मकवानपुर । मकवानपुरे महिला साहित्यकारको संस्था आँचल साहित्य कला पुञ्ज आयाेजनामा साहित्य महाेत्सवकाे उद्घाटन गरिएकाे छ । महाेत्सवकाे पहिलाे दिन उद्घाटनदेखि सांगितीक कार्यक्रम आयाेजना गरिएकाे छ ।
हेटाैडा ४ स्थित राेयल प्यालेसमा भएकाे उद्घाटन कार्यक्रमसँगै बहस,कार्यपत्र प्रस्तुती गजल तथा मुक्तक वाचन र सांगितीक कार्यक्रम गरी पहिलाे दिनकाे महाेत्सवकाे कार्यक्रम समापन भएकाे आचँलकी अध्यक्ष अनिता न्याैपानेले बताइन् । महाेत्सवमा ‘साहित्यमा राजनीति’ बहस कार्यक्रम ‘भाषिक दृश्टिले साहित्यमा नारी’ विषयमा कार्यपत्र प्रस्तुति र बहस भएकाे छ । यस्तै साङ्गीतिक कार्यक्रम सहित समापन गरिएकाे महोत्सवकाे पहिलाे दिन पुस्तक प्रर्दशनी, कला प्रर्दशनी समेत गरिएकाे छ ।
महोत्सवमा ‘साहित्यमा राजनीति’ विषयको बहसमा भुपाल राई, धनकुमारी सुनार र घनश्याम घिमिरे वक्ता रहेका थिए ।यसको सहजकर्ता ठाकुर वेलबासेले गरेका थिए । यसैगरी भाषिक दृश्टिले साहित्यमा नारी’ विषयमा ज्ञानु अधिकारीले कार्यपत्र प्रस्तुत गरेकी थिइन् । उक्त कार्यपत्रमाथि राम अविकास र प्रणेताले टिप्पणी गरेकाे आँचल सचिव भावना सापकाेटाले बताइन् । कार्यपत्र माथि उठेका जिज्ञासामा अधिकारीले प्रष्ट पारेकी थिइन् ।
यसैगरी महाेत्सवकाे पहिलाे दिन भएकाे गजल तथा मुक्तक वाचन कार्यक्रममा अर्चना दाहाल, अनिता अर्याल नेपाल, अनु रोक्का, अभिराज खाती, आदित्य राज, आनन्द घलान, आयुष्मा देवकोटा ‘आशा, आशिष दुलाल, किशन पौडेल, कुवेर पराजुली, केशव समर्पण, गोकर्ण मोक्तान, चिरञ्जीवी लामिछाने, डी.बी. बतौला, दीपक गौतम, देवराज तिवारी, धर्मराज स्याङ्तान, बबी थापाले गजल तथा मुक्तक वाचन गरेरका थिए ।
यसै गरी भवानी तिमल्सिना, मनोज पोखरेल, माधव पोखरेल, मेनु तिमल्सिना, यमनदेव उत्प्रेरक, रमेश रसिक, राम कार्की, वनस्तम थिङ, विनिता काकी, विश्व राई, विशाल अधिकारी, श्रीराम अधिकारी, सन्जित श्रेष्ठ, सन्तोष गौतम, स्वस्तिका बानियाँ, सागर तिमल्सिना, सानु खनाल, सुमित्रा आचार्य, सुबास ‘सजल’, सुविज्ञा सुवेदी, हरी पौडेल, हिमाल ओली पृथक, हेमन्त ढुङ्गेल, त्रुपक लगायतकाे मुक्तक वाचनले माहाैल तताएका सहजकर्ता गंगा सापकाेटाले बताइन् ।
यसै गरी सुस्केरा परिवारबाट भएकाे मुक्तक वाचन तथा गजल गायनले थप राैनकता थपिएकाे थियाे । पीएम सेन्टरकाे सांगितीक कार्यक्रमसँगै पहिलाे दिनकाे महाेत्सव सकिएकाे हाे ।
महोत्सवले भाषा साहित्यको विकास र संरक्षण गर्दै फरकफरक परिवेश, समूह, भाषा, संस्कृति तथा रहनसहनमा रहेका साहित्यकार बीच साहित्य आदानप्रदान हुने न्यौपानले जानकारी दिइन् । सााहित्य, भाषा, तथा कलाको अहिलेको अवस्थाका बारेमा बहस हुने भएकाले साहित्यलाई अझ परिस्कृत र बलियो बनाउँदै लैजाने अपेक्षा महोत्सवबाट लिइएको छ ।
महोत्सवकाे दाेस्राे दिन फागुन २१ गते शनिबार हेटाैडामा साइकल संरचनाकाे सम्भावना अन्तरक्रिया हुनेछ । यसैगरी ‘समकालिन कविताको मार्ग चित्र’, ‘मकवानपुरको साहित्यिक महक’ विषयमाथि बहसको कार्यक्रम हेटाैडा १८ हर्नामाडीकाे गुम्बाडाँडामा आयाेजना गरिने सचिव सापकोटाले जानकारी दिइन् । ‘मकवानपुरको साहित्यिक महक’ विषयको बहसमा तारालाल श्रेष्ठ, विना थिङ र सञ्जय साह बहसकर्ता र सुवास खनाल सहजकर्ता रहेका छन् ।
यस्तै शनिवारकाे ‘समकालिन कविताको मार्ग चित्र’ विषय माथि बहस गर्न भूषिता वशिष्ठ, नेत्र एटम र चन्द्र गुरुङ वक्ता रहेका छन् भने यसको सहजकर्ता निमेष निखिल रहेका छन् । साथै कविता वाचनकाे कार्यक्रममा मकवानपुर तथा अन्य जिल्लाका कविहरुकाे कविता सुनिने छन् । याे सँगै साहित्य महाेत्सव समापन गरिने अध्यक्ष न्यापाैनेले बताइन् ।
आँचलको आयोजनामा फागुन २१ र २२ गते साहित्य महाेत्सव
Tags: No Comments
मकवानपुर । मकवानपुरे महिला साहित्यकारको एकमात्र संस्था आँचल साहित्य कला पुञ्जले फागुन २० र २१ गते हेटौंडामा साहित्य महोत्सव आयोजना गर्ने भएकाे छ । हेटौंडा उपमहानगरपालिकाको सहयोगमा आँचलले मकवानपुरमा पहिलो पटक देशभरका साहित्यकारलाई जम्मा गरेर साहित्यक महोत्सवको आयोजना गरेको हो ।
साहित्यका विभिन्न विषय र साहित्य र समाजसँग जोडिएका विषयवस्तु माथि बहस, अन्तर्क्रियासहित नेपाली भाषा साहित्यको उत्थान र विकासका लागि महोत्सवको आयोजना गरिएको आँचलका अध्यक्ष अनिता न्यौपानेले जानकारी दिइन् । ‘महोत्सवले मकवानपुरको भाषा, साहित्य, कला, संस्कृति, प्रकृति, पर्यटन, इतिहास, सम्पदा, दर्शन, उद्योग व्यापार र समग्र सामाजिक विकासमा टेवा पुग्ने छ’ न्याैपानेले भनिन्– ‘महोत्सवले समग्र साहित्य, कला, संस्कृति, पर्यटन क्षेत्रको विकासमा महत्वपूर्ण योगदान दिनेछ ।’
महोत्सवले भाषा साहित्यको विकास र संरक्षण गर्दै फरकफरक परिवेश, समूह, भाषा, संस्कृति तथा रहनसहनमा रहेका साहित्यकार बीच साहित्य आदानप्रदान हुने न्यौपानले जानकारी दिइन् । सााहित्य, भाषा, तथा कलाको अहिलेको अवस्थाका बारेमा बहस हुने भएकाले साहित्यलाई अझ परिस्कृत र बलियो बनाउँदै लैजाने अपेक्षा महोत्सवबाट लिइएको छ ।
दुईदिनसम्म सञ्चालन हुने महोत्सवमा देशका विभिन्न स्थानबाट ६० जना भन्दा बढी साहित्यकार आउने जनाइएको छ । फागुन २० गते शुक्रबार उद्घाटन हुने महोत्सवमा ‘साहित्यमा राजनीति’ विषयमाथि बहस हुने छ । त्यस्तै महोत्सवमा कविता, गीत, गजल, मुक्तक वाचन कार्यक्रम रहेको आँचलकी सचिव भावना सापकोटाले बताईन् ।
यस्तै महोत्सवमा ‘समकालिन कविताको मार्ग चित्र’, ‘मकवानपुरको साहित्यिक महक’ विषयमाथि बहसको कार्यक्रम पनि रहेको सचिव सापकोटाले जानकारी दिइन् । हेटौंडाको रोयल पार्टी प्यालेसमा हुने महोत्सव अन्र्तगत ‘मकवानपुरको साहित्यिक महक’ विषयको बहस भने पर्यटकीय स्थल गुम्बाडाँडामा हुने छ । यस्तै महोत्सवमा ‘भाषिक दृश्टिले साहित्यमा नारी’ विषयमा कार्यपत्र प्रस्तुत हुने र त्यस माथि बहस हुने जनाइएको छ । यस बाहेक महोत्सवमा साङ्गीतिक कार्यक्रम, पुस्तक प्रर्दशनी, कला प्रर्दशनी समेत हुने छ ।
महोत्सवमा ‘साहित्यमा राजनीति’ विषयको बहसका लागि भुपाल राई, धनकुमारी सुनार र घनश्याम घिमिरे वक्ता रहेका छन् भने यसको सहजकर्ता ठाकुर वेलबासे रहेका छन् । ‘मकवानपुरको साहित्यिक महक’ विषयको बहसमा तारालाल श्रेष्ठ, विना थिङ र सञ्जय साह बहसकर्ता र सुवास खनाल सहजकर्ता रहेका छन् । यस्तै ‘समकालिन कविताको मार्ग चित्र’ विषय माथि बहस गर्न भूषिता वशिष्ठ, नेत्र एटम र चन्द्र गुरुङ वक्ता रहेका छनभने यसको सहजकर्ता निमेष निखिल रहेका छन् । यसैगरी ‘भाषिक दृश्टिले साहित्यमा नारी’ विषयमा कार्यक्रम कार्यपत्र ज्ञानु अधिकारीले प्रस्तुत गर्नेछिन् । कार्यपत्र माथि प्रणेता र राम अविकासले टिप्पणी गर्ने कार्यक्रम रहेको छ ।
मकवानपुर । मकवानपरे कवी तथा व्यङ्ग्यकार मीनप्रसाद लामिछानेकाे व्यङ्ग्य कविता सङ्ग्रह मैले जीउन जानिन विमाेचन गरिएकाे छ ।
लामिछानेकाे हास्यव्यङ्ग्य कविता सङ्ग्रह बिहीबार हेटाैंडास्थित पुष्पलाल स्मृति पुस्तकालयमा आयाेजित कार्यक्रममा सार्वजनिक गरिएकाे हाे । हास्यव्यङ्ग्यकार एवम् सिस्नुपानी नेपालका अध्यक्ष लक्ष्मण गाम्नाङ्गे, कृतिकार लामिछानेका बुवा लिलानाथ लामिछाने लगायतले कृतिकाे विमाेचन गरेका हुन् । सङ्ग्रहमा ४१ वटा हास्यव्यङ्ग्य कविता रहेका छन् ।
कृतिमाथि समीक्षा गर्दै सर्जक सञ्जाल मकवानपुरका अध्यक्ष निमेष निखिलले वर्तमान समयका विभिन्न भाेगाईहरु व्यङ्ग्यात्मक शैलीमा कृतिमार्फत उजागर गरिएकाे बताए । हास्य र व्यङ्ग्यलाई मिलाएर प्रस्तुत गर्नु जटिल काम भएकाे बताउँदै निखिलले त्यस्ताे जटिलतालाई चिर्दै लामिछानेले उत्कृष्ट कविता पस्किएकाे बताए ।

कार्यक्रममा कृतिकार लामिछानेले विचार र कलालाई एकसाथ पस्कनु चुनाैतीपूर्ण रहेकाे बताउँदै आफूले हास्यव्यङ्ग्यका साथमा विचारसमेत प्रदान गर्ने प्रयास गरेकाे बताए । प्रमुख अतिथि गाम्नाङ्गेले हास्यव्यङ्ग्यकाे लागि मकवानपुर उर्वर भूमि बन्दै गएकाे बताएका थिए ।
साहित्य सङ्गम मकवानपुर र सिस्नुपानी नेपाल मकवानपुरकाे आयाेजनामा कृति विमाेचन कार्यक्रम भएकाे हाे । सिस्नपानी नेपाल मकवानपुुरका अध्यक्ष राजकुमार लामिछानेकाे अध्यक्षतामा भएकाे कार्यक्रममा सिस्नुपानी नेपालका अध्यक्ष गाम्नाङ्गेकाे प्रमुख आतिथ्यता रहेकाे थियाे ।

मकवानपुर । यस वर्षकाे भैरव अर्याल स्मृति सम्मानबाट हास्यव्यङ्ग्यकार हरिकला उप्रेती सम्मानित भएकी छिन् । फागुन १९ गते साहित्य संगम मकवानपुर र सिस्नुपानी नेपाल मकवानपरले आयाेजना गरेकाे सम्मान समर्पण तथा व्यङ्ग्य कविता सङ्ग्रह विमाेचन कार्यक्रममा भक्तपुरकी हास्यव्यङ्ग्य कवि उप्रेतीलाई उक्त सम्मानबाट सम्मानित गरिएकाे हाे ।
वरिष्ठ हास्यव्यङ्ग्यकार भैरव अर्यालको स्मृतिमा सङ्गमले स्थापना गरेको २१ हजार १ सय ११ रुपैयाँकाे राशीकाे उक्त सम्मानकाे लागि अर्याल परिवारले २ लाख ५० हजार रुपैयाँको अक्षयकोष स्थापना गरेका छन् । गत माघ १८ गते बसेकाे संगमकाे बैठकले उक्त सम्मान उप्रेतीलाई प्रदान गर्ने निर्णय गरेकाे थियाे । हास्यव्यङ्ग्य कवि तथा निबन्धकार उप्रेतीकाे तीनवटा कृति प्रकाशित रहेकाे छ ।

साहित्य सङ्गम मकवानपुर र सिस्नुपानी नेपाल मकवानपुरकाे आयाेजनामा भैरव अर्याल स्मृति सम्मान कार्यक्रम भएकाे हाे । सिस्नपानी नेपाल मकवानपुुरका अध्यक्ष राजकुमार लामिछानेकाे अध्यक्षतामा भएकाे कार्यक्रममा सिस्नुपानी नेपालका अध्यक्ष गाम्नाङ्गेकाे प्रमुख आतिथ्यता रहेकाे थियाे ।
मकवानपुर । बारा जिल्लामा बुढ्यौली साहित्य समाज गठन गरिएकाे छ । बुढ्याैली साहित्यकाे विस्तारका क्रममा फागुन १७ गते मंगलबार बाराकाे जितपुर सिमरा उपमहानगरपालिका २ मा भएकाे भेलाले बुढ्यौली साहित्य समाज बाराको तदर्थ समिति गठन गरेकाे हाे ।
सिमरामा रहेकाे लाेटस एकेडेमीकाे सभाहलमा भएकाे भेलाले रामप्रसाद अधिकारीकाे अध्यक्षतामा अप्सरा पुडासैनी, इसहाक हुसेन, राम पराजुली, मीरा पुरी, रामप्रसाद साह र एकजना पछि मनाेनित गर्ने गरी सात सदस्यीय बुढ्यौली साहित्य समाज तदर्थ समिति गठन गरेकाे छ । भेलामा रामप्रसाद पाेखरेल,पिताम्बर वास्ताेला,मधुसूदन चाैधरी,भाेला प्रसाद अधिकारी र सुशील मुडभरीले बुढ्याैली साहित्य सम्बन्धी आफ्ना धारणा राख्दै तथा रचना समेत वाचन गरेका थिए ।
उक्त कार्यक्रममा बुढ्याैली साहित्य समाज, मकवानपुर अध्यक्ष आरसी रिजाल, सचिव राजकुमार लामिछाने, सदस्य रमेशमाेहन अधिकारी समेतको उपस्थिति रहेको थियो । बुढ्याैली साहित्यकाे परिकल्पनाकार आदरणीय कृष्णमुरारी गाैतम (चट्याङ मास्टर) एवम् आरसी रिजालकाे सक्रियतामा यसअघि मकवानपुर, चितवन तथा भक्तपुरमा बुढ्याैली साहित्य समाजकाे गठन भईसकेको बुढ्याैली साहित्य समाज, मकवानपुर सचिव लामिछानेले जानकारी दिए ।
