मकवानपुर । हेटौंडा उपमहानगरपालिका वडा नम्बर ४ स्थित श्रमिक माध्यमिक विद्यालयमा छात्रवृत्ति अक्षयकोष स्थापना गरिने भएको छ।
विद्यालय ब्यवस्थापन समिति अध्यक्ष विवेक कार्कीले आफ्नो वैवाहिक बर्षको अवसरमा पूर्व योजना अनुसार गरीब तथा जेहेन्दार विद्यार्थीहरुको लागि छात्रबृत्ति अक्षय कोषको स्थापना घोषणा गरेका हुन ।
उनले छात्रबृत्ति अक्षय कोषको लागि १० हजार २७ रुपैयाँको चेक बिद्यालयका प्रधानध्यापक श्रीराम दाहाल लाई हस्तान्तरण गरेका छन्। कोष घोषणा पश्चात शिक्षक गोपीरमण प्याकुरेलले १० हजार भूतपूर्व विद्यार्थी तथा PTA सदस्य नीरज सिंह ठकुरीले १५ हजार रुपैयाँ सहयोग प्रतिबद्धता गरेका छन् ।
हेटौंडा उपमहानगरपालिका वडा नम्बर ४ का वडा अध्यक्ष नवीन सिग्देलले कोषको घोषणा र सहयोग निकै सराहनीय कार्य भएको बताए । कार्की बिद्यालय ब्यवस्थापन समिति अध्यक्ष भए पश्चात् बिद्यालयमा रचनात्मक कामको थालनी भएको स्मरण उनले गरे ।
विद्यालयका कार्यहरूको उच्च प्रशंसागर्दै सिग्देलले अक्षयकोष कोषमा ५ लाख रुपैयाँ रवडा कार्यालयबाट सहयोग गर्ने प्रतिवद्धता व्यक्त गरे ।
मकवानपुर । मकवानपुरगढी गाउँपालिकाकाे आगामी आर्थिक वर्ष २०८०/८१ काे बजेट सर्वसम्मत पारित भएकाे छ । गाउँपालिकाका उपाध्यक्ष मानकुमारी पाख्रिनले बुधबार नवौं गाउँसभाको दोस्रो बैठकमा ७२ करोड ६५ लाख ५६ हजारको बजेट प्रस्तुत गरेकी थिइन् ।
गाउँपालिकाले गत असार १० गते वार्षिक नीति तथा कार्यक्रम र बजेट ल्याउँदा क्रममा ६२ करोड २ लाख ५६ हजारको अनुमानित बजेट प्रस्तुत गरिएकाेमा बुधबार १० करोड बजेट बढेर प्रस्तुत गरिएकाे हाे । चालु खर्च तर्फ ३४ करोड ९४ लाख ७३ हजार ४३६ रुपैयाँ र पुजीँगत खर्च तर्फ ३७ करोड ७० लाख ८२ हजार ५६५ रुपैयाँ रहने गरी गाउँपालिकाले बजेट ल्याएकाे हाे ।
महिला तथा बालबालिका शाखालाई १० लाख, स्वास्थ्य शाखालाई ८० लाख, कृषि विकास शाखालाई ६० लाख, पशु शाखालाई ८० लाख, शिक्षा शाखालाई २ करोड, खेलकुदलाई, २५ लाख रुपैयाँ बजेट गाउँपालिकाले विनियोजन गरेकाे छ । यसैगरी गाउँपालिकाले लक्षित वर्गको कार्यक्रम अन्तरगत दलित लक्षित १० लाख, जनजाति लक्षित १० लाख, अपाङ्ग लक्षित ८ लाख, महिला लक्षित ९ लाख, बालबालिका १० लाख, युवा लक्षित ६ लाख, कार्यपालिका सदस्य लक्षित कार्यक्रमलाई १५ लाख बजेट विनियोजन गरेकाे छ ।
गाउँपालिकाकाे पारित बजेटमा आम्दानी आन्तरिक स्रोतबाट ११ करोड ६३ लाख, सम्पती बहाल तथा पट्टामा लाग्ने कर ५ लाख, भूमिकर १२ लाख, घरबहाल कर ५ लाख हुने अनुमान रहेको छ । यसैगरी व्ययतर्फ आर्थिक विकासमा ४ करोड ८ लाख, पूर्वाधार विकासमा २९ करोड २४ लाख ३८ हजार, संस्थागत विकास, सेवा प्रवाह र सुशासनमा ५५ लाख ९४ हजार, सामाजिक विकासमा २८ करोड ५३ लाख, ३९ हजार, वन, वातावरण तथा विपद् व्यवस्थापनमा ८७ लाख १७ हजार, कार्यालय सञ्चालन तथा प्रशासनिक खर्चमा ९ करोड ६५ लाख रहेको छ ।
बकैया गाउँपालिकाको ८१ करोड ७० लाखकाे बजेट पारित
मकवानपुरको बकैया गाउँपालिकाको आगामी आर्थिक वर्ष २०८०–०८१ को ८१ करोड ७० लाख १४ हजार रुपैयाँको बजेट आइतबार सर्वसम्मत पारित भएको छ । आगामी आर्थिक वर्षका लागि गाउँपालिकाका उपाध्यक्ष भक्तबहादुर खत्रीले चालुतर्फ ५४ करोड ४५ लाख ६४ हजार रुपैयाँ र पुँजीगततर्फ २७ करोड २४ लाख ५० हजार रुपैयाँ बजेट प्रस्तुत गरेका थिए ।
गाउँपालिकालाई संघीय सरकारबाट सशर्त अनुदानतर्फ ३१ करोड ५५ लाख रुपैयाँ र बागमती प्रदेश सरकारबाट सशर्त अनुदानतर्फ ३ करोड ९ लाख १४ हजार रुपैयाँ बजेट प्राप्त भएको छ । वडाहरुको समानुपातिक विकास गर्नका लागि प्रत्येक वडामा ४५ लाखको दरले बजेट विनियोजन गरेकाे गाउँपालिकाले जनप्रतिनिधिहरुको लागि १० लाखसम्मको सामूहिक दुर्घटना बीमाको लागि पिन बजेटको विनियोजन गरेकाे छ ।
गाउँपालिकाले कृषि कार्यक्रम कार्यान्वयन गर्न १ करोड ८२ लाख रुपैयाँ बजेट विनियोजन गरेका छ छ । पशु बीमा कार्यक्रम सञ्चालनलगायतका कार्यक्रम कार्यान्वयन गर्न ३ करोड १८ लाख बजेट विनियोजन भएको छ । सामुदायिक विद्यालयमा कार्यरत विद्यालय कर्मचारी तथा कार्यालय सहयोगीहरुलाई उत्प्रेरित गर्न मासिक थप २ हजार रुपैयाँका दरले तलब वृद्धि हुनेगरी १८ लाख ५० हजार बजेट विनियोजन गरिएकाे छ ।
गाउँपालिका भित्र रहेका ऐतिहासिक, धार्मिक तथा पुरातात्विक महत्वका संरचना र स्थानको विकास, विस्तार र संरक्षणका लागि ४५ लाख रुपैयाँ बजेट विनियोजन गरिएको उपाध्यक्ष खत्रीले जानकारी दिए । यस्तै, विपद् जोखिम न्यूनीकरण कार्यक्रम सञ्चालन गर्न विपद् तथा प्रकोप व्यवस्थापन कोषमा बजेट विनियोजन गरिएकाे छ ।
देशकै दोस्रो बालमैत्री गाउँपालिकाको रूपमा घोषित पालिकाले बालमैत्री शासनको दिगोपनाका लागि बालमैत्री अभियानलाई निरन्तरता दिने भएको छ । खेलकुद क्षेत्रमा पालिकास्तरीय प्रतियोगिता सञ्चालनका लागि ३५ लाख बजेट विनियोजन भएको छ । यस्तै, स्वास्थ्य क्षेत्रको सुधार तथा विकासका लागि आवश्यक कार्यक्रम सञ्चालन गर्न १ करोड १८ लाख ३७ हजार रुपैयाँ बजेट विनियोजन भएको छ ।
गाउँपालिका भित्रमा ऐलानी जग्गामा बसोबास गर्दै आएका भूमिहीन सुकुम्बासी, भूमिहीन दलित तथा अव्यवस्थित बसोबासीहरुले लामो समयदेखि भोगचलन गर्दै आएको जग्गाहरु नापी गरेर जग्गाधनी प्रमाणपुर्जा वितरण गर्न १ करोड ३० लाख रुपैयाँ बजेट विनियोजन भएको छ । गाउँपालिकाले शिक्षा, स्वास्थ्य तथा आधारभूत आवश्यकता परिपूर्तिका लागि विपन्न नागरिक आकस्मिक कोषकाे व्यवस्था गरि १५ लाख रुपैयाँ बजेट विनियोजन गरेकाे छ ।
मकवानपुर । हिमालयन राइडर्स साेसाइटी मकवानपुरले कोरा च्यालेन्ज आयोजना गर्ने भएकाे छ । लामो समयदेखि साइकल अभियानका क्रियाशील अभियनकर्मीहरु प्रयासमा करिव २ वर्ष अघि हेटौंडामा स्थापना भएको सोसाइटीले असार ३० गते शनिबार कोरा च्यालेन्ज आयोजना गर्ने पत्जारकार सम्मेलन गरी जानकारी दिएकाे हाे ।
असार ३० गते समेतकाे सोसाइटीकाे काेरा च्यालेन्ज दोस्रो संस्करण रहेकाे बताइएकाे छ । संसारभर जुुलाई १६ तारिखमा आयोजना हुने कोरा च्यालेन्ज नेपाल राज्यभर र हेटौंडामा भने १ दिन अगाडि नै आयोजना गर्न लागिएकाे हिमालयन राइडर्स सोसाइटी मकवानपुर अध्यक्ष रामकुुमार श्रेष्ठ बताए ।
कोरा च्यालेन्ज विशेषगरी धार्मिक क्षेत्रको पर्यटकीय सम्भावनाको उजागर गर्ने उद्देश्यले आयोजना गर्न लागिएकाे श्रेष्ठले जानकारी दिए । असार ३० गते शनिबार बिहान ६ बजे हेटौंडा–४ हुुप्राचौरस्थित पशुपतिनाथ मन्दिरबाट बाट सुरु हुने च्यालेन्ज कुुष्माण्ड सरोवर त्रिबेणीधाम, बनस्खण्डी, दक्षिणकाली, रुद्रेश्वर, पुण्यक्षेत्र, गोरक्षश्वर, जलेश्वरलगायत हेटौडा र आसपासका २० वटा मन्दिर परिक्रमा गरी समापन गरिने उनले बताए ।
कोरा च्यालेन्जका सहभागी साइकलयात्रीलाई हेटौंडा उपमहानगरका वडा नम्बर १,२,४,५ कार्यालय, बिभिन्न मन्दिर ब्यवस्थापन समितिहरुले स्वागत गर्ने बताइएकाे छ । कोरा च्यालेन्ज नेपाल टेलिकम हेटौंडा शाखाकाे मुख्य प्रायोजन तथा होटल स्मारककाे सहप्रायोजनमा हुन लागेकाे हाे । करिव २५ किमि धार्मिक साइकल यात्रा गर्न कम्तिमा ८ वर्षदेखि ७० वर्षसम्मका करिव २०० जना साइकलयात्री सहभागी अध्यक्ष श्रेष्ठले जानकारी दिए ।
कोरा च्यालेन्जको मुुख्य आकर्षणको रुपमा यो वर्ष हेटौंडा–१ को महिला समूहले पञ्चैबाजा बजाएर साइकल ¥यालीलाई साथ दिदैंछन् । कोरा च्यालेन्जमा सहभागी हुने सबैलाई टिसर्ट, स्कार्फ, मेडल, प्रमाणपत्र प्रदान गरिने श्रेष्ठले बताए । कार्यक्रमकाे लागि करिब ४ लाख रुपैयाँ खर्च हुने अनुमान आयाेजकले गरेकाे छ ।
मकवानपुर । हेटौैंडा उपमहानगरपालिका वडा नम्बर २ मा रहेकाे सिद्धार्थ माध्यमिक विद्यालयबाट एसईई उत्कृष्ट विद्यार्थीहरूलाई वडा कार्यालय र विद्यालयद्वारा सम्मान गरिएकाे छ । २०७९ सालको एसईई परीक्षामा ए प्लस ल्याएका तथा उत्कृष्ट भएका विद्यार्थीहरुलाई विद्यालय र २ नम्बर वडा कार्यालयले पुरस्कृत र सम्मान गरेको हाे ।
मंगलबार विद्यालय र वडा कार्यालयले संयुक्त रुपमा विद्यार्थीलाई पुरस्कृत गरेको हो । वडा कार्यालयले जिपीए ए प्लस ल्याउने विद्यार्थीलाई नगद १० हजार र विद्यालयले ५ हजार र ए ल्याउनेलाई प्रशंसापत्रले सम्मान गरेको हो । परीक्षामा सहभागी १ सय ८५ जना विद्यार्थीमध्ये ए प्लस ल्याउने ९ जना, ए ल्याउने २२ जना, बी प्लस ल्याउने ३२ जना, बी ल्याउने ४८ जना, सी ल्याउने ४६ जना र सी प्लस ल्याउने २८ जना रहेको विद्यालयले जनाएको छ ।
सम्मान कार्यक्रममा शिक्षा विकास समन्वय इकाई मकवानपुरका प्रमुख दिनानाथ गौतमले जिल्लाकै उत्कृष्ट मानिएको विद्यालयको नतिजाले सबैलाई खुसी तुल्याएको बताए । उनले शिक्षक र विद्यार्थीको सहकार्यले नतिजा संम्भव रहेको बताए । त्यसैगरी वडाध्यक्ष मर्हजनले २०८० को एसईई नतिजामा ए प्लस हासिल गर्नेलाई नगद १५ हजारले सम्मान गर्ने उद्घोष गरका थिए ।

विद्यालयले सम्मान कार्यक्रमसँगै एसईई उतिर्ण विद्यार्थी तथा अभिभावकलाई परामर्श समेत गरेकाे थियाे । वन बिज्ञान अध्ययन संस्थान हेटौंडाका प्रोफेसर कृष्णप्रसाद दाहाल र सिद्धार्थ माविमा कानुन बिषय अध्यापनरत अधिवक्ता मनप्रसाद भट्टराईले बिषयगत जानकारी सहित परामर्श गराएका थिए ।
विद्यालय व्यवस्थापन समितिका अध्यक्ष बलराम घिमिरेको अध्यक्षतामा भएको कार्यक्रममा शिक्षा विकास समन्वय इकाई मकवानपुरका प्रमुख गौतमको प्रमुख आतिथ्यता र वडा नम्बर २ का वडाध्यक्ष मर्हजनको विशेष आतिथ्यता रहेको थियो । विद्यालयका प्रअ मोहनप्रसाद शर्मा, हेटौंडा २ नम्बर वडा सदस्य सुरज बतौँला, विद्यालय व्यवस्थापन समितिका सदस्यहरु रामचन्द्र बतौँला, ज्ञानु महरा, सरिता दाहाल, लक्ष्मी श्रेष्ठ, पीटीए अध्यक्ष भीमकुमार श्रेष्ठलगायतको आतिथ्यता थियो । कार्यक्रममा बिद्यालयबाट सर्वोत्कृष्ट भएका छात्र भूषण दाहालले सिद्धार्थ माविको शैक्षिक वातावरण उत्कृष्ट भएको बताएका थिए ।
मकवानपुर । मकवानपुर प्रहरीले ३ लाख ७५ भारतीय रुपैयाँसहित १ जनालाई पक्राउ गरेको छ ।
मंगलबार बिहान काठमाडौंबाट वीरगंजतर्फ जाँदै गरेको प्रदेश ३-००१ ख २५१६ नम्बरको यात्रु वाहक बसलाई हेटौंडा-१५ रातोमाटेमा चेक जाँच गर्ने क्रममा अवैध भारतीय रुपैयाँसहित भारतको बेतिया थाना बैरिया ग्राम मियापुर दवौली ७ बस्ने ४० वर्षीय रमेश साहलाई पक्राउ परेकाे प्रहरीले जनाएको छ ।
गुप्ताले उक्त रकम कम्मरको भागमा कपडाले बेरी लुकाई छिपाई ल्याएकाे अवस्थामा पक्राउ गरिएकाे हाे । उनलाई आवश्यक कारबाहीको लागि राजश्वव अनुसन्धान कार्यालय पथलैया बारा पठाइएकाे जिल्ला प्रहरी कार्यालय मकवानपुरले जनाएको छ ।
