‘अवैधानिक’ रुपमा ओसार्न लागिएको १३३ गाई गोरु अलपत्र
Tags: No Comments
मकवानपुर । रूपन्देहीबाट झापा लैजादै गरेको कागज बनाएर ल्याइएको गाईगोरू हेटौडामा अलपत्र परेका छन् ।
खरिद बिलमा उल्लेख गरिएको र फिल्डमा देखिएको गाई गोरुको संङ्ख्या नमिलेपछि हेटौंडामा जिल्ला प्रशासन र प्रहरीले गाई गोरु बरामद गरेको थियो । पशु स्वास्थ्यकर्मी, प्रहरी र प्रशासनको रोहबरमा बरामद गरिएको गाई गोरु अहिले अलपत्र परेका हुन् ।
गाई र गोरुको संङ्ख्य नछुट्याइ बिलमा जम्मा ११७ वटा उल्लेख गरेर ल्याइदै गरेको तर वास्तममा गोरू ६४ गाई ६९ गरी १३३ वटा जनावर रहेको छ ।
जसका ३ वटा गाई गम्भिर बिरामी रहेका छन् । भेटेरेनरी अस्पताल तथा पशु सेवा बिज्ञ केन्द्र हेटौंडाको प्रमुख ब्रज किशोर ठाकुरले जनावर सहित ४ वटा ट्रक बरामद गरेको बताए ।
झापा भनेर बंगलादेश पु¥याइ मासुको प्रयोजनमा बिक्रि गर्न लागिएको आशंकामा गाईहरु बरामद गरिएको बिज्ञ केन्द्रका प्रमुख ठाकुरले बताए । उनका अनुसार हेटौंडालाई ट्राञ्जिट प्वाइन्टको रुपमा लिएर बर्षौदेखि गाईहरु तस्कार हुने गरेका छन् । जनवारसँगै तस्कार गर्न प्रयोग गरिएको लु २ ख ७५५, लु २ ख ६०४, लु २ ख ५९३ र लु २ ख ७५७ ट्रकहरू पनि प्रशासनले बरामद गरेको छ ।
“बिलमा उपलब्ध नम्बरमा सम्पर्क गर्दा नक्कली हो भन्ने पत्ता जानकारी आएको छ, तर आधिकारी भेरीफाइ गर्न बाँकी छ” मकवानपुरको सहायक प्रमुख जिल्ला अधिकारी बद्रीनाथ गैह्रेले भने ।
रुपन्देही देखि मकवानपुरको हेटौंडा रहेका दर्जनौ प्रहरी कार्यालय पासगर्दै अवैध जनवार बोकेको गाडी कसरी यहाँ आइपुगे, प्रहरीमाथि पनि शंका छ । यरबारे विस्तृत जानकारी अनुसन्धानपछि प्राप्त हुने सहायक प्रमुख जिल्ला अधिकारी गैह्रेले बताए ।
मकवानपुर । मकवानपुरको बकैया गाउँपालिका वडा नंबर ६ मा नेकपा एमाले विजयी भएको छ ।
बकैया ६ काे वडा अध्यक्षमा एमालेका उम्मेदवार फूल बहादुर भोम्जनले ८ सय ३४ मत प्राप्त गर्दै वडा अध्यक्षमा निर्वाचित भएका छन् । उनी सँगै वडामा एमालेकाे प्यानलै विजयी भएकाे हाे ।
यसैगरि,उनका निकटतम प्रतिस्पर्धीहरु नेपाली काँग्रेसका सेते मान बलले ५ सय ३६ र नेकपा माओवादी केन्द्रका बाग सिं भोम्जनले ४ सय ३९ मत प्राप्त गरे ।
मकवानपुर । मकवानपुरकाे मनहरी गाउँपालिका वडा नम्बर ४ मा नेकपा माओवादी केन्द्र विजयी भएकाे छ । मनहरी ४ को अन्तिम मत परिणाम अनुसार वडाध्यक्षमा माओवादी केन्द्रका प्रकाश थापा विजयी भएका छन् ।
कुल १ हजार ५ सय ९३ काे अन्तिम मतपरिणाम अनुसार थापाले ५ सय ४१ मत ल्याइ विजयी भएका हुन् । उनका निकटम प्रतिस्पर्धी नेपाली कांग्रेसका उम्मेदवारले ४ सय ८२ मत, एमालेले ३ सय ६२ मत र नेकपा एकीकृत समाजवादीका उम्मेदवारले ३३ मत ल्याएका थिए ।
त्यस्तै, पालिकातर्फ गठबन्धनका उम्मेदवारहरुले नै अग्रता कायमै राखेका छन् । गठबन्धनका रन्जन कालाखेतीले ६ सय ४ मत प्राप्त गर्दा उपाध्यक्षकी रेखा मगरले ४ सय ९९ मत प्राप्त गरिन् । एमालेका अध्यक्षका उम्मेदवार एकराज उप्रेतीले ३ सय ७९ मत, उपाध्यक्षकी उम्मेदवार सन्तु थिङ्ले ३ सय ५१ मत प्राप्त गरेकी छिन् । नेकपा एकीकृत समाजवादीका अध्यक्षका उम्मेदवारले ५७ मत, र उपाध्यक्षको उम्मेदवारले २ सय ६० मत प्राप्त गरेका छन् ।
मकवानपुर । स्थानीय तह सदस्य निर्वाचन २०७९ अन्तर्गत मकवानपुरमा महिला जनप्रतिनिधि पहिलो पटक वडाध्यक्षमा महिला निर्वाचित भएकी छिन् । मकवानपुरको बकैया गाउँपालिका वडा नंबर १० मा गठवन्धनबाट वडा अध्यक्ष उम्मेदवार बनेकी कांग्रेस नेतृ कमला वाईवा विजयी भएर जिल्लामा एउटा इतिहास रचेकी छिन् ।
वाईवाले ८ सय १६ मत ल्याइ निर्वाचित हुँदा नेकपा एमालेका उम्मेदवार कमलबहादुर घलानले ४ सय ६६ मत प्राप्त गरे । वडाध्यक्ष निर्वाचित वाईवा २०७४ सालको स्थानीय तह निर्वाचनमा नेपाली कांग्रेसको तर्फबाट गाउँपालिका उपाध्यक्षमा पराजित भएकी थिईन् ।
बिजयी भएपछि पार्टीभन्दा माथि उठेर आफ्नो गाउँ र टोलको बिकासमा लागिपर्ने उनले बताइन् ।
मकवानपुर । आज सोमबार मनाइदै गरिएको २५६६ औं बुद्द जयन्तीका अवसरमा बागमती प्रदेशका प्रदेश प्रमुख यादव चन्द्र शर्माले शुभकामना सन्देश व्यक्त गरेका छन् । ‘सम्पूर्ण बौद्दमार्गी नेपालीहरु तथा बुद्दको भ्रातृत्व, शान्ति, अहिंसा र करुणाप्रति विश्वास राख्ने स्वदेश तथा विदेशमा रहनु भएका सम्पूर्ण महानुभावमा हार्दिक शुभकामना व्यक्त गर्दछु’ प्रदेश प्रमुख शर्माले बुद्घ जयन्तीका अवसरमा शुभकामना सन्देश जारी गर्दै भनेका छन् ।
प्रमुख शर्माले सन्देशमा वैशाख शुक्लपक्षको पूर्णिमा तिथि आजको दिनमा गौतम बुद्धको त्रिसंयोग अर्थात् जन्म, ज्ञान प्राप्ति र महापरिनिर्वाण एकैदिन परेकाले विश्वभरका बौद्द धर्मावलम्बीहरूद्वारा उहाँप्रति श्रद्दा भाव व्यक्त गर्ने महत्वपूर्ण दिनका रुपमा हामीले बुद्घ जयन्ती मनाउने गरेको बताएका छन् ।
नेपालको कपिलबस्तुमा जन्मिनुभई विश्वर शान्तिका अग्रदूतका रुपमा प्रख्यात गौतमबुद्दप्रति सदैव गौरवबोध रहेको उल्लेख गर्नुहुँदै प्रमुख शर्माले उनको मार्गदर्शन अनुशरण गरेमा राष्ट्रिय एकता तथा विश्व शान्तिका लागि टेवा पुग्ने आफ्नो विश्वास रहेको जनाए । ‘उनका प्रेरणादायी उपदेश तथा जीवनोपयोगी मार्गदर्शनलाई अनुशरण गर्न सकेमा आपसी सद्भाव, सहिष्णुता, मेलमिलाप, भातृत्व अभिवृद्दि भई राष्ट्रिय एकता तथा विश्व शान्तिका लागि टेवा पुग्दछ भन्ने मलाई विश्वास छ ’ प्रमुख शर्माले शुभकामना सन्देशमा उल्लेख गरेका छन् ।
