मकवानपुर । मकवानपुर उद्योग बाणिज्यसंघकाे मंगलबार नयाँ नेतृत्वकाे लागि सम्पन्न चुनावकाे मत परिणाम आउन थालेकाे छ । जस अनुसार वस्तुगत तर्फको उपाध्यक्षमा राजु अधिकारी, एसोसीयट तर्फको उपाध्यक्षमा उज्वल चौलागाईं र उद्योग तर्फको उपाध्यक्षमा प्रमोदसिं रानाभाट निर्वाचित भएका छन् ।
वस्तुगत उपाध्यक्षमा अधिकारीले १८ मतका साथ विजयी भएका हुन्। बस्तुगत तर्फकै उपाध्यक्ष पदका अर्का उम्मेदवार काव्यमणि अधिकारीले ११ मत प्राप्त गरेका छन् । एसोसियट उपाध्यक्षमा विष्णु खनाललाई हराउदै चौलागाई निर्वाचित भएका हुन् । चौलागाईले ६३ मत प्राप्त गर्दा खनालले ५० मत प्राप्त गरेका छन् । त्यसैगरी एशोसिएट सदस्यमा अंकिता सुमार्गी, गणेशप्रसाद भेटुवाल र राजाराम कार्की र दिपक उप्रेती निर्वाचित भएका छन् ।
यसैगरी उद्योग तर्फको उपाध्यक्षमा रानाभाट ३ सय ७० मतका साथ विजयी भएका छन् । उद्याेग तर्फका उम्मेदवार प्रतिमा श्रेष्ठलाई पराजित गर्दै रानाभाट निर्वाचित भएका हुन् । श्रेष्ठले ३ सय १९ मत प्राप्त गरेकी थिइन् । उद्योगमा ८ सय ९० मतदाता मध्ये ७ सय ५३ मत खसेको थियो । उद्याेग तर्फ सदस्यहरुमा रुपकराज दाहाल, श्रीकृष्ण कर्माचार्य, सन्तोषकुमार अर्याल र नरेन्द्र भण्डारी विजयी भएका छन् ।

मकवानपुर । मकवानपुर उद्योग वाणिज्यसंघको साधारण सभा आइतबारबाट हेटौंडामा सुरु भएको छ । मउवा संघकाे ५४ औ र ५५ औ साधारण सभा सुरु भएकाे हाे ।
कोभिड-१९ कारण प्रतिनिधिमुलक उपस्थिती तथा जुम एप्स मार्फत सुरु भएकाे साधारण सभा संघ अध्यक्ष कृष्ण कटुवालको अध्यक्षता तथा नेपाली कांग्रेस जिल्ला सभापती तथा बागमती प्रदेशका संसदीय दलका नेता इन्द्र बहादुर बानियाँको प्रमुख आतिथ्यतामा भएको हो ।
कार्यक्रममा बागमती प्रदेशसभाका सदस्यहरु कुमारी मोक्तान, प्रेमबहादुर पुलामी, मुनु सिग्देल,नेपाल उद्योग वाणिज्य महासंघका केन्द्रीय सदस्य अरुणराज सुमार्गी, प्रदेश महासंघका पदाधिकारी, संघका पूर्व अध्यक्ष, विभिन्न संघ संस्थाका अध्यक्ष, जनप्रतिनिधिहरु, मकवानपुरका प्रमुख जिल्ला अधिकारी भरतमणि पाण्डे लगायतकाको अतिथ्यता रहेको थियो ।
कार्यक्रममा २०१८ की मिस नेपाल श्रृङखला खतिवडा, संगीतकार शिखर सन्तोष, व्यवसायी तथा समाजसेवी रामचन्द्र बर्तौला, हेटौंडा खानेपानी व्यवस्थापन वोर्ड लगायत विभिन्न व्यक्तिहरुलाई नगद सहित सम्मान गरिएको थियो ।
निर्वाचनकाे कार्यक्रम कात्तिक ९ गते , अध्यक्षमा न्यौपाने र अग्रवाल प्रतिस्पर्धामा
संघको यस साधारण सभाले नयाँ नेतृत्व चयन गर्नेछ । नेतृत्व चयनकाे लागि निर्वाचन कात्तिक ९ गते मंगलबार हुदैछ । संघकाे नयाँ नेतृत्वका लागि अध्यक्ष पदमा पूर्व अध्यक्ष राजकुमार न्यौपाने र वर्तमान उपाध्यक्ष कृष्ण गुप्ता अग्रवालले प्यानल बनाएर उम्मेदवारी घाेषणा गरेका छन् । अध्यक्ष पदका उम्मेदवार न्याैपाने र अग्रवाल बीच कडा प्रतिस्पर्धा हुने भएकाे छ ।
संघकाे चुनावमा न्यौपानेको प्यानलबाट वाणिज्यतर्फको उपाध्यक्ष पदमा रामप्रसाद न्यौपाने, उद्योगतर्फको उपाध्यक्ष पदमा प्रतिमा श्रेष्ठ, एशोसियट तर्फको उपाध्यक्षमा उज्वल चौलागाईँ र वस्तुगततर्फको उपाध्यक्षमा राजु अधिकारी उम्मेदवार रहेका छन् ।
त्यस्तै सदस्य पहको उम्मेदवारहरुमा नवराज खतिवडा, राजु थापा, अशोककुमार राउत, अजिव भट्टराई, तेजराज अधिकारी, दिपक शिवाकोटी, ज्ञानेन्द्र बर्तौला, मेनका श्रेष्ठ, नरेन्द्र भण्डारी, हरिप्रसाद ढकाल, माधव ज्ञवाली, दिवस पराजुली, नेत्रप्रसाद खतिवडा, सुदर्शन पराजुली, विष्णु दाहाल, बालकृष्ण बजगाईँ, हरिनारायण ठाकुर, मनु दाहाल, नेत्र कुमारी भक्त अग्रवाल, राजु राउतलगायतत रहेका छन् ।
यस्तै अग्रवालको प्यानलमा वाणिज्य तर्फको उपाध्यक्ष पदमा अनिल अग्रवाल, उद्योगतर्फको उपाध्यक्ष पदमा प्रमोदसिंह रानाभाट, एसोसियटतर्फको उपाध्यक्ष पदमा विष्णु खनाल, वस्तुगततर्फको उपाध्यक्ष पदमा काब्यमणि अधिकारी उम्मेदवार रहेका छन् ।
त्यस्तै सदस्यहरुमा कुलप्रसाद चौँलागाई, जावेद हुसेन, सन्तोष कुमार अर्याल,गणेशप्रसाद भेटवाल, पुष्पराज पुडासैनी, कृष्णप्रसाद ढुंगाना, निलम बैद्य, भुपेन्द्रप्रसाद अधिकारी, अंकिता सुमार्गी, प्रदिप अर्याल, दिपक खत्री, निमल पाण्डे श्रीकृष्ण कर्माचार्य, राजाराम कार्की, अनिलभक्त श्रेष्ठ, विकेशलाल श्रेष्ठ, कृष्णहरि बर्तौला, रुपकराज दाहाल, दिपक उप्रेती, दामोदर पाठक, र सितादेवी भेटुवाल रहेका छन् ।
निर्वाचित सदस्यहरुबाट १ महासचिव, ३ सचिव, १ कोषाध्यक्ष र १ कोषाध्यक्ष मनोनित हुनेछन् । त्यस्तै थप ३ जना सदस्य मनोनित गरिने जनाइएको छ । संघको समितिमा १२ जना पदाधिकारी र २० जना सदस्य गरी कूल ३२ जना रहने जनाइएको छ ।
मकवानपुरगढीका कृषि अधिकृत चौधरी ‘ईन्टीग्रेटी आईकन २०२१’बाट सम्मानित
Tags: No Comments
मकवानपुर/मकवानपुरगढी गाउँपालिकाका मकवानपुरगढी गाउँपालिकाका कृषि अधिकृत चन्द्रकान्त चौधरी राष्ट्रसेवक ईन्टीग्रेटी आईकन २०२१ बाट सम्मानित भएका छन् ।अकाउन्टविलिटी ल्याब नेपालले यसवर्षको अवार्ड सार्वजनिक गरेको हो ।
जेटिए अध्ययन गरेका चौधरी २०६० सालमा प्राविधिक चौथोबाट सरकारी सेवामा प्रवेश गरेका हुन् । व्यवसायिक तरकारी खेतिको क्षेत्र बिस्तार गरे । थोरै क्षेत्रमा खेती गर्दा लगानी बढी लाग्ने र घर खर्चलाई मात्र पुग्ने हुन्छ । क्षेत्र विस्तार गरेर खेती गर्दा राम्रो कमाउन सकिन्छ भनेर उनले शुरुमा मकवानपुरगढी गाउँपालिका वडा नं. ३ का ५/७ जना किशानहरु भेला गरेर यसबारे ज्ञान दिलाए । उनकै ज्ञान र सल्लाहबाट बाँकी पेज ५ मा मकवानपुरगढी गाउँपालिकामा १० कठ्ठा जग्गामा खेती गर्ने कृषक अहिले ८/९ बिगाहामा खेती गर्ने भएका छन् ।

उनले वडा नं. ८ मा बेमौसमी तरकारी खेतीको सम्भावना राम्रो भएको देखे । २०७५ सालमा गाँउपालिकाबाट बजेट बिनियोजन गरेर बेमौसमी तरकारी क्षेत्र घोषणा भयो । हाल त्यस क्षेत्रका ८२ जना किशानहरु बेमौसमी खेती गरेर आमदानी लिईरहेकाछन् ।
स्थानीय तहमा माटो परिक्षणको प्रयोगशाला स्थापनामा पनि उनको योगदान छ । बागमती प्रदेश सरकारले माटो परीक्षण प्रयोगशालालाई सहयोग गर्ने कार्यक्रम थियो । प्रदेश सरकारले ५ स्थानीय तहलाई प्रयोगशालाका सामानहरु सहयोग ग¥यो । ५ वटा मध्ये सबै भन्दा पहिले मकवानपुरगढी गाउँपालिकाले ल्याब सञ्चालन ग¥यो । पहिले अदुवामा रोग लाग्ने समस्या थियो । अहिले माटो परीक्षण गरेर अदुवा लगाउदाँ उत्पादन बढेको छ । यसले गर्दा कृषकहरु अदुवा खेती प्रती आकर्षित भएका छन् ।
गाउँपालिकामा कृषकहरुको उत्पादनलाई सहकारी मार्फत बजारीकरण गर्ने भूमिकामा पनि उनी अगाडि देखिएका छन् ।कृषकले उत्पादन बढाए पनि उचित मुल्य नपाउने समस्या समाधान गर्न उनले सहकारी मार्फत बजारीकरण अवधारणा पालिकामा पेश गरे । पालिकाले बजेट छुट्यायो । त्यसपछि खुला प्रतिश्पर्धाबाट एउटा सहकारी पसल सञ्चालनमा आयो । त्यसपछि कृषकले कम मूल्य पाउने र उपोभोक्ताले बढी मूल्य तिर्नु पर्ने समस्या न्यूनीकरण भयो । त्यसमाथी कृषकलाई प्रोत्साहन गर्न धान, गँहु, मकै, कोदो, फापर जस्ता अन्न सहकारी मार्फत बिक्रि गर्दा पालिकाले किलोको २ रुपैया थप दिने र सहकारीले पनि भण्डारन गरे बापत किलोको २ दुई रुपैया पाउने व्यवस्था लागु गर्न पनि उनले नै पहल गरे ।
यसैगरी किसान क्रेडिट कार्ड सुविधा पनि गाउँपालिकाले ल्याएको छ । दुई लाखसम्म ऋण उपलब्ध हुने गरी किसान क्रेडिट कार्ड २५ जनालाई वितरण गरिएको छ । यसको फोकल पर्सन चौधरी आफै छन् । उनले करिब ७० जना किसानको लागि क्रेडिट कार्ड सिफारिस गरिसकेका छन् । नेपाल बंगलादेश बैंकले प्रकृया पुरा गरेर कार्ड मार्फत कर्जा उपलब्ध गराउँदछ । विशेष गरेर व्यवसाय सुरुवात गर्ने साना किसान जस्तै, २ वटा गाई पाल्ने, १० वटा बाख्रा पाल्ने कृषकहरुलाई लक्षित गरेर यो कार्यक्रम ल्याईएको हो ।

कृषक व्यवसायिक खेतिबाट मनग्गे आमदानी गररे खुसी अनुहार लिएर कार्यालय आउँदा रमाउने चौधरीले व्यवसाय, बजार र प्रविधीसँग किशानलाई अभ्यस्त बनाएर एक उदाहरणीय कृषि प्राविधिकको रुपमा आफुलाई प्रस्तुत गरेका छन् । प्रतिफलकाे आशा नराखी आफ्नाे जिम्मेरी पुरा गर्दा आफूले सम्मान पाउँदा कामप्रतिकाे लगावमा झनै हैसला मिलेनकाे उनले सहीखबरसँग बताए ।
चौधरी सहित नवलपुरासी पुर्व जिल्लाका प्रमुख जिल्ला अधिकारी मनमाया पंगेनी,भेरी अस्पताल, नेपालगञ्ज बाँकेका नर्सिङ अधिकृत (कोभिड फोकल पर्सन) शिला शर्मा, भक्तपुर अस्पतालका मेडिकल सुपेरिटेन्डेण्ट डा. सुमित्रा गौतम, र भाषा आयोगका उपससचिव डा. लोक बहादुर लोप्चनलाई ईन्टीग्रेटी आईकन २०२१ बाट सम्मान गर्ने निर्णय भएको हो ।
तस्बिर साभार: चाैधरीकाे फेसबुक
“आर्थिक पाटो दरिलो पार्न आर्थिक पत्रकारको सुझाव अपेक्षाकृत छ”
Tags: No Comments
मकवानपुर / बागमती प्रदेश आर्थिक मामिला तथा योजना मन्त्री रचना खड्काले आर्थिक पत्रकारीता गर्ने पत्रकारहरूबाट प्रदेशको आर्थिक मामिलामा महत्वपूर्ण सुझाव प्राप्त हुने आशा प्रकट गरेकी छन् ।
पत्रकारले तीनै तहको सरकारलाई जिम्मेवार बनाउन सक्ने बताउंदै आर्थिक मन्त्री खड्काले भनिन् “संघीय व्यवस्था बलियो बनाउने आर्थिक पाटो चुस्त हुनुपर्छ ।”
नेपाल आर्थिक पत्रकार समाज (सेजन)को आयोजनामा हेटौंडामा आयोजित सार्वजनिक खर्च तथा वित्तीय उत्तरदायित्व सचिवालयसँगको सहकार्यमा आर्थिक पत्रकारहरूलाई सार्वजनिक वित्त व्यवस्थापनसम्बन्धि तालीम तथा अभिमुखिकरणमा यस्तो बताएकी हुन् । संघीय व्यवस्था सफल बनाउन बित्तीय संघीयता सफल हुनुपर्ने उनले बताइन् । पत्रकारको अध्ययन बिश्लेषणले राष्ट्रको वित्तीय व्यवस्था दरिलो हुने उनले बताइन् ।
सही सूचनाको विश्लेषणले जनतालाई बलियो बनाउने भएकोले सबै प्रकारको नेतृत्वलाई जिम्मेवार बनाउने सुझाव महत्त्वपुर्ण हुने उनले बताइन् । “भौतिक पुर्वाधार क्षेत्रमा विकास गर्नको लागि मात्र बजेट व्यवस्था गरिनु पनि संघीयताको उपलब्धि हैन, भूई तहका व्यक्तिको पहुँचमा पुग्ने विकास गरिनु आवश्यक छ” उनले भनिन् । वित्तीय अनुशासनको पाटोमा पनि पत्रकारले चासो राख्नुपर्ने उनले बताइन् ।
कार्यक्रम बागमती प्रदेश आर्थिक मामिला तथा योजना मन्त्रालयका अर्थ सचिव धनिराम शर्माले आर्थिक सूचनाहरू जनताका बिचमा लैजाने क्रममा पत्रकारहरूबाट प्राबिधिक त्रुटि हुने गरेको गुनासो गरे । सरकारले बिनियोजित गर्ने बजेट मितव्ययी भए नभएको, दोहोरपना आए नआएको बारे चासो राखिदिन उनले आग्रह गरे । पारदर्शीतालाई ध्यानमा राख्दै लक्ष्यित बजेट, खर्च बारे राम्रो अध्ययन नभएको उनले बताए । सरकारले बजेट ल्याउनु अघि जनताको सुझाव संकलन भए नभएको, संसदीय नियन्त्रणको अवस्था, कर प्रणाली, योजनाको दीर्घ प्रभावित बारे सूचना आमनागरिकमा लैजान मिडियाले भूमिका निर्वाह गर्नु पर्ने अर्थ सचीव शर्माले बताए ।
आर्थिक पत्रकार समाज सेजनका अध्यक्ष जनार्दन बरालको अध्यक्षतामा भएको कार्यक्रममा सार्वजनिक वित्त व्यवस्थापन सम्बन्धमा हालसम्मका व्यवस्थाहरू बारे पेफाका सदस्य सचिव गोरखबहादुर शाहीले र प्रदेश बजेट खर्च प्रणाली तथा प्रदेश लेखा नियन्त्रक कार्यालयबाट हुने कामहरू बारेमा बागमती प्रदेश लेखा नियन्त्रक हरिप्रसाद उपाध्यायले प्रस्तुति गरेका थिए ।
कार्यक्रममा नेपाल सरकारका पुर्व सचिव सुशील पाण्डेले केन्द्रिय तथा प्रदेश बजेट अनुदान प्रणाली, पुँजीगत खर्च संचित कोष बजेट घाट यसका समस्या र अभ्यास बारे जानकारी गराएका थिए । यसैगरी सेजनका निवर्तमान अध्यक्ष भीम गौतमले सार्वजनिक वित्त व्यवस्थापनसम्बन्धि हालको रिपोर्टिङ बारे पत्रकारलाई सहजीकरण गरेका थिए ।

मकवानपुर । सञ्जीवनी बचत तथा ऋण सहकारी संस्थाको पञ्चवर्षीय रणनीतिक योजना–२०७८ पारित गर्दै २० औं साधारण सभा सम्पन्न भएकाे छ । चालु आर्थिक वर्षबाट सुरु भएर आर्थिक वर्ष २०८२-८३ सम्म पञ्चवर्षीय रणनीतिक योजना लागू हुने शनिबार भएकाे २० औं वार्षिक साधारणसभा जानकारी गराइएकाे हाे ।
असोज १० गतेदेखि सुरु भएको साधारणसभाको समापनकाे अवसरमा अध्यक्ष अध्यक्ष जानकी चौधरीले पञ्चवर्षीय योजनाको साधारणसभामा प्रस्तुत गर्दै सहकारीले योजनाको अन्त्यसम्ममा सेयर सदस्य संख्यामा दोब्बर भन्दा बढी वृद्धि गर्ने लक्ष्य लिएको बताईन । हाल ३ हजार १ सय ६४ जना सेयर सदस्य रहेको सहकारीले पञ्चवर्षीय योजनाको समाप्तिको अवधिमा ७ हजार सेयर सदस्य बनाउने लक्ष्य लिएको छ ।
पञ्चवर्षीय योजनाको समाप्तिको अवधिमा सहकारीको सेयर पुँजी ५ करोड ५९ लाख रुपैयाँ, बचत संकलन ८२ करोड १७ लाख रुपैयाँ र ऋण लगानी ७६ करोड ७३ लाख रुपैयाँ पुर्याउने लक्ष्य रहेकाे अध्यक्ष चौधरीले जानकारी दिईन । सहकारीले पञ्चवर्षीय रणनीतिक योजनाको समाप्तिसम्ममा मुख्य कार्यालयसहित ११ वटा सेवाकेन्द्रबाट सेवा प्रदान गर्ने, शनिबार र सार्वजनिक विदाको दिनमा पनि सेवा सुचारु राख्ने लक्ष्य लिएको छ ।
सहकारीको आयोजनामा वडास्तरीय महिला तथा पुरुष भलिबल प्रतियोगिता, निशूल्क स्वास्थ्य शिविर, महिला अधिकारसम्बन्धी गोष्ठी, कोभिड–१९ महामारीको अवधिमा ऋणीलाई व्याज छुटलगायतका कार्य गरिएको अध्यक्ष चौधरीले बताईन् ।
सञ्जीवनीले साधारणसभाको अवसरमा असल बचतकर्ता, ऋणी, बालबचतकर्ता, अधिकतम् बचतकर्ता, उत्कृष्ट कर्मचारी, विद्यार्थीलाई सम्मान गरेको छ । साधारणसभाको समापन कार्यक्रममा हेटौंडा उपमहानगरपालिका ५ नम्बर वडा सदस्य सरस्वती दाहाल, भगवती विश्वकर्मा, जिल्ला बचत तथा ऋण सहकारी संघ लिमिटेड मकवानपुरकी उपाध्यक्ष मीना चौरेल, सहकारीका संस्थापक अध्यक्ष पूर्णबहादुर खनाल, निवर्तमान अध्यक्ष रणबहादुर कार्कीको पनि उपस्थिति रहेको थियो ।