मकवानपुर/ मकवानपुर उद्योग वाणिज्य संघको ५४ औं वार्षिक साधारण सभा र निर्वाचन कार्यक्रम स्थगित भएको छ ।
२०७७ चैत्र ८ गते स्वास्थ्य मन्त्रालयबाट जारी विज्ञप्ति र २०७७ चैत्र ९ गते जिल्ला प्रशासन कार्यालय मकवानपुरबाट जारी विज्ञप्तिको परिपालना गर्नु जिम्मेवार संस्थाको कर्तव्य हुनेहुँदा सो सम्बन्धमा २०७७ चैत्र १० गते बसेको संघको कार्यसमिति बैठकको निर्णयानुसार वार्षिक सभा तथा निर्वाचन कार्यक्रम स्थगित गरिएको हो । संघले परिस्थिति अनुकुल भएपश्चात उपयुक्त समयमा वार्षिक सभा तथा निर्वाचन सम्पन्न गर्ने जनाएको छ ।
कोभिडको नयाँ संक्रमण थप प्रभावशिल र जोखिमपूर्ण हुने समाचार आइरहदा संघले उद्योगी/व्यवसायी तथा आम सर्वसाधारण सचेत हुन र सुरक्षा सावधानीको सम्पूर्ण मापदण्डहरु परिपालना गर्न पनि अनुरोध गरेको छ ।
यसै बिच संघकाे अध्यक्ष पदका उम्मेदवार राजकुमार न्याैपानेले निर्वाचनकाे अन्तिम अवस्था कार्यक्रम स्थागित गरेकाे प्रति विराेध जनाएका छन् । हारकाे मानिसकताले निर्वाचन कार्यक्रम स्थागन गरिएकाे उनकाे दाबि छ ।
मकवानपुर । बागमती प्ररदेश आर्थिक मामिला तथा योजना मन्त्री कैलाश ढुङ्गेलले आफन्तको कारण नै मानव बेचबिखन बढेको बताएका छन् । खुल्ला सिमाना भएको कारण बेचविखनको समस्या बढी चुनौती भएको उनलेे बताएका हुन् । तर सिमाना खुल्ला हुदैमा बढेको समस्या सम्बोधन गर्न सरकारले उचित नीति बनाउनु पर्ने उनले बताए ।
मकवानपुरको हेटौंडामा मंगलबार आयोजित वैदेशिक रोजगारको चुनौती र सरोकारवाला पक्षको भूमिका बिषयक प्रदेश स्तरीय अन्तरक्रिया कार्यक्रममा मन्त्री ढुङ्गेलले यस्तो बताएका हुन् । स्वयम् व्यक्ति आफैं चलाख नभएसम्म यो चुनौती सरकारको एकल प्रयासले मात्रै समाधान गर्न नसक्ने मन्त्री ढुङेलले बताए । आफूसँग भएको सिपको प्रयोग नगरेर वैदेशिक रोजगारमा आकर्षण हुने ट्रेन घटाउन सकेमा बिस्तारै वैदेशिक रोजाईको समस्यामा कमि ल्याउनु पर्ने ढुङ्गेलले बताए । वैदेशिक रोजगारबाट सीप सिकेर आएकालाई स्वदेशमा बस्नको लागि आयमुलक योजनामा प्रदेश सरकारले काम गरेको मन्त्री ढुङ्गेलले बताए । वैदेशिक रोजगारको समस्या सम्बोधन गर्न आमनागरिकलाई चनाखो बनाउनको लागि सरकारले ध्यान दिनुपर्ने उनले बताए ।
कार्यक्रममा कार्यपत्र प्रस्तुत गर्दै सेन्टर फर माईग्रेशन एण्ड इण्टरनेशनल रिलेशन्सको प्रतिनिधि बिभुती किरण घिमिरेले विकेन्द्रीकरण शासन व्यवहारमा नदेखिएको बताइन् । कोभिडको कारण समस्या परेर फर्केकाहरुलाई सम्बोधन गर्ने योजना नभएकोले समस्या भएको उनले बताइन् । अनुसन्धानको क्रममा भेटिएका सहभागीले सरकारद्वारा वैदेशिक रोजगार भन्दा स्वदेशी रोजगारलाई प्राथमिकता दिनुपर्ने माग गरेको उनले बताइन् । “स्थानीय सरकारले सरोकारवाला र नीति नियम तहमा समेत सहकार्य गरोस् भन्ने राय आएको छ” घिमिरेले भनिन् । स्थानीय तहको सरकारलाई सशक्त बनाउनु पर्ने माग स्थानीयहरुले गरेको उनले बताइन् ।
कार्यक्रममा माइती नेपाल मकवानपुर प्रमुख माया लामाले पासपोर्ट बनाउन आएका महिला पुरुषलाई परामर्श दिने क्रममा धेरै चुनौती रहेको बताइन् । सामाजिक सन्जालबाट भेटिने व्यक्तिको भरमा परेर वैदेशिक रोजगारमा जाँदा समस्या बढी भएको लामाले बताइन् । मानव तस्करीमा आफैं पनि जोखिम मोल्न तयार हुने गरेको पीडादायी घटना रहेको लामाले बताइन् ।
समता फाउन्डेसनको आयोजना र मानव अधिकार तथा जातीय भेदभाव सरोकार केन्द्र हेटौंडाको संयोजकमा कार्यक्रम भएको थियो ।
मकवानपुर । मुख्यमन्त्री डोरमणी पौडेलले प्रधानमन्त्री केपी शर्मा ओलीको नेतृत्वको सरकारले स्वास्थ्य क्षेत्रलाई प्राथमिकता दिएको बताएका छन् । नेपाल कम्युनिष्ट पार्टी (एमाले) मा ५० जना स्वास्थ्यकर्मी लाई हेटौँडामा भएको कार्यक्रमबिच मुख्यमन्त्री पौडेलले स्वागत गर्दै सरकारले सबै स्थानीय तहमा अस्पताल बनाउँदै गरेकाेले स्वास्थ्य क्षेत्रमा निकै परिवर्तन आउने बताएका छन् ।
पाैडेलले अब मकवानपुरको स्वास्थ्यकर्मीहरु पनि नेकपा एमालेको आस्थासँग जोडिएको भन्दै एमालेनै देशको विकासमा अग्रणी भूमिका निर्वाह गर्ने बताए । पार्टी प्रवेश कार्यक्रममा मेडिकल ल्याब एसोशियसन अफ नेपालका केन्द्रीय कोषाध्यक्ष उत्सव चौँलागाईको नेतृत्वमा मकवनापुरका ५० जना स्वास्थ्यकर्मी प्रवेश गरेका छन् ।
प्रवेश गर्नेहरुमा अखिल नेपाल प्रगतिशिल जनस्वास्थ्यकर्मी महासंघका जिल्ला सहसंयोजक हिरा लामा सहित उक्त संगठनका अधिकांश प्रतिनिधि, विभिन्न स्वतन्त्र स्वास्थ्यकर्मी, डाक्टरहरु आजको कार्यक्रममा एमालेमा प्रवेश गरेका हुन् । कार्यक्रममा मधु अर्याल, मिथलेश ठाकुर, पुष्पा रिजाल, नितुकुमारी बल, श्रीसा ढकाल, विमला ढुंगना, युनिश पन्त, प्रशान्त झा लगाएत नेकपा एमाले प्रवेश गरेका छन् ।
पार्टी प्रवेश कार्यक्रममा बोल्दै चौँलागाईले नेकपा एमालेको नेतृत्वमा समग्र स्वास्थ्य क्षेत्रको हित हुने देखेर आफु नेकपा एमाले प्रवेश गरेको बताए । अब आफु नेकपा एमालेको सिपाई भएर काम गर्ने भन्दै मकवानपुर तथा बागमती प्रदेशको विकासको लागि प्रदेश सरकारले निकै मेहनत गरिरहेको बताए ।
कार्यक्रममा नेकपा एमालेका केन्द्रीय सदस्य रामेश्वर राना, संविधानसभा सदस्य अनन्त पौडेल, वागमती प्रदेश सांसद जुनेली श्रेष्ठ, जिल्ला समन्वय समिति प्रमुख रघुनाथ खुलाल,नेकपा एमालेका जिल्ला अध्यक्ष एकलाल श्रेष्ठ लगाएतको आतिथ्यता रहेको थियो ।
मकवानपुर । सरकारले २०७८ सालको सार्वजनिक बिदाको सूची राजपत्रमा प्रकाशित गरी सार्वजनिक गरेको छ । गृह मन्त्रालयले २०७८ सालमा दिइने सार्वजनिक बिदा बिदाको सूची सार्वजनिक गरेको हो ।
राजपत्रमा प्रकाशित गरेको विदा सम्बन्धी गृह मन्त्रालयकाे सूचनामा ५२ दिन शनिबार बिदा, पाँच दिन दशै बिदा, चार दिन तिहार बिदा, छ दिन विभिन्न दिवस बिदा, तीन दिन विभिन्न जन्मजयन्ती बिदा लगायत रहेका छन् ।
राजपत्रमा प्रकाशित सूचनामा सरकारी कार्यालयकाे समय बैशाख एक गतेदेखि कार्तिक १५ गतेसम्म तथा माघ १६ गतेदेखि चैत मसान्तसम्म कार्यालय समय बिहान १० बजेदेखि बेलुका ५ बजेसम्म तोकिएको छ । यसैगी कात्तिक १६ गतेदेखि माघ १५ गतेसम्म बिहान १० बजेदेखि अपरान्ह ४ बजेसम्म सरकारी कार्यालयकाे समय ताेकिएकाे छ । शुक्रबार भने बिहान १० बजेदेखि अपरान्ह ३ बजेसम्म समय तोकिएको सूचनामा जनाइएकाे छ ।
त्यस्तै सरकारले २०७८ सालमा जनै पुर्णिमा, घटस्थापना, तिहारको टिकाको अर्को दिन लगायतका बिदा थप गरेको छ ।
मकवानपुर/पत्रकार महासंघ मकवानपुर शाखाले नेपालमै पहिलो पटक पत्रकारलाई पेन्सन प्रदान गरेको छ । सोमबार हेटौंडामा औपचारिक कार्यक्रम गर्दै पत्रकार महासंघ मकवानपुरले पेन्सन वितरण गरेको हो ।
महसंघले जेष्ठ पत्रकारलाई मासिक ४ हजार रुपैयाँ पेन्सन वितरण सुरु गरेको हो । २० वर्ष पत्रकारिता गरेको र ६० वर्ष उमेर पुगेका जेष्ठ पत्रकारलाई पेन्सन कोष सञ्चालन गरेर त्यसको व्याजबाट पेन्सन वितरणको काम सुरु गरिएको पत्रकार महासंघ मकवानपुरका अध्यक्ष हरि हुमगाईले बताए ।
कार्यक्रममा हेटौंडा उपमहानगरपालिकाका मेयर हरि बहादुर महतले नेपाल पत्रकार महासंघ मकवानपुर साखाका पूर्व अध्यक्ष समेत रहेका जेष्ठ पत्रकार नवराज शर्मालाई पेन्सन वापतको रकम वितरण गरे । हेटौंडा उपमहानगरपालिकाको सहयोगमा पत्रकार महासंघले पेन्सन कोष स्थापना गरेको छ । मेयर महतले कोषमा आगामी वर्षै फेरी बजेट थप गर्ने बताए । महासंघको संस्थागत कामका लागि उपमहानगर तयार रहेको मेयर महतले बताए । नगद रकम दिनका लागि केही कठिनाइ भएपनि फेरी पनि कोष बृद्वीका लागि सहयोग गरिने उनले बताए ।
करिव ४० वर्षसम्म पत्रकारिता गरेर निवृत जिवन बिताइरहनु भएका शर्मालाई चैत महिनाको ४ हजार रुपैया पेन्सन वापत वितरण गरिएको हो । २० वर्षसम्म पत्रकारितालाई मुख्य पेसा बनाइ ६० वर्ष उमेर पुगेका जेष्ठ पत्रकारका लागि मासिक ४ हजार रुपैयाँका दरले पेन्सन दिन सुरु गरिएको हो । पेन्सन कोषमा १० लाख रुपैयाँ यसअघि हेटौंडा उपमहानगरपालिकाले सहयोग गरेको र अबका दिनहरुमा पनि सहयोगलाई जारी राख्ने मेयर महतले बताए ।
पत्रकार महासंघ मकवानपुर साखाले बाणिज्य बैकमा यसअघिनै खोलीएको खातामा दश लाख रुपैयाँ जम्मा गरिएको छ । त्यही व्याजबाट पेन्सन वितरणको काम सुरु गरिएको हो । पत्रकार महासंघका ७७ वटै जिल्लाका शाखा, प्रदेश र केन्द्रमा पहिलोपटक महासंघ मकवानपुर शाखाले जेष्ठ पत्रकारलाई पेन्सन वितरणको काम सुरु गरेको अध्यक्ष हरि हुमागाईले बताए । पेन्सन सम्वन्धी कार्यविधिलाई महासंघको बितेको मंसिर २६ गतेको साधारण सभाले पारित गरेको छ ।
महासंघ मकवानपुर शाखामा आवद्ध हुनुभएका सदस्यहरु मध्ये जेष्ठ सदस्यको वृत्ति विकास गर्नका लागि पेन्सन दिन सुरु गरिएको हो । कार्यक्रममा पत्रकार महासंघ बागमती प्रदेशका अध्यक्ष प्रताप विष्ठले नेपालमै पहिलोपटक मकवानपुर महासंघले राम्रो काम गरेको बताए । प्रदेश र केन्द्रले पेन्सन कार्यक्रमको सुरुवात गर्न लागेपनि त्यो कार्यान्वयन गर्नका लागि समस्या रहेको बताए ।
राज्यबाट उपलब्ध हुने अन्य कुनै सामाजिक सुरक्षा भत्ता वा नेपाल सरकार, प्रदेश सरकार, वा स्थानीय तहबाट कुनैपनि संघ संस्था, गैर सरकारी संस्थाबाट सेवा सुविधा प्राप्त हुने पदमा बहाल रहेको भए मासिक पेन्सन उपलब्ध नगराइने अध्यक्ष हुमागाईले बताए ।
जेष्ठ पत्रकार मासिक पेन्सन प्रदान गर्ने प्रयोजनका लागि पेन्सन प्राप्त गर्नेको निबेदन र कागजपत्रका आधारमा सिफारिस गरिने कार्यबिधिमा उल्लेख छ । सिफारिसका लागि पत्रकार महासंघ मकवानपुरको निवर्तमान अध्यक्ष संयोजक, पत्रकार महासंघ मकवानपुर शाखाको पुर्व अध्यक्षहरु मध्येबाट एक जना सदस्य र पत्रकार महासंघ मकवानपुर साखाको बैठकले सिफारिस गरेका एक जना महिला सहित अरु दुइजना सदस्य राखिने छ ।
पेन्सन प्राप्त गर्नका लागि पत्रकार महासंघ मकवानपुर शाखाको सदस्य भएको हुनुपर्ने, साठी वर्ष उमेर पुरा भएको हुनुपर्ने, निरन्तर बीस वर्ष पत्रकारीतालाई मुख्य पेसा बनाएर सञ्चार क्षेत्रमा कार्य गरेको हुनुपर्ने, कुनै पनि सरकारी संस्था, गैरसरकारी र कम्पनिमा काम गरेर नियमित सरकारी पेन्सन रकम नलिएको र उक्त संस्थाबाट उमेर हदका कारण उपदान रकम नलिएको हुनुपर्ने र ६० वर्ष उमेरपछी सक्रिय पत्रकारिता छोडेर बिश्राम लिएको हुनुपर्ने छ । पेन्सन कोषको सञ्चालन महासंघ मकवानपुर शाखाले विभिन्न सरकारी वा अर्घ सरकारी संस्था, विभिन्न राष्ट्रिय तथा अन्तराष्ट्रिय दातृ संस्था, विभिन्न व्यक्ती संघ, सस्था, उद्योग प्रतिष्ठान बाट प्राप्त रकम कोषमा राखिने छ ।
कार्यक्रममा ब्रोकाष्टिङ एसोसीएसन अफ नेपालका उपाध्यक्ष उज्वल चौलागाई, नेपाल पत्रकार महासंघ मकवानपुरका पूर्व अध्यक्ष राममणि दाहाल, प्रेस चौतारी बागमती प्रदेशका सहसंयोजक प्रकास दाहाल, प्रेस सेन्टर बागमती प्रदेशका संयोजक सुनिल खड्का, प्रेस चौतारी मकवानपुरका संयोजक धर्मेन्द्र दाहाललगायतकाको सहभागिता रहेको थियो ।