मकवानपुर । कार्तिक १६ गते आइतबार सुन तथा चाँदीको मूल्य बढेकाे छ । सुन तोलामा पाँच सय रुपैयाँ बढेको छ भने चाँदी ताेलामा १५ रुपैयाँ बढेकाे नेपाल सुनचाँदी व्यवसायी महासंघले जनाएकाे छ ।
महासंघका अनुसार साताकाे पहिलाे दिन सुनको मूल्य पाँच सय बढेसँगै आइतबार तोलाको ९५ हजार रुपैयाँमा कारोबार भइरहेको छ ।
शुक्रबार सुन एक हजार रुपैयाँ घटेर तोलाको ९४ हजार ५ सय रुपैयाँ कायम भएको थियो ।
महासंघका अनुसार आइतबार चाँदीको मूल्यसमेत तोलामा १५ रुपैयाँ बढेको छ। चाँदी तोलाको ११ सय ९५ रुपैयाँमा कारोबार भइरहेको छ ।
मकवानपुर । सुनकाे भाउ घटेकाे छ । दशैँ पछिको पहिलो कारोबार दिन सुनचाँदीको भाउ ओरालो लागेको हाे । आज विहीबार सुनको भाउ तोलामा १ हजार रुपैयाँले घटेको हो ।
नेपाल सुनचाँदी व्यवसायी महासंघका अनुसार विहीबार छापावाला सुन प्रतितोला ९४ हजार ७ सय रुपैयाँमा र तेजाबी सुन प्रतितोला ९४ हजार २ सय रुपैयाँमा कारोबार भएकाे छ । यसअघि कार्तिक ६ गते सुन प्रतितोला ९५ हजार ७ सय रुपैयाँमा काराेबार भएको थियो ।
यसैगरी चाँदीको भाउ पनि विहीबार तोलामा ५० रुपैयाँले घटेको छ । चाँदी प्रतितोला १ हजार १ सय ८० रुपैयाँमा किनबेच भइरहेकाे महासंघले जानकारी दिएकाे छ । यस अघीकाे कारोबार दिन चाँदी प्रतितोला १ हजार २ सय ३० रुपैयाँमा कारोबार भएको थियो ।
अन्तरराष्ट्रिय बजारमा पनि सुनको मूल्य ओरालो लागेको छ । यस दिन सुन प्रति अउन्स १ हजार ८ सय ८३ डलर भन्दा बढिमा खरिदबिक्री हुँदैछ ।
मकवानपुर ।नेपाल उद्योग वाणिज्य महासंघकाे आगामी मङ्सिर ११ र १२ गते ५४ औ वार्षिक साधारण सभाको मिति ताेकिए सँगै निर्वाचन तालिका बुधबार सार्वजनिक गरेकाे छ । महासंघले ३ ठाउँमा निर्वाचन गर्ने गरी निर्वाचन तालिका सार्वजनिक गरेको हाे।
महासंघको कार्यालय टेकु, कार्की व्याङकेट बबरमहल र प्रज्ञा प्रतिष्ठान कमलादीमा निर्वाचनका कार्यक्रम हरू गर्ने सूचनामा भनिएको छ। कोभिड १९ र सरकारले तोकेको स्वास्थ्य मापदण्डलाई पालन गर्दै भिन्दा भिन्दै ठाउँमा निर्वाचनका कार्यक्रम तय गरिएको महासंघले जनाएको छ।
दुई दिन हुने साधारण सभामा १२ गते निर्वाचन हुने बताइएको छ। उक्त निर्बाचनकोलागि उम्मेद्वारहरुको मनोनयन पत्र बुधवार देखिनै दाखिला गर्न सकिने छ। दाखिला भएको मनोनयन पत्रको आधारमा उम्मेद्वारहरुको पहिलो नामावली मङ्सिर चार गते साँझ ६ बजे प्रकाशित हुने छ। उम्मेद्वारहरुका विरुद्धमा परेका दाबि विरोधको छिनोफानो पछि अन्तिम नामावली मङ्सिर ८ गते प्रकाशन हुने सूचनामा भनिएको छ।
मकवानपुर । बागमती प्रदेशका मुख्यमन्त्री डोरमणि पौडेलले नीति, योजना र लक्ष्य अनुसार सरकारले काम गर्ने बताएका छन् । प्रदेश नीति तथा योजना आयोगले तयार पारेको दिगो विकासका लक्ष्यहरू बागमती प्रदेशको अवस्था तथा मार्गचित्र बिमोचन गर्दै उनले नीति अनुसार काम नभए उद्देश्य प्राप्ती नहुने बताए।
अहिले पनि तीनै तहले बिकासमुखी भन्दा पनि बितरणमुखी बजेट प्रस्तुत गरिरहेको भन्दै यसलाई सुधार्न जरुरी रहेको बताएका हुन्। ‘बजेटलाई अहिलेपनि छर्ने परिपाटी रहेको छ, यो हामीले अन्त्य गर्नुपर्छ’ पाैडेलले भने- ‘सम्बृद्धि हासिल गर्न उत्पादनमुखी काम गर्न जरुरी छ ।’ पौडेलले मौलिक हकको अनुभूति हुनेगरी कार्यान्वयन गर्ने, दायित्व तीनै तहका सरकारको भएको बताए । देशका लागि स्थायित्व र दिगो रूपमा विकास लक्ष्यहरु हासिल गर्दै, समृद्ध नेपालःसुखी नेपालीको सपनालाई टेवा दिने महत्वपूर्ण रूपमा बागमती प्रदेश रहेको उनले बताए ।
समाजवाद उन्मुख समृद्ध प्रदेशको दीर्घकालीन सोच प्रदेश सरकारको रहेको पनि उनले स्पष्ट पार्दै भने–‘भौगोलिक विकटता, जनसांख्यिक विविधता, समावेशीताजन्य चुनौती र समस्याहरूसँग जुध्दै समाजवाद उन्मुख वातावरण तयार पार्ने दायित्व समेत प्रदेश सरकारको छ ।’ प्रदेशले दिगो विकासका रणनीतिक प्राथमिकताका विषयगत लक्ष्य तथा उद्देश्यहरूको सूचकहरू जसलाई गतवर्ष प्रकाशित पहिलो आवधिक योजनामा समावेश गरिएका जानकारी दिदैं यसैलाई दिगो विकासको लक्ष्यको आधारभूत तथ्यांक स्रोतको रूपमा प्रयोग भएको उनले जानकारी दिए।
प्रतिवेदनमा नेपालको दिगो विकासको चित्रण प्रस्तुत गर्नको साथै महत्वपूर्ण वर्षको रूपमा रहेको २०१९, २०२२ र २०२५ को लागि प्रमुख आधार तथ्यांकहरू समावेश गर्दै सन् २०३० को लागि मार्गचित्र प्रस्तुत गरेको उनले जानकारी दिए । ‘लक्ष्यहरू पूरा गर्नका लागि केही समय चुनौति रहेपनि हाम्रा विकासका लक्ष्यहरू, निर्धारित उद्देश्यहरू समयमै प्राप्त गर्नका लागि सरकारी र गैरसरकारी नीजि र सामुदायिक क्षेत्रबीच रणनीतिक साझेदारी हुन आवश्यक छ ।’ मुख्यमन्त्री पाैडेलले भने ।
मकवानपुर । सानिमा जनरल इन्स्योरेन्सले आज बुधबारबाट आईपीओ निष्काशन तथा बिक्री खुला गरेको छ।
कम्पनीले एक सय रुपैयाँ अंकित दरका ३० करोड रुपैयाँ बराबरको ३० लाख कित्ता आईपीओ निष्काशन गरेको हो। कम्पनीले निष्काशन गरेको कुल शेयरमध्ये १ लाख २० हजार कित्ता कम्पनीका कर्मचारी र १ लाख ५० हजार कित्ता म्युचुअल फण्डहरुका लागि छुटयाइएको छ।
सर्वसाधारणले बाँकी २७ लाख ३० हजार कित्ता शेयरका लागि आवेदन दिन सक्नेछन्।कम्पनीको आईपीओमा असोज २५ गतेसम्म आवेदन दिन सकिनेछ। लगानीकर्ताले न्यूनतम १० कित्तादेखि अधिकतम १ हजार कित्तासम्म आवेदन दिन सक्नेछन्।
कम्पनीको शेयर निष्काशन तथा बिक्री प्रबन्धकमा एनआईसी एशिया क्यापिटल लिमिटेड रहेको छ। ईच्छुक लगानीकर्ताहरुले आस्वा सेवा प्राप्त बैंक तथा वित्तीय संस्थाहरुका साथै मेरो शेयरमार्फत आवेदन दिन सक्नेछन्।