मकवानपुर । आजबाट छैठौं बागमती गोल्डकप राष्ट्रिय फुटबल प्रतियोगिताको हुदैछ । मकवानपुरकाे बागमती गाउँपालिका फापरबारी स्थित जनता माविको खेल मैदानमा हुने प्रतियोगिताको उद्घाटन खेलमा मोफसलको बागमती युथ क्लब सर्लाही र ए डिभिजनको मच्छिन्द्र फुटबल क्लब काठमाडौ भिड्ने भएका छन् ।
बागमती गाँउपालिकाकाे सहयोगमा खेलकुद विकास समिति बागमतीले प्रतियोगिताको आयोजना गर्नेछ । प्रतियाेगिताकाे सबै तयारी पूरा भएको आयोजकले जनाएको छ । प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिका अध्यक्ष टिकालाल श्रेष्ठले जानकारी दिए ।
जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौँ समुह “क” मा रहेका छन् । यस्तै नेपाल आर्मीकाे त्रिभुवन क्लब काठमाडाैं, हिमालयन शेर्पा क्लब काठमाडाैं, आयोजक बागमती खेलकुद विकास समिति, शसस्त्र प्रहरीकाे एपिएफ फुटबल क्लब काठमाडाैं, चर्च ब्वाईज युनाईटेड क्लव काठमाडौं समुह “ख” मा छन् ।
आज फागुन १ गतेबाट १० दिनसम्म संचालन हुने प्रतियोगिताको विजेता टिमले नगद १० लाख रुपैंया हात प्राप्त गर्नेछ भने उपविजेताले नगद ५ लाख रुपैंया प्राप्त गर्ने आयोजकले जनाएको छ । प्रतियोगितामा करिब ६९ लाख ६० हजार खर्च हुने अनुमान गरिएको छ । बागमती गाउँपालिकाले ३० लाख र प्रदेश खेलकुद परिषदबाट १५ लाख, राष्ट्रिय खेलकुद परिषदबाट ५ लाख प्राप्त हुने तथा अन्य खर्च प्रायोजक, विभिन्न व्यक्ति तथा संस्थाहरूबाट प्राप्त हुने अनुमान आयोजकले गरेकाे छ ।
बागमती गोल्डकपको पहिलाे संस्करणकाे उपाधि हरिहरपुरगढी सिन्धुलीले हात पारेकाे थियाे । दोस्रो संस्करणकाे उपाधि सरस्वती युवा क्लब काठमाडौंले जितेकाे थियो भने तेस्रो गोल्डकपको उपाधि जावलाखेल युवा क्लब ललितपुरले प्राप्त गरेको थियो । प्रतियोगिताको चौथो संस्करण उपाधि थ्री स्टार क्लबले हात पार्दा पाचौं संस्करणको उपाधीकाे विजेता भुट्निज युथ स्पोर्ट्स क्लव अमेरिका भएकाे थियो । यस संस्करणमा भने उक्त क्लबले सहभागिता जनाएको छैन ।
मकवानपुर । मकवानपुरकाे हेटौंडामा नवप्रवर्तन र उद्यमशीलताको प्रवर्द्धनकोलागि अन्तराष्ट्रिय सम्मेलन हुने भएकाे छ । हेटौंडा स्कुअफ म्यानेजमेन्टकाे मुख्य आयोजनामा आगामी फागुन ५ र ६ गते हेटौंडामा उक्त सम्मेलन हुने भएकाे हाे ।
म्यानेजमेन्टले बिभिन्न संघसंस्थाहरुको साझेदारीमा सम्मेलन गर्न लागिएको हेटौडामा सोमबार पत्रकार भेटघाट गरी जानकारी दिएको हाे । सम्मेलनमा सीप र पूर्वाधार ज्ञान अधिबृद्धी गर्न, मानव संसाधन क्षमता अभिबृद्धी गर्न, अन्तर क्षेत्र सहयोगको सहजीकरण गर्न सहयोग पुग्ने म्यानेजमेन्ट प्रमुख पुरन बहादुर जोशीले बताए । दुई दिन हुने सम्मेलनमा शुल्क तिरेर सहभागिता जनाउन पाइने बताइएकाे छ ।
सम्मेलनमा सरकारबाट नवप्रवर्तन र इन्क्युबेशन विकास गर्ने अपेक्षा गरिएको छ । त्यसैगरी वित्तिय सेवाहरुमा नविनता, आवश्यकता र सम्भावना, उद्यमशिलताको प्रवर्द्धनका लागि बित्तीय संस्थाहरुको भूमिका विषयमा जानकारी गराइने आयोजकले जनाएको छ । कार्यक्रममा बिभिन्न ५ देशका श्रोत व्यक्तिहरुसंगको छलफल तथा नेटवर्कको अवसर हुने छ । नेपालको उद्यमशिलता विकासमा लागेका २५ जना भन्दा बढी श्रोतव्यक्तिहरुसंगको छलफल तथा नेटवर्कको अवसर प्रदान गर्ने आयोजकले जनाएको छ ।
मकवानपुर । राष्ट्रिय मानव अधिकार आयोगको बागमती प्रदेश कार्यालयमा आर्थिक वर्ष २०७९/ ०८० मा ६६ वटा उजूरीहरु दर्ता भएका छन् । गत आर्थिक वर्षमा बक्यौता रहेका समेत ५९६ वटा उजूरी हाल कार्यालयमा विचाराधीन अवस्थामा रहेको छ ।
कार्यालयको निमित्त प्रमुख रेवा रेग्मीका अनुसार आर्थिक वर्ष २०७९/०८० मा आयोगमा ६७ वटा उजूरीहरुमा अनुसन्धान कार्य सम्पन्न भई अन्तिम निर्णयको लागि आयोगको केन्द्रीय कार्यालयमा पठाइएको छ ।
प्राप्त उजूरीहरुको प्रकृति हेर्दा जीवनको अधिकार, न्याय प्रशासन, शान्तिपूर्ण रुपमा भेला हुन पाउने तथा सभा सम्मेलन गर्न पाउने अधिकार, स्वास्थ्य, शिक्षा, रोजगारी, महिला अधिकार, घरेलु हिंसा, बाल अधिकार, अपाङ्गता भएका व्यक्तिहरुको अधिकार तथा जेष्ठ नागरिकको अधिकारलगायतका विषयसंग सम्बन्धित उजूरीहरु रहेका छन् ।
विगतमा यस कार्यालयमा सबैभन्दा बढी उजूरी बेपत्ता पार्ने व्यक्ति विरुद्धको अधिकार सम्बन्धी उजूरीहरु २१६ वटा, नागरिक तथा राजनीतिक अधिकार सम्बन्धी उजूरीहरु १२० वटा, आर्थिक सामाजिक तथा सांस्कृतिक अधिकार सम्बन्धी ४४ वटा, यातना विरुद्धको अधिकार सम्बन्धमा ३३ वटा उजूरी परेका थिए ।
जीवन, समानता, स्वतन्त्रता र मर्यादालाई मानव अधिकारको परिभाषामा समेटेर कार्य गर्दै आएको राष्ट्रिय मानव अधिकार आयोगले मानव अधिकारको सम्मान, संरक्षण र सम्बद्र्धन गर्दै त्यसको प्रभावकारी कार्यान्वयनलाई सुनिश्चितता प्रदान गर्दै आएको छ ।
यस बाहेक स्वतन्त्रता र सभा सम्मेलनको अधिकार, विभेद विरुद्धको अधिकार, कैदीबन्दीको अधिकार र स्वच्छ वातावरणको अधिकार हननलगायतका विषयहरु रहेका थिए । यस बाहेक आयोगले मानव अधिकार हनन् भएका विभिन्न घटनाहरुमा परामर्श सेवा पनि प्रदान गर्दै आएको रेग्मीले बताइन् ।
आयोगले आफ्नो क्षेत्राअधिकारभित्र नपर्ने उजूरीहरु उपर आवश्यक कारवाहीका लागि सम्बन्धित निकायमा पठाउने गरेको छ । यस आवमा यस कार्यालयले ११० वटा परामर्श सेवा उपलब्ध गराएको छ । यस आवमा यस कार्यालयबाट ३१ पटक मानव अधिकार अवस्था सम्बन्धमा अनुगमन गरिएको उनले बताइन् ।
आइतबार बागमती प्रदेश प्रमुख यादव चन्द्र शर्मालाई आयोगले आफ्नो प्रगती प्रतिवेद बुझाएको छ । नेपालको संविधान,२०७२ को धारा २९४ (३) बमोजिम राष्ट्रिय मानव अधिकार आयोग बागमती प्रदेश कार्यालयको वार्षिक प्रतिवेदन पेश गरेको हो ।
मकवानपुर । भैरव स्मृति सम्मान २०८० हास्यव्यङ्ग्यकार मीनप्रसाद लामिछानेलाई प्रदान गरिने भएको छ ।
२१ हजार 1 सय ११ रुपैयाँ राशीको उक्त सम्मानबाट मकवानपुरका हास्यव्यङ्ग्यकार लामिछानेलाई फागुन महिनामा सम्मानित गरिने साहित्य संगम मकवानपुरका अध्यक्ष डीबी बर्तौलाले जानकारी दिए ।
भैरव अर्यालका छाेरा दीपक अर्यालले उक्त सम्मानका लागि अक्षयकोष स्थापना गरेका छन् । शिक्षण पेशामा आवद्ध लामिछानेले हास्यव्यङ्ग्य कृति पनि प्रकाशन गरेका छन् ।
साहित्य संगम मकवानपुरले वरिष्ठ हास्यव्यङ्ग्यकार भैरव अर्यालको सम्झनामा हरेक वर्ष एकजना हास्यव्यङ्ग्य साहित्यमा कलम चलाउने साहित्यकारलाई सम्मान गर्ने गरेकाे छ ।
मकवानपुर । मकवानपुरको हेटौंडामा भएकाे ‘स्थानीय तह शहीद स्मृति अन्तराष्ट्रिय गोल्डकप’ काे उपाधी शसस्त्र प्रहरीकाे एपीएफ क्लबले हात पारेकाे छ । सडेन डेथमा २–१ गाेलले न्युराेड टिम (एनआरटी) लाई पाखा लगाउदै एपीएफले उपाधी हात पारेकाे हाे ।
उपाधीसँगै एपीएफले १५ लाख हात पारेकाे छ । उपविजेतामा चित्त बुझाएकाे एनआरटीलाई १० लाख नगद हात पार्याे । हेटौडा उपमहानगरपालिका ६ स्थित गौरीटार रंगशालामा शनिबार भएकाे छैटौं संस्करणकाे फाइनल खेलकाे निर्धारित समय गोलरहित बराबरी भए पछि खेल ट्राइबेकरमा धकेलिएकाे थियाे । ट्राइबेकरमा एनआरटीको लागि जय गुरुङ, प्रिसो, बिबेक गुरुङले गाेल गरेका थिए । यस्तै एपीएफकाे लागि एमसेट, कुलदिप कार्की र सुमन श्रेष्ठले गाेल गरे । एनआरटीका सरोज तामाङ र अभिषेक लिम्बुकाे प्रहार बाहिरिएकाे थियाे । यस्तै एपीएफका दिपेश धिमालकाे प्रहार क्रसबार लाग्दा, बुद्धिमान राईकाे प्रहार एनआरटीका गाेलरक्षक प्रिसाेले बचाएका थिए ।
ट्राइबेकरमा समेत ३–३ काे बराबरी भएपछि खेल सडनडेथमा पुगेकाे हाे । सडनडेथमा एनआरटीका मोहित गुरुङले गाेल गरे भने रणदिप कार्कीकाे प्रहार एपीएफका गाेलरक्षक एन्जल श्रेष्ठले बचाएका थिए । यस्तै एपीएफका मणि लामा र फोडे फोफनाले गाेल गरे । फाइनल खेलको म्यान अफ द म्याज एपीएफका गाेल रक्षक एन्जल श्रेष्ठ घोषित हुदै नगद १० हजार र ट्रफि हात पारे ।
खेलकाे उत्कृष्ट गाेलरक्षक एपीएफका एन्जल श्रेष्ठ,उत्कृष्ठ डिफेन्डर एपीएफकै कुलदिप कार्की भए । यस्तै उत्कृष्ट मिडफिल्डर एनआरटीका जय गुरुङ भए भने उत्कृष्ठ फरवार्डकाे उपाधी एनआरटी कै जाेन ग्लाेरीले हात पारे । प्रतियाेगिताकाे उत्कृष्ट प्रशिक्षककाे एपीएफका सुमन श्रेष्ठ घाेषित भए । विधागत उत्कृष्ट हुने खेलाडी तथा प्रशिक्षकले जनही २५ हजार रुपैयाँ प्राप्त गरे ।
त्यस्तै प्रतियोगिताको सर्वोत्कृष्ट खेलाडी घाेषित हुँदै एपीएफका अनिष महर्जनले १ थान बुलेट मोटरसाइकल प्राप्त गरे । यस प्रतियाेगितकाे बुलेट वाइइकाे प्रायाेजन स्व परशुराम स्मृति प्रतिष्ठानले प्रायाेजन गरेकाे हाे । प्रतियाेगिताकाे तेस्राे संस्करणबाट सर्वोत्कृष्ट खेलाडीलाई बुलेट माेटरसाइकल प्रदान गर्न थालिएकाे हाे । तेस्राे संस्करणमा पहिलो बुलेट मोटरसाइकल अमिर श्रेष्ठले प्राप्त गरेका थिए । चौथो संस्करणमा दोस्रो बुलेट मोटरसाइकल अशोक बरालले प्राप्त गरेका थिए । यस्तै पाचौ संस्करणमा तेस्रो बुलेट मोटरसाइकल दिप कार्कीले प्राप्त गरेका थिए ।
प्रतियोगितामा एक विदेशी क्लब, नेपालमा रहेका ८ वटा ए डिभिजन फुटबल क्लब, आयोजक टोली सहित मोफसलका तीन गरी १२ वटा टोेलीको सहभागिता रहेको थियाे । आयोजकका अनुसार प्रतियोगितामा ए डिभिजनका चर्च व्वाइज, संकटा, हिमालयन शेर्पा, त्रिभुवन आर्मी क्लब, नेपाल पुलिस क्लब, मच्छिन्द्र, मनाङ मर्स्याङदी र थ्रीस्टार क्लब सहभागी जनाएकाे हाे । यसैगरी प्रतियोगितामा भुटानको पारो एफसी, सर्लाहीको बागमती युथ क्लब र धनकुटाको राजारानी क्लब सहभागी थियाे । आयोजककाे तर्फबाट रिगल हेटौंडा रिसोर्टले सहभागी जनाएकाे थियाे । गत माघ १६ गते शहीद दिवसबाट सुरु प्रतियोगिता नकआउट चरणमा खेलाइएकाे हाे । साविक विजेता मनाङ मर्याङ्दी क्लब भने यो प्रतियाेगितामा सहभागी भएन ।
जिल्लाको १० वटै स्थानीय तहहरुको आर्थिक सहयोगमा मकवानपुर फुटबल संघले शहीद स्मृति गोल्डकप आयोजना गर्दै आएको छ । यस अघि विभिन्न प्रायोजकहरुको नाम राखेर सञ्चालन हुँदै आएको प्रतियोगिता २०७७ सालबाट स्थानीय तहबाट सहयोग प्राप्त भए पछि ‘स्थानीय तह शहीद स्मृति गोल्डकप’ नामाकरण गरी सञ्चालन हुँदै आएकाे छ। छैटौ संस्करणबाट बागमती प्रदेश खेलकुद विकास परिषद्, सामाजिक विकास मन्त्रालयले समेत प्रतियाेगितामा सहयाेग गरेकाे छ । २०६/०६३ को जनआन्दोलनका शहीदहरुको स्मृतिमा २०६४ सालमा हेटौंडामा पहिलो पटक राष्ट्रिय फुटबल प्रतियोगिताको आयोजना फुटबल संघले गरेको थियो ।
प्रतियाेगिताकाे पहिलो संस्करणको उपाधि थ्रिस्टार क्लबले हात पारेकाे थियो । २०७५ मा भएको दोस्रो संस्करणको उपाधि घरेलु टोली मकवानपुर–११ ले जितेको थियो । २०७७ काे तेस्राे र २०७८ को चौथाे संकस्करणकाे उपाधि त्रिभुवन आर्मी क्लबले जितेको थियो। २०७९ को पाँचौं संस्करणको उपाधि भने मनाङ मर्याङ्दीले जितेको हाे। फाइनलमा हिमालयन शेर्पालाई पराजित गर्दै एपीएफले उपाधि जितेको हो । प्रतियोगिताको पाचौं संस्करण हेटौंडा–५ स्थित पिप्ले क्याम्पा रंगशालामा आयोजना गरिएको थियो ।