मकवानपुर । पूर्वप्रधानमन्त्री एवं एकीकृत समाजवादीका अध्यक्ष माधवकुमार नेपालले समाजबादको मिसन पुरा गर्नका लागि आफूहरुले यो मोर्चा तयार गरेको बताए ।
चार दल सम्मेलित समाजवादी मोर्चाको सन्देश सभामा सम्बोधन गर्दै उनले पहिले चुनावका लागि मोर्चा बनाए पनि अहिले भने जनताको काम गर्न मोर्चा बनाइएको बताए । उनले अब सरकारलाई सदन र सडक दुवैबाट दबाब दिन जरुरी रहेको औंल्याए ।
‘सरकारमा रहेको पार्टीले सडकमा गएर आन्दोलन गर्नु हुँदैन भन्ने मान्यता रहेको छ, त्यस्तो होइन, सरकारलाई सडक र सदन दुवै स्थानबाट दबाब दिनुपर्छ, त्यसकारण हामीले समाजवादी मोर्चा बनाएका हौं, हामी सरकारलाई दुवै स्थानबाट दबाब दिन्छौं,’ उनले भने ।
पूर्वप्रधानमन्त्री नेपालले भ्रष्टाचार मुक्त, विकासको सुरुवात र राष्ट्रिय अखण्डताको पक्षमा मोर्चाले काम गर्ने बताए । कार्यकर्तालाई उत्साहका साथ आआफ्नो स्थानबाट काम गर्न पनि उनले निर्देशन दिए ।
सन्देश सभामा बोल्दै नेपाल कम्युनिष्ट पार्टीका महासचिब नेत्र विक्रम चन्द विप्लवले प्रधानमन्त्री प्रचण्ड सरकारबाट लड्नुपर्ने र आफूहरु सडकबाट लड्ने बताए । चार दल सम्मेलित समाजवादी मोर्चाको सन्देश सभालाई सम्बोधन गर्दै उनले आफूहरु सडक, सदन र सरकारबाट समेत लड्ने बताएका हुन् ।
मकवानपुर । नेपाली कांग्रेसका वरिष्ठ नेता शेखर कोइरालाले मकवानपुरको हेटौंडा ११ मा स्थापित विपी बाटिकामा निर्माण गरिएको प्रतिमा अनावरण गरेका छन्।
नेपाली कांग्रेसका संस्थापक एंव पहिलो जननिर्वाचित प्रधानमन्त्री विश्वेश्वर प्रसाद कोइरालाको ११० औं जन्मजयन्तीमा हेटौंडामा अर्थकदको प्रतिमा अनावरण गरिएको छ ।
विपी विचार समाज मकवानपुरको आयोजनामा गरिएको उक्त कार्यक्रममा नेता कोइरालाले विपी द्धार उद्घाटन गर्नुका साथै बाटिका परिसरमा वृक्षारोपण समेत गरेका थिए ।
समाजका अध्यक्ष विनोदचन्द्र कोइरालाको सभाध्यक्षता तथा नेता शेखर कोइरालाको प्रमुख आतिथ्यतामा कार्यक्रम गरिएको थियो ।
कार्यक्रममा कांग्रेस बागमती प्रदेश सभापति तथा प्रदेश सभा सदस्य ईन्द्र बहादुर बानियाँ सहित प्रदेश सभाका सदस्यहरु, जिल्ला सभापति बुद्ध लामा लगायत मकवानपुरका कांग्रेस नेता तथा कांग्रेसजनहरुको सहभागिता रहेको थियो ।
दुर्गा मन्दिर परिसरमा रहेको विपी बाटिकामा विपीको अर्थकदको प्रतिमा राखिएको हो । बागमती प्रदेश सरकारले बाटिका निर्माण, प्रवेशद्धार निर्माण र अर्थकदको प्रतिमा निर्माणका लागि दुई चरणमा गरि २२ लाख रुपैयाँ प्राप्त गरिएको समाजका अध्यक्ष विनोदचन्द्र कोइरालाले बताए ।
कोइरालाले हेटौंडामा कार्यकर्तालाई प्रशिक्षणात्मक मन्तव्य समेत दिएका छन् ।
मकवानपुर । साहित्य सङ्गम मकवानपुर अध्यक्षमा डीबी बर्तौला निर्वाचित भएका छन् । शनिबार भएको निर्वाचनमा बर्तौलले ९७ मत ल्याउदै अध्यक्षमा निर्वाचित भएका हुन ।अध्यक्षका प्रत्याक्षी पुरुषोत्तम आचर्यले ८१ मत प्राप्त गरे ।
शनिबार भएको संगमको १६ औ अधिबेशनबाट बर्तौताको अध्यक्षतामा ७ सदस्यीय कार्यसमिति निर्वाचनबाट चयन भएको हो ।
कोषाध्यक्ष र सहसचिव पदका उम्मेदवार भने निर्विरोध भएका छन । कोषाध्यक्षमा मनु तिमल्सिना र सहसचिवमा भावना तिमल्सिना न्यौपाने निर्बिरोध निर्वाचित भएका हुन ।
अन्तिम मत परिणाम हेर्नुहोस
अध्यक्ष
डिबि बर्तौला : ९७ (विजयी)
पुरुषोत्तम आचार्य : ८१
उपाध्यक्ष
एस के निधन : ५६
सानू खनाल :१२१ (विजयी)
सचिव
मनोज पोखरेल : ११० (विजयी)
यश लामा : ६७
सदस्यहरु
कुबेर परजुली:८३ (विजयी)
कृतिका लौडारी : ९९ (विजयी)
मिनप्रसाद लामिछाने : ७६
रजनी पौडेल : १२४ (विजयी)
बैकुण्ठ लामिछाने : ७५
सिएम रिमाल : ७९
स्वस्तिका बानियाँ : ११८ (विजयी)
कुल मत : २४४
खसेको मत :१८२
बदर मत : ३
मकवानपुर । थाहा नगर उद्योग वाणिज्य संघको अध्यक्षमा पुरुषोत्तम ढकाल निर्वाचित भएका छन् ।
शनिबार भएको आठौं वार्षिक साधारणसभा तथा प्रथम नगर अधिवेशनबाट ढकालको नेतृत्वमा नयाँ कार्यसमिति सर्वसम्मत चयन भएको हो ।
अधिवेशनबाट वरिष्ठ उपाध्यक्षमा शम्भु सिं कार्की, वाणिज्यतर्फको उपाध्यक्षमा सुरेन्द्रमान प्रधान, उद्योगतर्फको उपाध्यक्षमा सानुकाजी गोपाली, वस्तुगततर्फको उपाध्यक्षमा राजेन्द्र बिडारी चयन भएका छन ।
यस्तै महासचिवमा जर्मलाल श्रेष्ठ, कोषाध्यक्षमा प्रदीप प्रधान, सचिवमा श्रीराम कार्की र सहकोषाध्यक्षमा निरोज प्रधान सर्वसम्मत चयन भएका छन् ।
त्यसैगरी उद्योगतर्फको सदस्यहरुमा राजन प्रसाद ढकाल, आरती श्रेष्ठ, सुमन विष्ट र हरेराम कार्की, वाणिज्यतर्फको सदस्यहरुमा अञ्जल प्रधान, धर्मलाल प्रधान, ईश्वर कार्की, बलराम थापा, बिक्रम केसी, यादव जंग रायमाझी, जयराम खत्री केसी र यशोदा अधिकारी (महिला) तथा मोबाइल एसोसिएसन अफ नेपाल उत्तरी क्षेत्र समिति पालुङबाट सुबिन्द्रमान प्रधान बस्तुगततर्फको सदस्य चयन भएका छन् ।
संघका अध्यक्ष कविराज खत्रीको सभापतित्वमा तथा थाहा नगरपालिकाका मेयर विष्णु विष्टको प्रमुख आतिथ्यमा वार्षिक साधारणसभा तथा प्रथम नगर अधिवेशन भएको थियो ।
तिमल्सिनाकाे ‘हार्न नसक्ने मान्छे म’ मामाघरमा विमाेचन
Tags: No Comments
मकवानपुर । मकवानपुरे कवि गणेशकुमार तिमल्सिनाको ‘हार्न नसक्ने मान्छे म’ पुस्तककाे मामाघर नेपालमा विमाेचन गरिएकाे छ । तिमल्सिनाकाे कविता तथा गजल संग्रह ‘हार्न नसक्ने मान्छे म’ को शुक्रबार हेटौडा ११ स्थित मामाघरमा आश्रित ५ जना भान्जाहरुले विमाेचन गरेका हुन ।
पुस्तक विमाेचन पछि पुस्तकका सम्पादक कवि निमेष निखिलले तिमल्सिनाका कविता र गजलहरु उत्कृष्ट रहेको बताए । जीवन भोगाईका सुखदुखकाे अवस्था र अनुभूतिको अभिव्यक्ति नै तिमल्सिनाको कविताको मूल भाव रहेको उनले बताए । प्रतिकुल समयसँग पौँठेजोरी खेल्ने हिम्मत र बाटो बिराएको राजनीतिले सहि बाटो पहिल्याउनु पर्छ भन्ने सन्देश उनको कविता तथा गजलमा समेटिएको निमेषकाे भनाई थियो।
पुस्तक विमाेचन कार्यक्रममा कवि आरसी रिजालले तिमल्सिनाको कविता तथा गजलहरुले वर्तमान मानिसहरुको भावनालाई बोलेको बताए । लामो समयदेखि विभिन्न पत्रपत्रिकामा आफ्ना रचनाहरु प्रकाशन गर्दै आईरहेका तिमल्सिनाले कृति प्रकाशन मार्फत समाजमा भएको समसामयिक विषयलाई उजागर गर्न खोजेको रिजालले जानकारी दिए । कार्यक्रम अनलाईन मिडिया एसोसियसन (ओमान) का अध्यक्ष धर्मेन्द्र दाहालले तिमल्सिनाको कविता तथा गजल संग्रहले मकवानपुरे साहित्यमा थप योगदान दिएको बताए । तिमल्सिनाकाे कविता तथा गजल मार्फत समाजमा ब्याप्त असन्तोष, राजनीतिक खिचातानीलाई ब्याङ्ग्यात्मक शैलीमा उजागर गर्न खोजेको दाहालकाे भनाई थियो ।
‘हार्न नसक्ने मान्छे म’ का सर्जक तिमल्सिनाले आफूले लामो समयदेखि साहित्यको क्षेत्रलाई नियालेको, विभिन्न सञ्चार माध्यममार्फत आफ्ना कविता, गजल सहितका साहित्यक विचारहरुलाई प्रस्तुत गर्ने गरेको बताए । “हार्न नसक्ने मान्छे म” पहिलो पुस्तक भएको भन्दै उनले आगामी दिनमा अन्य साहित्यिक कृतिको तयारी गरेको समेत बताए ।
मामाघर नेपालका सञ्चालक अर्पण पराजुलीको अध्यक्षतामा भएको पुस्तक विमाेचन कार्यक्रममा मकवानपुरका साहित्यकार, राजनैतिककर्मी तथा पत्रकारलगायतका उपस्थिति रहेकाे थियाे ।
