मकवानपुर। नेपालमा पछिल्लो २४ घण्टामा १ हजार ७ सय ३६ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे छ । ८ हजार ५५ जनाको पीसीआर परीक्षण गर्दा १ हजार ६ सय ६७ जना तथा ६ सय ८३ जनाको एन्टीजेन परीक्षण गर्दा ६९ जनामा संक्रमण पुष्टि भएको मन्त्रालयले बताएकाे छ ।
योसँगै नेपालमा २ लाख ८७ हजार ५ सय ६७ जनामा संक्रमित पुगेका छन् । गत २४ घण्टाकाे अवधिमा २ सय ५१ जना निको भएका छन् । याेसँगै नेपालमा काेराेना निको हुनेको कूल संख्या २ लाख ७५ हजार ८ सय ६ जना रहेको छ ।
यही अवधिमा काेराेनाकाे कारण थप ११ जनाको मृत्यु भएकाे मन्त्रालयले जनाएकाे छ । याेसँगै नेपालमा काेराेना भाइरसकाे कारण मृत्यु हुनेको कूल संख्या ३ हजार १ सय २ जना रहेको छ । नेपालमा ५ हजार ६ सय ५९ जना आइसोलेसनमा रहेका छन् ।
मकवानपुरमा १३ जनामा काेराेना संक्रमण
हेटौंडामा गरिएकाे काेराेना परीक्षणमा १३ जनामा काेराेना संक्रमण पुष्टि भएकाे छ । २४ जनाकाे पीसीआर परीक्षण गर्दा ८ जना र १९ जनाकाे एन्टीजेन परीक्षण गर्दा ४ जनामा काेराेना पुष्टि भएकाे हाे ।
पीसीआर परीक्षणबाट ५ जना पुरुष र ३ जना महिलामा कोरोना पुष्टि भएको हो । पुष्टि हुनेमा ७ जना हेटौंडा उपमहानगरपालिकाका र १ जना बागमती गाउँपालिका रहेका छन् ।
यो संगै मकवानपुरमा कोरोना पुष्टि हुनेको संख्या ३ हजार ९ सय ४८ पुगेको जिल्ला स्वास्थ्य कार्यलय मकवानपुरले जनाएको छ । मकवानपुरमा हालसम्म कोरोना निको हुनेको संख्या ३ हजार ८ सय ६७ रहेको छ । मकवानपुरमा हालसम्म कोरोनाको कारण ३२ जनाको ज्यान गएको छ ।
कोरोना जोखिम कम गर्न जिल्ला संकट व्यवस्थापन केन्द्रकाे निर्णय
Tags: No Comments
मकवानपुर । मकवानपुर जिल्लामा काेराेना संक्रमितकाे संख्या दिन प्रतिदिन बढ्दै गएकाे छ । साेमबार मात्र मकवानपुरमा २१ जनामा काेराेना संक्रमण पुष्टि भएकाे थियाे । पछिल्लाे समय नेपालमा काेराेना संक्रमणकाे दर बढ्दै गइरहेकाे छ ।
काेराेना संक्रमण जोखिम बढ्दै गएकाेले जिल्ला कोभिड १९ संकट व्यवस्थापन केन्द्र मकवानपुरले कोरोना रोकथाम तथा नियन्त्रणको लागि स्वास्थ्य सुरक्षाको मापदण्ड अनिवार्य रुपमा पालना गर्न र गराउन निर्णय गरेकाे छ । जिल्ला कोभिड १९ संकट व्यवस्थापन केन्द्र मकवानपुरको मंगलबार बसेको बैठकले कोभिड–१९ महामारी रोकथाम तथा नियन्त्रण सम्बन्धी महत्वपुर्ण २४ निर्णयहरु गरेको छ । निर्णयहरू जिल्लामा बैसाख ७ गतेदेखि लागू हुने गरी कार्यान्वयन गर्ने भएको हाे । साथै उक्त निर्णयहरु प्रभावकारी रुपमा कार्यान्वयन गर्न गराउन कार्यमा अावश्यक सहयाेग समन्वय र सहजिकरण गर्न राजनीतिक दल जनप्रतिनिधिहरु नागरिरक समाज गैर सरकारी संघ संस्था एवम् संचारकर्मीलाइ अनुराेध समेत बैठकले गरेकाे छ ।
निर्णय अनुसार हेटौडा उपमहानगरपालिकामा रहेका शैक्षिक संस्था (विद्यालय, कलेज, ट्युशन सेन्टर, तालिम केन्द्र) मा सम्वत् २०७८ साल बैशाख मसान्तसम्म भौतिक रूपमा उपस्थित नभई भर्चुअल वा वैकल्पिक शिक्षण सिकाइका विधिहरू अपनाई शैक्षिक गतिविधि सञ्चालन गर्ने ।
बैठकले कोभिड–१९ संक्रमण रोकथाम तथा नियन्त्रणलाई मध्यनजर गर्दै जिल्लामा रहेको आइसोलेशन कक्ष र क्वारेन्टाईनलाई थप व्यवस्थित गर्ने, रेष्टुरेण्ट÷बार तथा लोकदोहोरी साँझलगायतका व्यवसायहरु बेलुकी ९ बजेसम्म मात्र खोल्न अनुमति दिने निर्णय समेत गरेको छ ।
हेर्नुहाेस निर्णय
मकवानपुर । राष्ट्रिय सभाकाे रिक्त १ सदस्य पदका लागि जेठमा निर्वाचन गर्न निर्वाचन आयोगले प्रस्ताव गरेको छ । संघीय संसद् सचिवालयले राष्ट्रिय सभामा १ पद रिक्त भएको जानकारी गराएपछि आयोगले सोमबार निर्वाचनको मिति तोक्ने प्रक्रियाका लागि गृह मन्त्रालयलाई पत्राचार गरेको हो ।
बागमती प्रदेशबाट राष्ट्रिय सभा निर्वाचित गृहमन्त्री रामबहादुर थापा बादल नेकपा माअाेवादी केन्द्रकाे कारवाही स्वरुप ससद पद खारेज भएकाे थियाे ।
राष्ट्रिय सभा निर्वाचन ऐनमा रिक्त पदमा ३५ दिनभित्र निर्वाचन भइसक्नुपर्ने व्यवस्था छ । सोही व्यवस्था अनुसार आयोगले निर्वाचनको मिति तोक्न पत्राचार गरेको हो । जेठ ७ मा पद रिक्त भएको ३५ दिनको अवधि पुग्दै छ ।
बागमती प्रदेशबाट निर्वाचित थापाको पद रिक्त भएपछि उक्त स्थानमा बागमती प्रदेशभित्रैबाट पदपूर्ति हुनेछ । त्यसका लागि बागमती प्रदेशको प्रदेशसभाका १ सय १० सदस्य र स्थानीय तहका नगर प्रमुख, उपप्रमुख तथा अध्यक्ष, उपाध्यक्ष गरी ३ सय ३८ जनाले मतदान गर्नेछन् ।
माओवादी केन्द्रले आफ्नो दलबाट निर्वाचित राष्ट्रिय सभा सदस्य थापालाई कारबाही गरेपछि उनको पद रिक्त भएको थियो । गत आइतबार राष्ट्रिय सभा सचिवालयले बादलकाे सांसद पद खारेज भएको सूचना जारी गरेकाे थियाे ।
बागमती प्रदेशबाट राष्ट्रिय सभा सदस्यमा निर्वाचित भएका पूर्व माओवादी नेता थापा बादल सर्वोच्च अदालतले एमाले र माओवादी ब्युँताउने निर्णय गरेपछि एमाले प्रवेश गरेका थिए । एमाले प्रवेश गरेकै कारण नेकपा माओवादी केन्द्रले उनलाई पार्टीबाट निस्कासन गरेको पत्र गत चैत २७ गते नै राष्ट्रिय सभा सचिवालयमा पठाएको थियो ।
मकवानपुर । नेपालमा आजदेखि काेराेना (कोभिड–१९) को दोस्रो मात्राको खोप लगाइँदै छ। गत माघ १४ देखि फागुन १० गतेसम्म कोभिड–१९ को पहिलो मात्रा लगाएका व्यक्तिलाई दोस्रो मात्राको खोप लगाउन लागिएको स्वास्थ्य सेवा विभागले जनाएकाे छ ।
पहिलो खोप अभियानअन्तर्गत विभागले भारत सरकारको अनुदानमा प्राप्त र खरिद गरेको ‘कोभिशिल्ड’ खोपको मात्रा दिइएको थियो। उक्त अवधिमा पहिलो मात्रा खोप लगाएका व्यक्तिले आजदेखि ११ गतेसम्म आफूलाई पायक पर्ने खोप केन्द्रमा गई खोप लगाउने छन्।
दोस्रो मात्राकाे खोप कसले कहिले लगाउने
गत माघ १४ देखि १६ तथा माघ २७ देखि २९ गतेसम्म पहिलो मात्रा खाेप लगाएकाले वैशाख ७ गते, माघ १८ देखि २२ गते र फागुन २ गते लगाएकाले वैशाख ८ गते, माघ २३ र फागुन ३ गतेदेखि ५ गतेसम्म लगाएकाले वैशाख ९ गते लगाउने तालिका सावर्जनिक भएकाे छ । यस्तै माघ २४ गते र फागुन ६, ८ र ९ गते लगाएकाले वैशाख १० गते र माघ ३० र फागुन ७ तथा १० गते लगाएकाले वैशाख ११ गते दोस्रो मात्राको खोप लगाउन विभागले भनेको छ।
मकवानपुरमा कोभिशिल्डको दोस्रो मात्रा दिइने
मकवानपुरमा पनि कोभिशिल्डको दोस्रो मात्रा दिइने भएकाे छ । स्वास्थ्य कार्यलय मकवानपुरका अनुसार आज दोस्रो डोज दिने कार्यक्रममा पहिलो चरणमा कोभिशिल्ड खोप लगाएका स्वास्थ्यकर्मी, सरकारी कर्मचारी, सुरक्षाकर्मी, सरसफाइकर्मी, पत्रकार,कर्मचारी, सार्वजनिक संस्थान र बैंक तथा वित्तिय संस्थानका कर्मचारीलाई खोप लगाईनेछ ।
कार्यालयका अनुसार हेटौंडा उपमहानगरपालिकाका भित्रकालाई हेटौंडा-१० को गोरक्षश्वर मन्दिर परिसरबाट खोप लगाईनेछ भने अन्य ९ वटा पालिकाभित्रकालाई पालिका स्तरमै खोप लगाउने तयारी भएको छ ।
पहिलो डोज लगाएकाहरूलाई वैशाख ७ देखि ११ गतेसम्म दोस्रो डोजको खोप दिइने बताईएको छ । सरकारले माघ १४ देखि फागुन १० गतेसम्म पहिलो चरणको खोप अभियान सुरु गरिएको थियो । मकवानपुरमा पहिलो चरणमा ४ हजार ९ सय ३८ जनाले कोरोना विरुद्धको खोप लगाएका थिए ।
मकवानपुर । जिल्ला समन्वय समितिको आयोजना तथा मकवानपुर जिल्ला खेलकुद विकास समितिको व्यवस्थापनमा मकवानपुरमा दर्शक विहिन पालिकास्तरीय फुटबल प्रतियोगिता हुने भएकाे छ । प्रतियोगितामा जिल्लाक १० वटै स्थानीय तहबाट १० टिमको सहभागी हुने साेमबार पत्रकार सम्मेलन मार्फत जानकारी गराइएकाे हाे ।
बैशाख ९ देखि १८ गतेसम्म संचालन गरिने प्रतियोगिताको बिजेताले २ लाख, उपबिजेताले १ लाख ५० हजार पुरस्कार प्राप्त गर्नेछन् । यसैगरी उत्कृष्ट खेलाडी र बिधागत खेलाडीले क्रमशः ५ र ३ हजार प्राप्त गर्ने छन् । स्थानीय तहको खेलाडीको क्षमता विकास, नयाँ प्रतिभाको खोजी जस्ता कार्यमा प्रतियोगिता उपयोगी हुने जिल्ला खेलकुद विकास समिति अध्यक्ष सानु लामा बताए ।
वैशाख महिनामै खेल गर्नै पर्ने बाध्यता भएकोले कोरोना भाइरस महामारीलाई मध्य नजर गर्दै उच्चसतर्कता अपनाएर प्रतियोगिता गराइने जिल्ला समन्वय समिति मकवानपुरका सभापति रघुनाथ खुलालले बताए । ‘प्रतियाेगितामा स्वास्थ्य सुरक्षाकाे व्यवस्था अपनाईने छ’ खुलालले भने– ‘दर्शकाको उपस्थिति बिना नै खेल संचालन गरिने छ ।’
बैशाख ९ देखि १८ गतेसम्म प्रतियोगिताको अवधी तोकिए पनि अवस्था हेरेर सक्दो चाडै प्रतियाेगिता सम्पन्न गर्ने प्रयास गरिने खुलालले बताए । पत्रकार सम्मेलनमा जिल्ला समन्वय समिति मकवानपुरका सदस्य देवराज रिमाल समन्वय अधिकारी आनन्दराज पोखरेल, मकवानपुर खेलकुद विकास समितिका सदस्य सचीव राजन दाहाल खुशराजलगायतको उपस्थिति रहेको थियो ।