७०० कित्ताका लागि सर्वसाधारणबाट आवेदन मागिएको थियो।
प्राथमिक शेयर बिक्री प्रबन्धक सिद्धार्थ क्यापिटलले आज सोमबार बाँडफाँट गर्ने जनाएको छ। ‘समाज लघुवित्त वित्तीय संस्थाको आइपिओ आज दिउसो बाँडफाँट गरिनेछ,’ सिद्धार्थ क्यापिटलका प्रमुख कार्यकारी अधिकृत ध्रुव तिम्सिनाले भने । प्राथमिक शेयर बाँडफाँट गर्नु तीन दिन अघि प्रि एलटमेन्ट गर्दै नियामक निकाय नेपाल धितोपित्र बोर्डलाई जानकारी दिनुपर्ने प्रावधान छ । सोही प्रावधान बमोजिम उसले सोमबार बाँडफाँट गर्ने भएको हो । क्यापिटलले शुक्रवार प्री एलटमेन्टको जानकारी दिएको नेपाल धितोपत्र बोर्डले जनाएको छ।
यस अघि क्यापिटलले शनिबार नै बाँडफाँट गर्ने तयारी गरेको थियो । तर, अघिल्लो दिन रिलायन्सको शेयर बाँडफाँट भएको कारण बाँडफाँट सार्नु परेको थियो। पछिल्लो सामय एकै पटक शेयर निष्काशन र बाँडफाँट नगराउन धिताे पत्र बाेर्डले निर्देशन दिएको छ। एकैचोटी शेयर निष्काशन र बाँडफाँट गर्दा मेरो शेयरमा बढी चाप पर्न गई वेबसाइट नै सुस्त हुने भएपछि निष्कासन र बाँडफाँटको रुटिङ अनुसार गर्न थालिएको सिडिएसीको भनाइ छ।
काठमाडौं । भदौ ४ गतेदेखि विक्री खुला भएको रिलायन्स लाइफ इन्स्योरेन्स र समाज लघुवित्त वित्तीय संस्थाको आईपीओमा आवेदन दिने आज सोमवार अन्तिम दिन रहेको छ । समाज लघुवित्तले ८० हजार ७०० कित्ता र रिलायन्स लाइफले ५६ लाख ७० हजार कित्ता आईपीओ सर्वसाधारणका लागि सार्वजनिक निष्कासन मार्फत विक्री खुला गरेका हुन् ।
प्राथमिक बजार पूर्ण प्रविधिमैत्री बनिसकेको अवस्थामा कोरोनाको कारण जारी निशेधाज्ञाका बीच पनि दुवै कम्पनीहरुले आईपीओ विक्री खुला गरेका हुन् । रिलायन्स लाइफको विक्री प्रबन्धकमा सानिमा क्यापिटल र समाज लघुवित्तको सिद्धार्थ क्यापिटल रहेको छ ।
समाज लघुवित्तले प्रतिशेयर रू. १०० अंकित दरको ८६ हजार कित्ता शेयरमध्य १ हजार कित्ता कर्मचारीहरुका लागि र ४ हजार ३०० कित्ता सामूहिक लगानीकोषका लागि सुरक्षित गरी बाँकी ८० हजार ७०० कित्ता शेयर सार्वजनिक निष्कासन मार्फत विक्री खुला गरेको हो ।
त्यस्तै रिलायन्स लाइफले प्रतिशेयर रू. १०० अंकित दरको कुल ६३ लाख कित्ता शेयरमध्ये ३ लाख १५ हजार कित्ता सामूहिक लगानीकोषका लागि बाँडफाँट पश्चात ३ लाख १५ हजार कित्ता कर्मचारीहरुका लागि सुरक्षित गरी बाँकी रहेको ५६ लाख ७० हजार कित्ता सर्वसाधारणका लागि विक्री खुला गरेको हो ।
रिलायन्सको आईपीओ खरीदका लागि छिटोमा भदौ ८ गते र ढिलोमा भदौ २२ गते र समाजको छिटोमा भदौ ८ र ढिलोमा भदौ १८ गतेसम्मको समय तोकिएको छ । छिटो अवधिभित्रै माग भन्दा बढी आवेदन परिसकेकाले विक्री बन्द गर्न लागिएको हो ।
समाज लघुवित्तले बिहिबारदेखि बिक्रीमा ल्याएको आइपीओमा आइतबार साँझ सम्ममा १२७ गुणा भन्दा धेरै आवेदन परेको छ। लघुवित्तको आइपीओमा १२७.७३ गुणा बढी आवेदन परेको हो। बिक्री प्रबन्धक सिद्धार्थ क्यापिटलले दिएको जानकारी अनुसार आइतबार पाँच बजेसम्ममा ४ लाख ८५ हजार ४८३ वटा आवेदनबाट १ करोड ३ लाख ८ हजार ४५० कित्ता शेयर खरिदको लागि आवेदन परेको छ ।
रिलायन्स लाइफ इन्स्योरेन्सले बिक्रीमा ल्याएको आइपीओमा आइतबारसम्म ३ गुणा भन्दा धेरै शेयर खरिदको लागि आवेदन परेको छ। विक्री प्रबन्धक सानिमा क्यापिटलले दिएको जानकारी अनुसार आइतबार साँझ सम्ममा ३.६० गुणा धेरै शेयर खरिदको लागि आवेदन परेको छ। ५ लाख ३ हजार ८०२ जना आवेदकबाट २ अर्ब ४ करोड १४ लाख १९ हजार रुपैयाँ बराबरको २ करोड ४ लाख १४ हजार १९० कित्ता शेयर खरिदको लागि आवेदन परेको हो।
रिलायन्सको आईपीओ खरीदका लागि न्यूनतम १० कित्ता र अधिकतम ६३ हजार कित्तासम्म माग गर्न सकिनेछ भने समाज लघुवित्तको शेयर खरिदका लागि न्यूनतम १० कित्ता र अधिकतम ५ हजार कित्तासम्म आवेदन दिन सकिनेछ ।
प्राथमिक बजारमा सार्वजनिक निष्कासनका क्रममा आस्बा सेवा अनिवार्य गरिएकाले आस्बा सेवामा सहभागी सम्पूर्ण बैंक तथा वित्तिय संस्था र मेरो शेयर खाता मार्फत घरमै बसेर आवेदन दिन सकिनेछ ।
नयाँ जीवन बीमा कम्पनीको रुपमा सञ्चालित रिलायन्स लाइफले आईपीओ विक्री गर्न साउन १६ गते र समाज लघुवित्तले साउन २१ गते नियामक निकाय नेपाल धितोपत्र बोर्डको अनुमति पाएको हो ।
समाज लघुवित्तको जारी पूँजी रू. २ करोड रहेको छ । हाल संस्थापकहरुबाट चुक्ता भएको पूँजी रू. १ करोड १४ लाख रहेको छ । सर्वसाधारणका लागि यो आईपीओ जारी पश्चात समाज लघुवित्तको जारी पूँजी अनुसारको रकम कायम हुनेछ ।
त्यस्तै हाल रू. १ अर्ब ४७ करोड चुक्तापूँजी रहेको रिलायन्स लाइफले बीमा समितिले तोके बमोजिम रू. २ अर्ब चुक्तापूँजी कायम गर्न आईपीओ जारी गर्न लागेको हो । आईपीओ पश्चात कम्पनीको चुक्तापूँजी रू. २ अर्ब १० करोड पुग्नेछ ।
काठमाडौं । एनएमबी बैंकले कञ्चन डेभलपमेन्ट बैंक लिमिटेडलाइ प्राप्ति पश्चात आइतबारबाट एकीकृत वित्तीय कारोबारको शुरु गरको छ। बैंकको नाम “एनएमबि बैंक लि.” नै रहने छ भने रजिष्ट्रर्ड/मुख्य कार्यालय साविककै बबरमहल काठमाडौंमा रहेको छ। अब बैंकको चुक्ता पूँजी १४ अर्ब ४५ करोड रुपैयाँ तथा जगेडा कोषको आकार ७ अर्ब ३५ करोड रुपैयाँ पुगेको छ।
एकीकृत वित्तीय कारोवारको थालनीसँगै, एनएमबि बैंककोे सबै प्रादेशिक संरचनामा सन्तुलित सञ्जालको विस्तार भई बैंकको ब्रान्ड (चिनारी) समेत बलियो रुपमा स्थापति हुने जनाइएको छ। जसले सहरोन्मुख र ग्रामीण क्षेत्रका जनतामा वित्तीय पहुँच पुर्याउने बैंकको दिगोको लक्ष्य प्राप्त गर्न सरोकारवालाहरुसंगको सहकार्यलाई अघि बढाउन मद्दत गर्ने बताइएको छ।
कञ्चन डेभलपमेन्ट बैंकसङग प्राप्ति पश्चात बैंकले १८६ शाखाहरु, ६ विस्तारित काउन्टरहरु र १३५ एटीएमहरुको मजबुत सञ्जाल मार्फत ग्राहकहरुलाई सेवा प्रदान गर्नेछ।