मकवानपुर । बागमती प्रदेश सभाको बैठक प्रमुख प्रतिपक्ष दल नेकपा माओवादी केन्द्रले आज विहीबार पनि अवरुद्ध गरे पछी अनिश्चितकालका लागि स्थगित भएको छ । करिब ७४ दिनकाे अन्तरालमा चैत २४ गते बसेकाे प्रदेश सभाकाे वैठक यस अघी लगातार दुइ दिन माओवादी सासदहरुले अवरुद्ध गरेका थिए ।
बागमती प्रदेशका मुख्यमन्त्री डोरमणि पौडेलले यसअघि बिहिबार बसेको बैठकमा आफुहरुले उठाएका राष्ट्रिय सरोकारको विषयमा स्पष्ट जवाफ नदिए भन्दै माओवादीका नेताहरुले बैठक अवरुद्ध गरेको प्रदेशसभा सचिवालयले जनाएको छ ।
यस अघीकाे बैठकमा प्रतिपक्ष नेकपा माओवादी केन्द्रका संसदीय दलका नेता शालिकराम जमरकट्टेलले तत्कालिन नेकपाको प्रदेशसभाका बहुसंख्यक सदस्यहरुले मुख्यमन्त्री डोरमणि पौडेलविरुद्ध ल्याएको अविश्वासको प्रस्तावमाथि छलफल गर्ने मौका नै नदिएको आरोप लगाए । ‘सभामुख संवैधानिक रुपमा स्वतन्त्र हुनुहुन्छ, तर उहाँलाई पनि सरकारले दबाबमा राख्यो । सो दबाबका कारण सभामुखले अविश्वासको प्रस्तावमाथि छलफल गर्ने वातावरण बनाउन सक्नु भएन’– उनले मगलबारकाे बैठकमा भने ‘प्रदेशसभाको विभिन्न समिति र कार्य परामर्श समितिको बैठकमा पनि प्रमुख प्रतिपक्ष र अन्य दलहरुलाई सूचना नै नगरी एकलौटी ढंगबाट छलफल अगाडि बढाउनु भएकाे छ यो भन्दा दुःखद क्षण के हुनसक्छ ।’

विहीबारकाे बैठकको विषेश समयमा बोल्दै प्रतिपक्ष दल नेपाली कांग्रेसका प्रदेश सभा सदस्य इन्द्रबहादुर बाँनियाले सरकारले पुर्वाधार, आर्थिक प्राविधिक पारदर्शिताको विश्लेषणनै नगरी एकलौटी ढ्गले विद्युतिय बस खरिद गर्न लागेको भन्दै सरकारले जनतालाई सदन मार्फत त्यसको विश्वश्नियताको पुष्टि गनुपर्ने बताए ।
यस्तै बिवेकशिल साझा पार्टीका प्रदेश सभा सदस्य रमेश पौडेल ,नेपाल मजदुर किसान पार्टीका सुरेन्द«राज गोसाई र राप्रपाकी प्रदेश सभा सदस्य रिता माझीले समसामयिक विषयमा आआफ्नाे धारण राखेका थिए । प्रतिपक्षका चार जना नेताहरुले आफ्नो धारण व्यक्त गरेसँगै अवरुद्ध भएको बैठक प्रदेशसभाका सभामुख सानुकुमार श्रेष्ठले प्रदेशसभाको अर्को सूचना जारी नभएसम्मको लागि स्थगित गरेका छन् ।
प्रदेशसभाको बैठक बस्नुअघि सर्वदलीय बैठक पनि बसेको थियो । सर्वदलीय बैठकमा प्रमुख प्रतिपक्ष दल नेकपा माओवादी केन्द्रका नेताहरु आफ्नो अडानबाट नहटेको र प्रदेशसभा बैठक पनि अवरुद्ध गरेको प्रदेशसभा सचिवालयल जनाएको छ ।
मकपानपुर । नेपाल पत्रकार महासंघ मकवानपुरको अध्यक्षमा मणिराज गौतम निर्वाचित भएका छन् । पत्रकार महासंघ मकवानपुरको चैत २५ गते भएकाे निर्वाचनमा प्रेस चौतारीतर्फका बालकृष्ण अधिकारीलाई ४४ मतले पराजित गर्दै प्रेस युनियन र प्रेस सेन्टरको गठबन्धनका गौतम निर्वाचित भएका हुन् । अध्यक्ष गौतमले १ सय मत प्राप्त गर्दा प्रतिस्पर्धी अधिकारीले ५६ मत प्राप्त गरेका थिए ।
त्यस्तै, महासंघ मकवानपुरको उपाध्यक्षमा ध्रुबप्रसाद अधिकारी, महिला उपाध्यक्षमा सरला अधिकारी, खुल्ला सचिवतर्फ शुभलक्ष्मी विश्वकर्मा, सह–सचिव खुल्लातर्फ यमप्रसाद पौडेल (एमपी शर्मा) सह–सचिव समावेशीतर्फ मन्दिरा बानियाँ (मानबी) र कोषाध्यक्षमा केशव समर्पण सुबेदी निर्वाचित भएका छन् ।
यस्तै, खुल्लातर्फको सदस्यमा क्रमशः अर्जुन संञ्जेल, उज्ज्वल अधिकारी, प्रदिप अधिकारी, बलराम पुडासैनी, रेवती प्रसाद तिमल्सिना (नविन), विजय पौडेल र श्रृजना नेपाल निर्वाचित भएका छन् । सदस्य महिलातर्फ रुपा गुरुङ, सदस्य दलिततर्फ शान्ति सुनार (निर्विराेध), सदस्य आदीबासी जनजातितर्फ नवराज वाईबा र सदस्य (मधेशी) तर्फ आदित्य कर्ण निर्वाचित भएका छन् ।
यसै गरी प्रदेश परिषद् सदस्य (खुल्ला) तर्फ गणेशदर्पण अधिकारी, विश्वराम अधिकारी (विवश), रविन्द्र गौतम, शिव चौलागाई, सुजन ढकाल, सुनिल शिवाकोटी निर्वाचित भएका छन् । प्रदेश परिषद् महिलातर्फ क्रमशः आरती ढकाल, भावना रिजाल र आदीबासी जनजातितर्फ अमर लामा र अशोक सुजन श्रेष्ठ निर्वाचित भएका छन् । प्रदेश परिषद् सदस्य दलिततर्फ कृष्णराम परियार निबिरोध निर्वाचित भएका छन् ।
त्यस्तै, केन्द्रीय परिषद् सदस्य (खुल्ला) मा भानुभक्त आचार्य र राजन (खुसराज) दाहाल, (महिला) मा नानीमैया विष्ट निर्वाचित भएका छन् भने केन्द्रीय परिषद् सदस्य (आदीबासी जनजाति) तर्फ सुर्वणलाल श्रेष्ठ निबिरोध निर्वाचित भएका छन् ।
नेपाल पत्रकार महासंघ मकवानपुर शाखामा आवद्ध १ सय ६४ जना मध्ये १ सय ६१ जनाले मात्रै मतदानमा भाग लिएका थिए ।
मकवानपुर । पटक पटक सूचना टाँस गरेर स्थगित हुँदै आएकाे बागमती प्रदेश सभकाे बैठक ७४ दिन पछी चैत २४ गते मंगलबार बसेकाे थियाे । प्रमुख प्रतिपक्ष दल नेकपा माओवादी केन्द्रले चैत २४ गतेकाे प्रदेशसभा बैठक अवरुद्ध गरेकाे थियाे । आज बुधबारकाे लागि बैठक बस्ने गरी स्थगित भएकाे बागमती प्रदेशको बैठक नेकपा माओवादी केन्द्रले पुनः अवरुद्ध गरेको छ ।
आजको बैठकमा मुख्यमन्त्रीविरुद्ध ल्याएको अविश्वासको प्रस्तावको प्रस्तावक अरुणकुमार नेपाल उपस्थित नभए पछी समर्थकको सहमति बिनै सत्तारुढ दलका सदस्य कृष्णप्रसाद भूर्तेलले अविश्वास प्रस्ताव फिर्ता लिने सम्बन्धी प्रस्ताव बैठकमा पेश गरेका थिए ।
अविश्वास प्रस्ताव फिर्ता लिने सम्बन्धी प्रस्ताव पेश गरेलगत्तै माओवादी संसदीय दलका नेता शालिकराम जम्मकट्टेले सो प्रस्तावमाथि बैठकमा छलफल नगराइयोस् भनि बारम्बार माग गरेका थिए । मागसँगै माओवादीले बैठक नै अवरुद्ध गरेकाे छ । माओवादीको अवरोधकै कारण आजको प्रदेशसभा बैठक स्थगित गरिएको प्रदेशसभाका प्रमुख सचिव कृष्णहरि खड्काले जानकारी दिए । उनका अनुसार, प्रदेशसभाको अर्को बैठक भोलि दिनको ११ बजेको लागि तय भएको छ ।
बैठकमा आर्थिक कार्यविधिको स्वीकृत नै नगरी मुख्यमन्त्री डोरमणि पौडेलले मदन भण्डारी फाउण्डेसनलाई रु ५० लाख अनुदान दिएकोबारे जम्मकट्टेलले आपत्ति प्रकट गर्दै आर्थिक कार्यविधि तयार गरेर अन्य संघ–संस्थाहरुलाई पनि उचित सहयोग गराउन माग गरे ।
आजकाे बैठकमा मुख्यमन्त्री पौडेलले प्रतिपक्षले उठाएको प्रश्नको जवाफ दिँदै प्रतिपक्षहरूलाई कुनै दलगत स्वार्थ नराखी सरकारले स्वीकृत गरेको नीति कार्यक्रम अनुसार, क्रमशः बजेट, योजनालाई समानताका साथ वितरण गरिएको उल्लेख गरे । मुख्यमन्त्री पौडेलले आर्थिक मापदण्ड अनुसार, सरकारले अन्य संघसंस्थाहरूलाई जस्तै मदन भण्डारी फाउण्डेसनलाई पनि नियमानुसार रकम दिएको दावी गरे ।
मकवानपुर । पछिल्लो २४ घण्टामा ७४ जना काेराेना संक्रमणमुक्त भइ डिस्चार्ज भएको स्वास्थ्य तथा जनसंख्या मन्त्रालयले जनाएको छ ।
यस्तै पछिल्लो २४ घण्टामा थप ३ सय ३९ जनामा कोरोनाभाइरसको संक्रमण पुष्टि भएको मन्त्रालयले जानकारी दिएक्ाे छ । ४ हजार १ सय पीसीआर तथा १ हजार ४० जनाको एन्टीजेन परीक्षण गरिएकोमा पीसीआरबाट २ सय ९८ जना र एन्टीजेन परीक्षणबाट ४१ जनामा संक्रमण पुष्टि भएको हो ।
नयाँ संक्रमितमध्ये धेरै काठमाडौँ उपत्यकाका रहेका छन् । हाल देशभर २ हजार २ सय १ सक्रिय संक्रमित रहेका छन् । यसमध्ये संस्थागत आइसोलेसनमा ७ सय ६० र होम आइसोलेसनमा १ हजार ७ सय ४१ जना रहेका छन् ।
मकवानपुर । नेपाल पत्रकार महासंघ मकवानपुर शाखाको निर्वाचन आज हुँदै छ । अहिले मतदान सुरू भएकाे छ । मतदान वेलुका ४ बजेसम्म हुने छ । आगामी ३ वर्षको कार्यकालको लागि निर्वाचन हुने भएको हो । पदाधिकारी सहित कुल १७ पदको लागि ३४ जनाको उमेदवारी परेको छ । महासंघ मकवानपुर अध्यक्ष पदमा ४ जनाले उमेदवारी घोषण गरेकोमा विभिन्न सांगठनिक गठबन्धनपछि २ वटा प्यालन आज मैदानमा भिड्ने भएकाे छ ।
मकवानपुरका निर्वाचन अधिकृत ध्रुबप्रसाद चौलागाईका अनुसार अध्यक्ष पदका लागि बालकृष्ण अधिकारी र मणिराज गौतमको प्यानल आज मैदानमा भिड्दै छ । महासंघ मकवानपुरको उपाध्यक्ष पदको लागि ध्रुबप्रसाद अधिकारी र राजन दाहालले उम्मेदवारी दर्ता गराएका छन् । यस्तै महिला उपाध्यक्षतर्फ सम्झाना रिजाल र सरला अधिकारीले उम्मेदवारी दर्ता गराएका छन् । सचिव पदमा रामशरण दुलाल र शुभलक्ष्मी विश्वकर्मा, सह–सचिव समावेशितर्फ मन्दिरा बानियाँ (मानबी) र रुपकराज कालिराज, तथा खुल्लातर्फ देवराज पन्त, कपिल खड्का, यमप्रसाद पौडेल (एपी शर्मा) र राज सापकोटाले उम्मेदवारी रहेको छ ।

यसैगरी कोषाध्यक्ष पदका लागि तिलक अधिकारी र केशव समर्पण सुबेदीको उमेदवारी रहेको छ । सदस्य महिलातर्फ प्रतिक्षा न्यौपाने र रुपा गुरुङले उम्मेदवारी दर्ता गराएका छन् भने सदस्य दलिततर्फ शान्ति सुनारकाे मात्रै उम्मेदावरी परे पछी निविरोध भइसकेकी छन् । त्यस्तै सदस्य आदीबासी जनजाति कोटामा अजिता नगरकोटी, नवराज वाईबा र सदस्य (मधेशी) आदित्य कर्ण र मनिल महतो रहेका छन् । खुल्लातर्फको ६ सदस्यका लागि भने १७ जनाले उम्मेदवारी दिएर चुनावी मैदानमा होमिएका छन् ।
सदस्य पदका लागि अर्जुन संञ्जेल, अशेष ढुंगाना, उज्ज्वल अधिकारी, जिबराज बख्रेल, दिलबहादुर लामा, नानीमाया सापकोटा (गौतम), प्रदिप अधिकारी, प्रमोद अर्याल, प्रेमकला पौडेल (प्रिया), बलराम पुडासैनी, रेवतीप्रसाद तिमल्सिना (नविन), विजय पौडेल, सुमन दाहाल, सुशन लामिछाने, श्रृजना नेपाल र होमनाथ यादव चौलागाईले उम्मेदवारी रहेको छ ।
त्यस्तै राष्ट्रिय परिषद् सदस्य (खुल्ला) मा भानुभक्त आचार्य, राजन (खुसराज) दाहाल, रामकुमार एलन, रिपेश दाहाल, महिलामा सरिता दाहाल र नानीमैया विष्टको उम्मेदवारी परेको छ । आदीबासी जनजातिमा सुर्वणलाल श्रेष्ठको मात्रै उम्मेदवारी परेकोले निर्विरोध निर्वाचित भएका छन् ।
यसैगरी प्रदेश परिषद् सदस्य (खुल्ला) गणेशदर्पण अधिकारी, छबिलाल श्रेष्ठ, विश्वराम अधिकारी
(विवश), रविन्द्र गौतम, शिव चौलागाई, सुजन ढकाल, सुनिल शिवाकोटी, प्रदेश परिषद् महिलामा अन्जली थापा, आरती ढकाल, भावना रिजाल, आदीबासी जनजातितर्फ अमर लामा, अशोक सुजन श्रेष्ठ, रञ्जिता डंगोल, रोशन श्रेष्ठले उम्मेदवारी दिएका छन् । प्रदेश परिषद् सदस्य दलिततर्फ कृष्णराम परियारको मात्रै उम्मेदवारी परेकोले निर्विरोध भएका छन् । निर्वाचन अधिकृत चाैलागाइका अनुसार अन्तिम नामावली प्रकाशन भएपछि ४ जनाले उमेदवारी फिर्ता लिएका हुन् ।
आज इतिहासमै पहिलोपटक एकै दिन पहिलो पटक प्रत्यक्ष निर्वाचन प्रणाली अनुसरण गर्दै नेपाल पत्रकार महासंघ केन्द्र, प्रदेश र जिल्लामा निर्वाचन हुदैछ । नेपाल पत्रकार महासंघ मकवानपुर शाखामा १६४ जना पत्रकारहरुले मतदान प्रकृयामा सहभागी हुनेछन् । देशभरबाट १३ हजार १ सय ८० पत्रकारहरुले तीन वर्षे कार्यकालका लागि आफ्नो नेता चुन्ने छन् ।
यस्तै महासंघ केन्द्रीय अध्यक्ष पदका लागि विपुल पोखरेल र निर्मला शर्मा प्यानलसहित प्रतिस्पर्धामा छन् । शर्मा प्रेस चौतारी (केपी ओली समूह) सहितको गठबन्धनबाट उम्मेदवार छिन् । पोखरेल प्रेस युनियन, प्रेस सेन्टर र प्रेस चौतारी (माधव नेपाल समूह) सहित ११ वटा संगठनको साझा उम्मेदवारको रुपमा छन् । उनीहरुबीच कडा प्रतिस्पर्धा हुने अनुमान गरिएकाे छ । अध्यक्ष पदका लागि स्वतन्त्र रुपमा गजेन्द्रसिंह बुढाथोकी पनि प्रतिस्पर्धामा उत्रिएका छन् ।
शर्मा नेतृत्वको प्यानलबाट वरिष्ठ उपाध्यक्षमा माधव नेपाल, समावेशी उपाध्यक्षमा अवधेश झा र महिला उपाध्यक्ष दाना केसी सुवेदी उम्मेदवार छन् । यो प्यानलमा बालकृष्ण बस्नेत महासचिवको उम्मेदवार छन् । यसैगरी सचिव पदमा रामकृष्ण ज्ञवाली (खुल्ला), निमा काफ्ले (महिला), शाहीमान राई (आदिवासी जनजाति), स्वेता सिन्हा (मधेसी), मधु शाही (दलित) र रामेश्वर कार्की (एशोसिएट) उम्मेदवार बनेका छन् । कृष्ण गिरी कोषाध्यक्ष पदमा र द्वारिकाप्रसाद काफ्ले लेखा समितिको संयोजक पदमा प्रतिस्पर्धामा उत्रिएका छन् ।
पोखरेल प्यानलबाट वरिष्ठ उपाध्यक्षमा रमेश विष्ट, समावेशी उपाध्यक्षमा उदय जीएम र महिला उपाध्यक्षमा बाला अधिकारी उम्मेदवार छन् । रोशन पुरी महासचिवको उम्मेदवार छन् । यो प्यानलबाट सचिव पदमा गोविन्द चौलागाई (खुल्ला), पवन आचार्य (एशोसिएट), सिर्जना अर्याल (महिला), नारायण किलम्बु (आदिवासी जनजाती), दिपेन्द्र चौहान (मधेसी), हेमकर्ण विक (दलित) उम्मेदवार छन् । यसैगरी कलेन्द्र सेजुवाल कोषाध्यक्ष र लेखनाथ न्यौपाने लेखा संयोजकमा उम्मेदवार बनेका छन् ।
यस वर्ष प्रत्यक्ष निर्वाचन प्रणाली अपनाइएकाले महासंघका केन्द्रीय पदाधिकारी र सदस्यलाई देशभरका सदस्यहरुले आ–आफ्नो मतदान केन्द्रबाट भोट हाल्न पाउँछन् ।