मकवानपुर । जिल्ला बहुउद्देश्यीय सहकारी संघ मकवानपुरको आठौं वार्षिक साधारण सभा शुक्रबार भएको छ । हेटौंडा–९, स्थित संघमा आवद्ध सदस्यहरुको उपस्थितिमा स्वास्थ्य मापदण्डको पालना गरेर साधारण सभा आयाेजना गरिएकाे हाे ।
संस्थाको आर्थिक वर्ष २०७७/०७८ मा शेयर पुँजी एक लाख १५ हजार, बचत २० लाख ६७ हजार ७६५, जगेडा कोषमा २९ हजार १७ रुपैयाँ, अन्य कोषमा ५८ हजार ४०८, आयकर व्यवस्थापनमा एक हजार ४१८ रुपैयाँ र भुक्तानी दिनुपर्ने १६ लाख ७४५ रुपैयाँसहित कुल ३८ लाख ७२ हजार ३५४ रुपैयाँको कारोबार गरेको जनाईएको छ ।
साधारण सभामा संस्थाका अध्यक्ष रामहरी न्यौपानेले संचालक समितिको तर्फबाट आ.व. २०७७/०७८ को वार्षिक प्रगति प्रतिवेदन तथा आ.व. २०७८/०७९ को लागि निति तथा कार्यक्रम, लक्ष्य र बजेट प्रस्तुत गरेका थिए । प्रतिवेदन प्रस्तुत गर्दे अध्यक्ष न्यौपानेले जिल्ला स्थित ३२ वटा मध्ये १९ वटा बहुउद्देश्यीय सहकारीहरु आवद्ध भई स्थापना भएको संघमा जिल्लाका सबै बहुउद्देश्यीय सहकारीहरुलाई अबद्ध गराउने आगामी योजना रहेको जानकारी दिए ।
बहुउद्देश्यीय सहकारीहरु सुदृढ र गतिशील हुन आवश्यक रहेको बताउँदै उनले संघमा आयस्रोतको कमीका कारण समेत काम गर्न समस्या रहेको बताए । संस्थाले विभिन्न सामाजिक क्रियाकलाप अन्र्तगत विभिन्न कार्यक्रमहरु गर्दै समेत आएको र संघको आयस्रोत बृद्धिका लागि सहकारी पसलसमेत सञ्चालन गरेको उनले जानकारी दिए । उनले राज्यको तिन खम्बे अर्थनीति मध्ये एक खम्बा सहकारी क्षेत्र रहेकोले राज्यको आर्थिक विकासमा टेवा पु¥याउने उद्देश्यका साथ संस्था अगाडि बढिरहेको तर राज्य पक्षबाट भने आवश्यक सहयोग प्राप्त नभएको गुनासो गरे ।
अध्यक्ष न्यौपानेको अध्यक्षतामा सम्पन्न साधारण सभामा हेटौंडा–९, का वडाअध्यक्ष लक्ष्मण प्रसाद भण्डारीको प्रमुख आतिथ्यता थियो । साधारणसभामा बागमती प्रदेश बचत संघकी उपाध्यक्ष राधा सिन्तान, नारयणी बचत तथा ऋण सहकारीका अध्यक्ष जंगबहादुर गुरुङ्, शिवम सिमेन्टका क्षेत्रीय बिक्रि प्रबन्धक सनद गोतामेलगायतले मन्तव्य व्यक्त गरेका थिए । साधारण सभामा नारायणि बहुउदेश्यका उपाध्यक्ष रामचन्द्र दाहाललगायत संघका कार्यसमिति सदस्यहरु र विभिन्न बहुउदेश्यीय सहकारीहरुका प्रतिनिधिहरुको उपस्थिती थियो ।
मकवानपुर । दिव्यतारा बहुउद्देश्यीय सहकारी संस्था लिमिटेडको २३ औँ वार्षिक साधारणसभा शनिबार हेटौंडामा सम्पन्न भएको छ । हेटौंडा उपमहानगरपालिका वडा नम्वर २, पल्पसारोडमा रहेकाे सहकारीकाे साधारणसभा अध्यक्ष महालक्ष्मी उपाध्याय ‘डीना’ को सभाध्यक्षता तथा सहकारीकी ज्येष्ठ सदस्य आत्मा देवी कोइरालाको प्रमुख आतिथ्यमा भएको हो ।
सहकारी अध्यक्ष उपाध्यायले दिव्यतारा बहुउद्देश्यीय सहकारी संस्था मकवानपुरको अग्रस्थानमा रहँदै अब बागमती प्रदेशकै अग्रणी सहकारीको रुपमा स्थापित हुने बताइन् । आर्थिक वर्ष २०७७/७८ मा ८ हजार ७ सय ८६ जना सेयर सदस्य रहेको सहकारीको सेयर पुँजी ११ करोड ४९ लाख रुपैयाँ रहेको जनाइएको छ । सहकारीले ५१ करोड ४२ लाख रुपैयाँ बचत संकलन गरेको छ भने ९१ करोड ३२ लाख रुपैयाँ ऋण लगानी गरेको छ ।
सामुदायिक रेडियो समेत सञ्चालन गरिरहेको सहकारीले खाद्य तथा तेल उद्योग, सहकारी उपभोक्ता पसल, साबुन उद्योग, गोलभेँडा प्रशोधन केन्द्र सञ्चालन गरिरहेको छ । सहकारीले हेटौंडा–२ स्थित मुख्यालयसहित जिल्लाभित्र १० वटा र ललितपुरको बागडोल तथा चितवनको भरतपुर–१०, चौबीसकोठीमा पनि सेवा केन्द्र सञ्चालन गरेको छ ।
साधारणसभाको अवसरमा उत्कृष्ट बचतकर्ता, ऋणी, सदस्य परिवारबाट एसईईमा उत्कृष्ट नतिजा हासिल गर्ने विद्यार्थीलाई सम्मान गरिएको छ ।
मकवानपुर । मकवानपुर उद्योग वाणिज्य संघले व्यवसायीलाई सहयोग छ । मउवासंघले स्थापना गरेको व्यवसायी हित कोषबाट विहीबार १ व्यवसायीलाई आर्थिक सहयोग गरेको हाे ।
विहीबार संघले कार्यक्रमकाे आयाेजना गरी हेटौंडा–८ मा आर के किराना स्टोर्सको नामबाट व्यवसाय गर्दै आएका रामकृष्ण लामिछानेको पसलमा आगलागी भई क्षति पुगेकोमा ५० हजार रुपैया सहयोग गरिएको हो । लामिछानेलाई संघको सचिवालयमा संघ अध्यक्ष कृष्ण कुमार गुप्ताको अध्यक्षता र व्यवसायी हितकोष व्यवस्थापन समितिका संयोजक अनिल भक्त श्रेष्ठको संयोजनमा कार्यक्रम गरी उक्त सहयोग रकम हस्तान्तरण गरिएको हो ।
संघले २०७२ सालमा व्यवसायी हितकोष स्थापना गरी दैवी विपत्ति परेका व्यवसायीहरुलाई सहयोग गर्दै आएको संघ अध्यक्ष गुप्ताले बताए ।
मकवानपुर । मकवानपुर उद्योग वाणिज्य संघको ३ दिवसीय योजना कार्यशाला गोष्ठी सम्पन्न भएको छ । नयाँ कार्यसमिति चयन भएपछि संघको लक्ष्य तथा उद्देश्य प्राप्तिको लागि समान धारणा तथा कार्यदिशा बनाउन संघको समाथ्र्य तथा चुनौतिहरु पहिचान गर्न र आपसी सदभाव बढाउन योजना कार्यशाला गोष्ठी अयोजना गर्ने गरिएको छ ।
पौष १५ गतेदेखि १७ गतेसम्म नवलपारसीको देवचुली नगरपालिका वडा नं. १७ मा योजना कार्यशाला गोष्ठी आयोजना गरिएको हो । संघका अध्यक्ष कृष्ण कुमार गुप्ताको अध्यक्षतामा गोष्ठीको शुभारम्भ गरिएको थियो । कार्यक्रममा नेपाल उद्योग वाणिज्य महासंघका केन्द्रीय सदस्य तथा कृषि उद्यम केन्द्रका सभापति अरुणराज सुमार्गी, संघका पूर्व अध्यक्ष उत्तमशर्मा ढकाल, भुवनलाल श्रेष्ठ, सल्लाहकार महेन्द्र राउत, संघका पदाधिकारी तथा सदस्यहरुको सहभागिता रहेको थियो ।
योजना कार्यशाला गोष्ठीमा नेपाल उद्योग वाणिज्य महासंघको कृषि उद्यम केन्द्रका कार्यक्रम अधिकृत अरुण श्रेष्ठले संघको क्षमता मूल्याङ्कन सम्बन्धमा सहजिकरण गरेका थिए । त्यसैगरी प्रमुख सहजकर्ताकोरुपमा आशुतोष तिवारीले कार्ययोजना तयारीमा सहजिकरण गरेका थिए । योजना कार्यशाला गोष्ठीबाट ३ वर्षीय कार्यकालभित्र सम्पादन गरिने विभिन्न संस्थागत क्रियाकलापहरुको कार्यतालिकासहितको सूची तयार गरिएको छ । यसले संघको दिर्घकालिन हित तथा योजनाहरुमा महत्वपूर्ण योगदान पुग्ने विश्वास लिइएको छ ।
संघको टोलीलाई उवासंघ चितवनद्वारा स्वागत
उवासंघ चितवनले संघका अध्यक्ष कृष्ण कुमार गुप्ताको नेतृत्वमा रहेको कार्यसमिति टिमलाई चितवनमा एक कार्यक्रम गरी स्वागत गरेको छ । योजना कार्यशाला गोष्ठी सम्पन्न गरी नवलपरासीबाट हेटौंडा फर्कने क्रममा उद्योग वाणिज्य संघ चितवनका अध्यक्ष राजु श्रेष्ठले मउवासंघको नवनिर्वाचित टिमलाई बधाई ज्ञापनसहित स्वागत गरेका थिए ।
स्वागत कार्यक्रममा उवासंघ चितवनका वरिष्ठ उपाध्यक्ष चुननारायण श्रेष्ठ, प्रथम उपाध्यक्ष सुमन श्रेष्ठ, तृतिय उपाध्यक्ष भोजराज कौडेलको पनि सहभागिता रहेको थियो । अध्यक्ष श्रेष्ठले आउँदाे पौष २५ गतेदेखि माघ ४ गतेसम्म चितवनमा मेला आयोजना गरिएकोले अवलोकनको लागि आमन्त्रणसमेत गरेका थिए ।
मकवानपुर । मकवानपुरमा रहेका सहारकाी सस्थाहरुले साधारण सभा धमाभम गर्न थालेका छन् । शनिबार हेटौंडा बचत तथा ऋण सहकारी संस्था लिमिटेडकाे २२ औं वार्षिक साधारणसभामा भएकाे छ ।
सहकारीको बचत ४४ करोड ७५ लाख रुपैयाँ रहेको छ । आर्थिक वर्ष २०७७/७८ को अन्तिम हिसावमा सहकारीको बचत ४४ करोड ७५ लाख रुपैयाँ देखिएको हो । सहकारीको सेयर सदस्य ५ हजार ६ सय ७ जना हुँदा सेयर पुँजी ३ करोड ८७ लाख रुपैयाँ पुगेको सहकारीका अध्यक्ष ईन्द्रबहादुर बस्नेतले जानकारी दिए ।
सहकारीका अध्यक्ष ईन्द्रबहादुर बस्नेतको अध्यक्षता तथा बागमती प्रदेश सहकारी विकास बोर्डका कार्यकारी उपाध्यक्ष नारायणप्रसाद देवकोटाको प्रमुख आतिथ्यमा भएको साधारणसभामा असल बचतकर्ता, असल ऋणीलाई सम्मान गरिएको छ । यस्तै सहकारीले उत्कृष्ट कर्मचारीको रुपमा प्रशासन तथा ऋण शाखाकी प्रमुख रिता पौडेललाई सम्मान गरेको छ ।
२२ औ साधारणसभाले नयाँ सञ्चालक समिति समेत चयन गर्नेछ । साधारणसभाको उद्घाटन कार्यक्रममा जिल्ला समन्वय समिति मकवानपुरका सदस्य देवराज रिमाल, हेटौंडा–७ का वडा अध्यक्ष राजन थापा, मकवानपुर जिल्ला बचत तथा ऋण सहकारी संघ लिमिटेडकी अध्यक्ष कल्पना श्रेष्ठको आतिथ्य रहेको थियो । हेटौंडा–७, नागस्वतीमा मुख्य कार्यालय रहेको सहकारीको सेवा केन्द्र हेटौंडा–८ कमाने र हेटौैंडा–१६ हटियामा रहेको छ ।
पाञ्चायन बचत तथा ऋण सहकारी संस्था लिमिटेडको १२ औँ वार्षिक साधारणसभा
हेटौंडा–४ स्थित पाञ्चायन बचत तथा ऋण सहकारी संस्था लिमिटेडको १२ औँ वार्षिक साधारणसभा शनिबार भएको छ । बुधबारबाट सुरु भएको साधारणसभा शनिबार सम्पन्न भएको हो ।
सहकारीका अध्यक्ष प्रेमलाल श्रेष्ठको सभाध्यक्षमा भएको समापन कार्यक्रममा सहकारीका सल्लाहकार डा. गणेश बलको प्रमुख आतिथ्य रहेको थियो । कार्यक्रममा अध्यक्ष श्रेष्ठले संस्थाको वार्षिक प्रगति प्रतिवेदन प्रस्तुत गरेका छन्। श्रेष्ठले कोरोना महामारीका कारण बन्दाबन्दी र निषेधाज्ञाले संस्थालाई सेवा दिन अत्यन्त असहज भएको र लक्ष्य अनुरुप प्रगति हासिल गर्न नसकेको बताए । सचिव अक्कल सिंह लामाले ७ सय २० शेयर सदस्यको १ करोड ५८ लाख ५८ हजार रुपैयाँ शेयर रकम रहेको बताए । सहकारीले ७६ करोड ३ लाख रुपैयाँ कारोबार गरेको जनाइएको छ ।
साधारणसभामा सहकारीले ज्येष्ठ नागरिक सदस्य मिनु कुमारी थिङ र असल बचत तथा ऋणी सायदा खातुनलाई सम्मान गरेको छ । कार्यक्रममा सहकारीका व्यवस्थापक चन्द्रनाथ श्रेष्ठ, कोषाध्यक्ष ज्ञानेन्द्र बर्तौला, लेखापरीक्षक मणिप्रसाद सुवेदी लगायत सेयर सदस्यहरुको पनि उपस्थिति रहेको थियो ।
सगरमाथा बचत तथा ऋण सहकारी संस्था लिमिटेडको २० औं वार्षिक साधारणसभा
हेटौंडा–४, पारिजातपथस्थित सगरमाथा बचत तथा ऋण सहकारी संस्था लिमिटेडको २० औं वार्षिक साधारणसभा शनिबार भएको छ । सहकारीका अध्यक्ष आयुष कुमार डोटेलको अध्यक्षता तथा बागमती प्रदेश सहकारी विकास बोर्डका कार्यकारी उपाध्यक्ष नारायणप्रसाद देवकोटाको प्रमुख आतिथ्यमा साधारणसभाको उद्घाटन कार्यक्रम भएको थियो ।
साधारणसभालाई सम्बोधन गर्नुहुँदै बोर्डका कार्यकारी उपाध्यक्ष देवकोटाले सहकारीलाई नियम, कानुन अनुसार सञ्चालन गर्न आग्रह गरे । ‘सहकारीले समुदायमा आधारित भएर लघुउद्यम सञ्चालन गर्नुपर्नेमा ध्यान दिनु पर्छ’ उपाध्यक्ष देवकोटाले भने– ‘सदस्यहरुले नै सहकारीको उचित नियमन गरिरहनुपर्ने हुन्छ ।’ साधारणसभामा सहकारीको वार्षिक प्रतिवेदन प्रस्तुत गर्दै अध्यक्ष डोटेलले आर्थिक वर्ष २०७७/७८ मा सेयर पुँजी ९३ लाख ६८ हजार रुपैयाँ रहेको जानकारी दिए ।
यस्तै सहकारीले ७ करोड ८७ लाख रुपैयाँ बचत संकलन गर्नुका साथै ५ करोड ५४ लाख रुपैयाँ ऋण लगानी गरेको उनले बताए । वार्षिक साधारणसभाको अवसरमा सहकारीले संस्थापक अध्यक्ष वीरेन्द्र भट्ट, असल बचतकर्ता रमेश मानन्धर र असल ऋणी सरस्वती सापकोटालाई सम्मान गरेको छ ।
राष्ट्रसेवक सहकारीकाे बचत ६ करोड ५८ लाख ५३ हजार २ सय
राष्ट्रसेवक बहुद्देश्यीय सहकारी संस्था लिमिटेडको बचत ६ करोड ५८ लाख ५३ हजार २ सय बीस रहेको छ । आर्थिक वर्ष २०७७/७८ को अन्तिम हिसावमा सहकारीको बचत ६ करोड ५८ लाख ५३ हजार २ सय बीस रुपैयाँ हो । सहकारीको शेयर सदस्य ५ सय २५ जना रहेकोमा शेयर पुँजी १ करोड ७ लाख ४६ हजार २ सय रहेको छ ।
शनिबार सहकारीको २२ औं वार्षिक साधारणसभामा सहकारीको प्रतिवेदन प्रस्तुत गर्दै अध्यक्ष यादविन्द्र पौडेलले सहकारीको गल आवको ऋण लगानी ४ करोड २३ लाख ९३ हजार २ सय सत्र रहेको जानकारी दिए । साधारणसभामा असल बचतकर्ता, असल ऋणीलाई सम्मान गरिएको छ ।