मकवानपुर । मकवानपुरको हेटौंडामा तेस्रो मिस्टर मकवानपुर हुने भएको छ । नेपाल शारीरिक सुगठन तथा फिट्नेस महासंघले तेस्रो मिस्टर मकवानपुर-२०८० प्रतियोगिता आयोजन गर्ने भएको हो ।
महासंघले हेटौंडामा पत्रकार सम्मेलन मार्फत मिस्टर मकवानपुर- २०८० प्रतियोगिताको जानकारी गराएको हो । ‘लामो समयको अन्तराल पछि तेस्रो मिस्टर मकवानपुर आगामी असोज १३ गते गर्ने तयारी गर्दैछौं’ महासंघका अध्यक्ष राजेश भेटवालले भने ‘हामीले ५५,६०,६५,७०,७५ केजी तौल समूहमा प्रतिस्पर्धीलाई सहभागि गराउने छौ ।’ तौल समूह अनुरुपका राष्ट्रिय निर्णायकहरुबाट प्रतियोगिताको निर्णय गरिने भेटवालले बताए ।
मिस्टर मकवानपुर २०८० को विजेतालाई १ लाख, दोस्रो स्थान हासिल गर्नेलाई ५० हजार र तेस्रो स्थानमा हुनेलाई ३० हजार नगद सहित ट्रफि मेडल प्रदान गरिने कार्यक्रम संयोजक सुनील लोप्चनले बताए ।
यसैगरी प्रतियोगितामा प्रत्येक तौल समूहको विजेतालाई १० हजार प्रदान गरिने बताइएको छ । प्रतियोगितामा खेलाडी बढी प्रस्तुत गर्ने क्लबलाई वेस्ट क्लब घोषणा गर्दै नगद २५ हजारले सम्मान गरिने लोप्चनले बताए ।
खेलप्रति महिलाको आकर्षण बढाउनको लागि महिला खेलाडीद्वारा एकै तौल समूहमा महिलाहरुको पनि प्रतिस्पर्धा समेत रहनेछ । जिल्लाभित्र रहेका करिब ६ वटा फिट्नेस क्लबले खेलाडीहरु प्रस्तुत गर्ने अध्यक्ष भेटवालले बताए । साथै पुराना खेलाडी र खेलको प्रवर्धन गर्ने पत्रकारिता क्षेत्र, सामाजिक क्षेत्र, खेलकुद शिक्षा क्षेत्रका एक/एक जना व्यक्तित्वलाई सम्मान गरिने महासंघले जानकारी दिएको छ ।
हेटौंडा-२ स्थित पल्पसा हलमा हुने प्रतियोगिता १२ लाख खर्च हुने अनुमान आयोजकको रहेको छ । प्रतियोगितामा करिब ५० जनाले सहभागिता जनाउने अनुमान गरिएको छ ।
महासंघको आयोजनामा प्रथम मिस्टर मकवानपुर २०६६ सालमा भएको थियो । उक्त प्रतियोगिताको उपाधि सुनील महर्जनले जितेका थिए । दोस्रो मिस्टर मकवानपुर २०७५ को उपाधि बिजेता अतित श्रेष्ठ थिए ।
मकवानपुर । अग्रज साहित्यकार तथा मकवानपुरको शिक्षा क्षेत्रमा योगदान पुर्याएका ब्यक्तित्व तुल्सी थापाको निधन भएको छ । ७८ वर्षीय थापाको उपचारको क्रममा शुक्रबार निधन भएको हो ।
मधुमेह, रक्तचापसम्बन्धी समस्याबाट ग्रसित थापालाई पछिल्लो समय निमोनिया समेत देखिए पछि चितवनको पुरानो मेडिकल कलेजमा उपचारत थिए । २००२ साल असोज २ गते मकवानपुर जिल्लाको भैँसेमा जन्मिएका थापा अग्रज साहित्यकार तथा मकवानपुरको शिक्षा क्षेत्रको उन्नयनमा योगदान पुर्याएका ब्यक्ति हुन । शिक्षण पेशाबाट निवृत्त भएपछि थापाले नेपाली साहित्यमा विशेष योगदान दिएका थिए ।
अग्रपंक्तिमा रहेका ‘दाना कविता’ का प्रणेता थापा कथा, कविता, नाटक बिधामा कलम चलाउदै आएका थिए । उनी मकवानपुरमा रहेर भाषा, साहित्य, शिक्षा र सामाजिक अभियानमा निरन्तर लागिरहेका अग्रज स्रष्टा थिए । थापा भीम विराग संगीत साहित्य कला प्रतिष्ठानका पूर्व अध्यक्ष समेत हुन् ।
थापाका ‘एक निमेष अनन्तको’– २०५८ मसिना कविताहरू, अमरसिंहको खोजीमा अमरसिंह नाटक– २०६१, फरक आकाश– २०७२ कथा सङ्ग्रहलगायत प्रकाशित छन् । थापाले गोरखा दक्षिण बाहु चौथो (२०४४), नारायणी वाङ्मय पुरस्कार (२०५८) सहित विभिन्न सम्मान प्राप्त गरेका छन । उनको अन्तिम संस्कार भाद्र ९ गते बिहान ९ बजे चितवनको देवघाटमा गरिने पारिवारिक स्रोतले जनाएको छ ।
मकवानपुरे साहित्यकारहरुले थापालाई गुरुकाे रुपमा लिने गर्छन् । सबैकाे प्रिय तुल्सी सरप्रति सहीखबर परिवार भावपूर्ण श्रद्धाञ्जली व्यक्त गर्दछौ ।
मकवानपुर । तीन तहको सरकारबीच मानव अधिकार कार्यन्वयको लागि सूची नै उल्लेख गरी बाँडफाँड गरिएको भए पनि त्यसको समुचित कार्यान्वयन हुन नसकेको बागमती प्रदेश सरकारका प्रवक्ता एवम् आन्तरिक मामिला तथा कानुन मन्त्री गङ्गानारायण श्रेष्ठले बताएका छन् ।
संघीय संरचनाको दृष्टिले मानव अधिकार संरक्षणका लागि सङ्घ, प्रदेश र स्थानीय तहबीच तालमेलमा समस्या भएको उनले बताए । मानवलाई प्राप्त हुने सबै खाले अधिकार निर्वाध रूपमा प्रयोग गर्न पाउनु नै मानव अधिकारको सही कार्यन्वयन भएको बताउँदै मन्त्री श्रेष्ठले भने: नीतिगत अस्पष्टताहरु हटाउन आफूहरुले हामीले प्रयास जारी राखेका छौं ।
अनौपचारिक क्षेत्र सेवा केन्द्र इन्सेकको आयोजनामा हेटौँडामा आयोजित कार्यक्रममा मन्त्री श्रेष्ठले यस्तो बताएका हुन् । नेपालमा भएका राजनीतिक, सामाजिक, साँस्कृतिक, आर्थिक सबै प्रकारका आन्दोलनमा महिलाको भूमिका उल्लेखनीय रहेको उनले स्मरण गरे । संविधानले व्यवस्था गरेको समानुपातिक निर्वाचन प्रणालीले धेरै महिलालाई राजनीतिमा समावेश त गराएको तर प्रत्यक्ष निर्वाचनमा अझै महिलाको नेतृत्वलाई स्वीकार्न नसकेको उनले बताए ।
“प्रतिस्पर्धा समानहरूको बीचमा हुन्छ, असमानहरू बीचमा आरक्षण र विशेषाधिकार चाहिन्छ” उनले भने । मन्त्री श्रेष्ठले महिलालाई अंश, वंश र अर्थको अधिकार अनिवार्य रहेको बताए । अंश अर्थात आर्थिक, र वंश अर्थात सामाजिक अधिकारमा पुरुष बराबर महिलाको समान हक हुनुपर्न मन्त्री श्रेष्ठले बताए ।
यसैगरी राष्ट्रिय मानव अधिकार आयोग, बागमती प्रदेश कार्यालयका प्रमुख यज्ञप्रसाद अधिकारीले संविधानमा सुनिश्चित अधिकार, मौलिक हक संरक्षणमा स्थानीय तहको भुमिका र न्यायिक समितिको काम कर्तव्य र अधिकारका बारेमा कार्यपत्र प्रस्तुत गर्दै जनताको अधिकार प्रत्याभुत गराउन स्थानीय तहको महत्वपूर्ण भूमिका रहने बताए ।
आर्थिक अधिकारमार्फत् जनताको जीवनस्तर माथि उठाउन आवश्यक राष्ट्रिय मानव अधिकार आयोग, बागमती प्रदेश कार्यालयका प्रमुख अधिकारीले बताए ।
स्थानीय तह मानव अधिकारमैत्री बन्नुपर्ने उनले अधिकारीले बताए । स्थानीय तहमा हुने न्यायिक समिति प्रभावकारी हुन सके प्रहरी तथा अदालतमा पुग्ने घरेलु हिंसालगायतका सामाजिक विवादको चाप घट्ने उनले बताए ।
इन्सेक बागमती प्रदेश संयोजक गणेश भण्डारीले स्वास्थ्य, शिक्षा, आवास तथा खाद्य अधिकारको संरक्षण तथा संवद्धनमा स्थानीय तहको भूमिका सम्बन्धमा र नेतृत्व विकास तथा महिला सशक्तिकरणको विषयमा प्रस्तुती दिएका थिए ।
अधिकार तथा आर्थिक विकास मार्फत महिला सशक्तिकरण कार्यक्रममा राष्ट्रिय मानव अधिकार आयोग, बागमती प्रदेश कार्यालयका प्रमुख यज्ञप्रसाद अधिकारी, जिल्ला बार एशोसियसन अफ मकवानपुरका अध्यक्ष अप्सरा बस्नेत, मनहरी गाउँपालिका सामाजिक विकास शाखा प्रमुख ज्ञानेन्द्र ढकाल, मानव अधिकार समूह मनहरी गाउँपालिका संयोजक बिमला गोपाली,अधिकार तथा आर्थिक विकास मार्फत महिला सशक्तिकरणका विषयमा आफ्नो महिला सशक्तिकरण आवश्यक भएको बताए ।
जिल्ला अदालत बार एसोसिएसन मकवानपुरका अध्यक्ष तथा अधिवक्ता अप्सरा बस्नेतले प्रजनन स्वास्थ, महिलामाथि हुने हिंसा, कानुनी प्रावधान तथा निराकरणमा स्थानीय तहको भुमिकाको बारेमा प्रस्तुतीकरण गर्दै समाजमा अहिले भ्रुणहत्याको घटनाहरू बढेको बताइन् ।
यस्तो सवालमा महिलाहरूले यसलाई रोक्नको लागि भूमिका खेल्नु पर्ने अधिवक्ता बस्नेले बताइन् । समाजलाई परिवर्तन गराउनको लागि मानव अधिकार तथा कानुनी विषयमा हरेक नागरिकले जानकारी राख्नु पर्नेमा उनले बताइन् ।

कार्यक्रममा डब्लुपीडीकाे फिल्ड सुपरभाइजर तिलकुमारी हुमागाँइले अधिकार तथा आर्थिक विकासमार्फत महिला सशक्तिकरण कार्यक्रम विगत तीन वर्षदेखि मनहरी गाउँपालिका र हेटौंडा उपमहानगरपालिकाको विभिन्न वडामा सञ्चालन भएको बताइन् ।
मानव अधिकारको अवधारणा तथा विकासक्रम, मानव अधिकार, मौलिक हक संरक्षणमा स्थानीय तहका भूमिका र न्यायिक समितिको काम कर्तव्य र अधिकारबारे प्रस्तुती रहने इन्सेकका कार्यक्रम संयोजक कृष्णप्रसाद नेपालले बताए ।
कार्यक्रममा अधिवक्ता बस्नेतले प्रजनन् स्वास्थ्य, महिलामाथि हुने हिंसा, कानुनी प्रावधान तथा निराकरणमा स्थानीय तहको भूमिका विषयमा पनि प्रस्तुती दिएकी थिइन् ।
मकवानपुरको मनहरी गाउँपालिका वडा नम्बर १, ३, ४ र हेटौँडा उपमहानगरपालिका वडा नम्बर १९ का रिनियु परियोजनामा आवद्ध रहेका १५ ओटा महिला समूहका महिलाहरू र बाल अधिकार समूहका बालिकाहरूको सहभागितामा रहेको थियो ।
मकवानपुर । मकवानपुर जिल्ला भिमफेदी गाउंपालिका ८ माण्डु स्थित बागमती खोलाको पानीबाट सन्चालन गरिएको माण्डु हाईड्रोपावरमा विहिबार फेरि अर्को शव फेला परेको छ ।
हाइड्रोपावरको पानि जम्मा गरी फोहोर छुट्याउने ईन्टेक बकेटमा महिलाको शव फेला परेको मकवानपुर प्रहरीले जनाएको छ ।
महिलाको हाल पहिचान नखुलेको र मगोंलियन अनुहार जस्तो देखिने अन्दाजी बर्ष ३५/४० जस्तो देखिने मकवानपुरका प्रहरी प्रवक्ता टेकबहादुर कार्कीले बताए ।
मकवानपुर हेटौंडाबाट ३० कि.मि.पुर्व पर्ने यहि हाइड्रोपावरमा २ भदौमा पनि महिलाको शव भेटिएको थियो । १ भदौमा भेटिएको अन्दाजी २५/३० बर्षीय महिलाको पहि अझै पहिचान नखुलेको प्रहरी जनाएको छ ।
यसै यहि हाइड्रोपावरमा गत साउनमा भेटिएको पुरुष शवको पनि हालसम्म पहिचान खुलेको छैन ।
मकवानपुर । मकवानपुरकाे हेटौंडा उपमहानगरपालिकामा ‘हेटौंडा फन पार्क’ सञ्चालनमा आएको छ । बागमती प्रदेशको राजधानी हेटौंडा २ संगमचोक नजिकै आश्री इन्टरनेस्नल प्रालिले फन पार्क सञ्चालनमा ल्याएकाे हो ।
विहीबार पत्रकार सम्मेलन गर्दै पन पार्ककाे जानकारी दिएकाे हाे । पार्क सञ्चालक रमेश सापकोटाले बेबी फन पार्क,स्वीमिङ, स्केटिङ र रेष्टुरेन्ट सञ्चालन ल्याइएको बताए । सापकाेटासहित युवराज भण्डारी र जागृत चौरेलको संयुक्त लगानीमा पार्क सञ्चालनमा आएकाे हाे ।
साँढे तीन कठ्ठा जग्गामा २ करोड ७० लाख लगानीमा पार्क सञ्चालनमा ल्याइएको सापकाेटाले बताए । ‘पार्कमा अहिले १२ जनाले रोजगार पाएका छन्’ संचालक चौरेलले भने ‘अन्य केही संरचना निर्माण सकिएपछि २० जनालाई रोजगारी दिने लक्ष्य रहेकाे छ ।’
