मकवानपुर । मकवानपुरको इन्द्रसरोबर गाउँपालिका वडा नंबर ३ मा नेकपा एमालेका वडा अध्यक्षका उम्मेदवार प्रताप भोम्जन विजयी भएका छन् । ५ दलीय गठबन्धनलाई पराजित गर्दै भाेम्जन विजयी भएका हुन् ।
एमालेका भोम्जनले १ हजार १ सय ७६ मत प्राप्त गर्दै विजयी हुँदा उनका प्रतिस्पर्धी गठबन्धनबाट नेपाली कांग्रेसका उम्मेदवार कृष्ण प्रसाद पुरीले ६ सय ७९ मत प्राप्त गरे ।
मकवानपुर । मकवानपुरको बकैया गाउँपालिका वडा नम्बर ११ मा नेपाली कांग्रेस विजयी भएकाे छ । बकैया ११ का वडा अध्यक्षका उम्मेदवार कांग्रेसका गाेपाल बहादुर नेसुर विजयी भएका हुन्।
कांग्रेसका उम्मेदवार नेसुरले ७ सय ६० मत प्राप्त गरी विजयी हुँदा उनका निकटतम प्रतिस्पर्धी एमालेका राम बहादुर घलानले ३ सय २३ मत प्राप्त गरेका छन्। साथै उक्त वडामा सदस्य पदमा कांग्रेसका सबै उम्मेदवार निर्वाचित भएका छन् । यो सँगै कांग्रेसले बकैयामा विजयी सुरुवात गरेको छ। नेसुरको यो दोस्रो कार्यकाल हो ।
मकवानपुर । स्थानीय तह सदस्य निर्वाचन २०७९ अन्तरगत मकवानपुरको हेटौंडा उपमहानगरपालिका, थाहा नगरपालिका र ८ वटा गाउँपालिकाको मतगणना कार्य भइरहेकाे छ । मुख्य निर्वाचन अधिकृतको कार्यालयले दिएको जानकारी अनुसार हालसम्म मकवानपुरको १९ वडाको मतगणना पूर्ण रुपमा सम्पन्न भइसकेको छ ।
मकवानपुर जिल्लामा रहेका १ सय २ वटा वडा मध्ये हालसम्म १९ वटा वडाकाे मत परिणाम सार्वजनिक भइसकेकाे छ । जसमध्य ८ वटा वडामा नेपाली कांग्रेस विजयी भएको छ भने ७ वटामा माओवादी केन्द्रले जित हात पारेको छ । त्यस्तै ४ वटा वडामा नेकपा एमालेले नेतृत्व लिएको छ ।
कांग्रेसबाट भीमफेदी गाउँपालिका वडा नम्वर १ मा सोमबहादुर स्याङ्तान, कैलाश गाउँपालिका वडा नम्वर १ मा तेज बहादुर ब्लोन, कैलाश गाउँपालिका वडा नम्वर २ मा राजेन्द्र तामाङ घिसिङ, मनहरी गाउँपालिका वडा नम्वर १ मा शिव प्रसाद खनाल, मकवानपुरगढी गाउँपालिका वडा नम्वर १ मा आइत सिंह लो, मकवानपुरगढी ८ मा कुमार घिसिङ, इन्द्रसरोबर गाउँपालिका १ र २ मा क्रमश सुवास थापा र सुमन श्रेष्ठ निर्वाचित भएका छन् ।
त्यसैगरी नेकपा माओवादी केन्द्रको तर्फबाट भीमफेदी–३ मा पृति लाल लामा, थाहा नगरपालिका–१ मा हेरमान गोपाली, थाहा–२ बमबहादुर सिंतान, बकैया–१ आशिश तितुङ, बकैया–२ विश्वराज स्याङतान, मनहरी–२ राजकुमार पाख्रीन र बागमती–१ यहुन्ना राई निर्वाचित भएका हुन् ।
नेकपा एमालेको तर्फबाट भने भीमफेदी–२ मा काशीराम बज्यु, भीमफेदी–४ मा सागर पाण्डे, कैलाश–१० मा सूर्य बहादुर ब्लोन र राक्सिराङ–१ मा बाबीराम मुक्तान निर्वाचित भएका हुन् । अहिले हेटौंडा उपमहानगरपालिकाको १,२,१८ र १९ नम्वर वडाको मतगणना अन्तिम चरणमा पुगेको मुख्य निर्वाचन अधिकृतकाे कार्यालयले जनाएकाे छ ।
मकवानपुर । मकवानपुरको राक्सिराङ गाउँपालिका वडा १ मा अध्यक्ष सहित एमालेको प्यानल निर्वाचित भएको छ । वडा नंबर १ मा नेकपा एमालेका वडा अध्यक्षका उम्मेदवार बाबीराम मुक्तानको प्यानल नै विजयी भएको छ ।
१ नम्बर वडा अध्यक्ष पदमा मुक्तानले ४६३ ल्याउदै विजय हासिल गरेको छ । निकटतम प्रतिस्पर्धी नेपाली काङ्ग्रेस सिंग राम बुलुनले ३७७ मत प्राप्त गरेका छन् । यसैगरी माओवादीलाई ३२१ मत प्राप्त भएको थियो । ३२ मत बदर भएको बताइएको छ ।
यसैगरि,सदस्यहरुमा एमालेका पुर्ण बहादुर मोक्तान,भीम बहादुर मुक्तान,महिला सदस्यमा आस माया थिङ,दलित महिला सदस्यमा सुमीत्रा विश्वकर्मामा विजयी भएका छन् ।
यस्तै राक्सिराङ -१ बाट गाउँपालिका अध्यक्षमा भने कांग्रेसलाई बढीमत प्राप्त भएको छ । गाउँपालिका अध्यक्षमा एमालेलाई ४७५ नेपाली काङ्ग्रेसलाई ५९८ जसपालाई ७ एकीकृत समाजवदीलाई ७ मत प्राप्त भएको थियो । गाउँपालिका अध्यक्षमा ७५ मत बदर भएको थियो ।
यसैगरी गाउँपालिका उपाध्यक्ष पदमा एमालेलाई ४८५, माओवादीलाई ४७८ एकीकृत समाजवादीलाई ३ मत प्राप्त भएको थियो भने १५३ मत बदर भएको थियो ।
मकवानपुर । मकवानपुरगढी गाउँपालिका वडा नम्वर १ मा नेपाली कांग्रेस विजयी भएकाे छ । गढी १ नम्बर वडामा कांग्रेस नेतृत्वकाे अध्यक्ष सहित प्यानल नै विजयी भएको हाे ।
१ नम्बर वडाकाे अन्तिम मतपरिणाम अनुसार वडा अध्यक्ष पदमा कांग्रेसका आईत सिं लो सहित प्यानलनै विजयी भएका छन् । उनले ७९३ मत प्राप्त गरेका थिए भने एमालेका उम्मेदवारले ४११ र माओवादीका उम्मेदवारले १६५ मत प्राप्त गरेका थिए ।
त्यसैगरी वडा नम्वर १ को अन्तिम मत परिणाम अनुसार गाउँपालिका अध्यक्षमा गठबन्धनका उम्मेदवारले ८१२ र एमालेका उम्मेदवारले ४०६ मत प्राप्त गरेका छन् भने उपाध्यक्षमा गठबन्धनका उम्मेदवारले ६३४ मत र एमालेका उम्मेदवारले ४२५ मत प्राप्त गरेका छन्।
