मकवानपुर । छैठौंं संस्करणको बागमती गोल्डकप फुटबल प्रतियोगिता अन्तर्गत न्युरोड टिम (एनआरटी) सेमिफाइनलमा प्रवेश गरेको छ ।
मकवानपुरको बागमती गाउँपालिकाको जनता माविको खेल मैदानमा जारी खेलको पहिलो क्वाटरफाइनल खेलमा सिमराको नव जनजागृती युवा क्लबलाई १–० गोलले हराउँदै एनआरटी सेमिफाइनलमा प्रवेश गरेको हो ।
एनआरटीको जीतमा मोहित गुरुङले निर्णायक गोल गरे ।उनले खेलको पहिलो हाफको ३१ औं मिनेटमा फ्रिकिकमार्फत उत्कृष्ट गोल गरेका हुन् । खेलको म्यान अफ द म्याच गुरुङ घोषित भए । उनले १० हजार रुपैयाँ प्राप्त गरे । प्रतियोगितामा पहिलो पटक सहभागि जनाएको एनआरटी पहिलो प्रयासमै सेमिफाइनलमा प्रवेश गरेको हो ।
सेमिफाइनल प्रवेश गरेको एनआरटीले अब फाइनल प्रवेशका लागि ए डिभिजन क्बल जावलाखेल युथ क्लब र मछिन्द्र फुटबल क्लबबीचको विजेतासँग प्रतिस्पर्धा गर्नेछ । प्रतियोगिता अन्तर्गत दोस्रो क्वाटरफाइनल खेलमा शुक्रबार विभागीय टोली सशस्त्र प्रहरी बलको एपीएफ क्लब र चर्च ब्वाइज युनाइटेडसँग प्रतिस्पर्धा हुनेछ । विजयी टिमले सेमिफाइनलमा स्थान बनाउनेछन् ।
प्रतियोगिताको फाइनल खेल फाल्गुन १० गते हुनेछ । प्रतियोगिताको विजेता टोलीले १० लाख रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेता टिमले ५ लाख रुपैयाँ प्राप्त गर्नेछन् । यस्तै सर्वोत्कृष्ट खेलाडीले १ लाख १ हजार रुपैयाँ र अन्य विधागत उत्कृष्टले २५–२५ हजार रुपैयाँ प्राप्त गर्नेछन् ।
प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिले जनाएको छ ।
जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौं, नेपाल आर्मीको त्रिभुवन क्लब काठमाडौं, हिमालयन शेर्पा क्लब काठमाडौं, आयोजक बागमती खेलकुद विकास समिति, शसस्त्र प्रहरीको एपिएफ फुटबल क्लब काठमाडौं, चर्च ब्वाईज युनाईटेड क्लव काठमाडौंको सहभागिता रहेको छ । पाँचौं संस्करणको उपाधीको विजेता भुट्निज युथ स्पोर्ट्स क्लवले भने यो प्रतियोगितामा सहभागिता जनाएको छैन ।
मकवानपुर । मकवानपुर प्रहरीले लागूऔषधसहित हेटौंडाबाट एक जनालाई नियन्त्रणमा लिएकाे छ । प्रहरीले मकवानपुरको हेटौंडा उपमहानगरपालिका वडा नम्वर १५, रातोमाटेस्थित पुर्व–पश्चिम सडकखण्डबाट लागूऔषधसहित हेटौंडा १० बस्ने १९ वर्षीय असलम मिंयालाई नियन्त्रणमा लिएकाे हाे ।
मियालाई डाईजेपाम –१२ एम्पुल, फेनारगन –१२ एम्पुल, नुफिन–१२ एम्पुल गरी जम्मा ३६ एम्पुल लागूऔषधसहित प्रहरी चौकी रातोमाटेबाट खटिएको प्रहरी टोलीले पक्राउ गरेको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए । उनका अनुसार वीरगंजबाट हेटौंडातर्फ आउँदै गरेको बा.प्र.०३ –००१ ज ०३३३ नम्वरको ईलेक्ट्रिक गाडीमा सवार उनलाई शंका लागि चेकजाँच गर्दा पाईन्टको खल्ती भित्र लुकाई ल्याएकाे उक्त परिमाणको लागूऔषध बरामद गरी नियन्त्रणमा लिइएकाे हाे ।
आयोजक बागमतीसँग शेर्पा पराजित
Tags: No Comments
मकवानपुर । मकवानपुरकाे बागमती गाउँपालिकामा जारी छैठौं बागमती गोल्डकप राष्ट्रिय फुटबल प्रतियोगिताकाे दोस्राे खेलमा आयोजक बागमती खेलकुद विकास समिति विजयी भएको छ । हिमालय शेर्पालाई ट्राइबेकरमा ५–४ गाेल अन्तरले हराउदै बागमती विजयी भएकाे हाे ।
प्रतियाेगिताकाे दोस्राे दिनकाे खेलकाे निर्धारित समयमा बराबरी भएपछि खेल ट्राइबेकरमा धकेलिएकाे थियाे । खेलकाे पहिलाे हाफमा कुनै पनि गोल हुन सकेन । दोस्राे हाफकाे सुरुवाती मिनेटमा बागमतीका लतिल चौलागाईले गोल गर्दै अग्रता कायम गरेकाे थियाे । दोस्राे हाफकाे अतिरिक्त समयकाे ९२ औं मिनेटमा शेर्पाले प्राप्त गरेका पेनाल्टीलाई सुदीप श्रेष्ठले गोल गर्दै खेलमा बराबरीमा ल्याएका थिए ।
ट्राइबेकरमा हिमालयन शेर्पाकाे तर्फबाट दिवस उराउ, सत्यम शर्मा, धिरज र फाकुलेनेले गोल गर्दा सुदिप श्रेष्ठकाे प्रहार बागमीतका गोल रक्षक पवन आले मगरले बचाएका थिए । यस्तै बागमतीका लागि लतिल चौलागाई, प्रितम स्याङ्गबो, सामेल सुनार, रोशन दोङ्ग र अमर पाख्रिनकाे प्रहार गोलमा परिणत भएकाे थियाे ।
बागमती खेलकुद विकास समितिकाे आयोजनामा भएकाे प्रतियाेगितामा आजकाे खेलका म्यान अफ द म्याच बागमतीका ललित चौलागाईं भए । उनले नगर १० हजार प्राप्त गरे । बागमती गाउँपालिका फापरबारी स्थित जनता माविको खेल मैदानमा भइरहेकाे प्रतियाेगिता अन्तर्गत विहीबार न्युरोड टिम (एनआरटी) र नव जन जागृती क्लव सिमरा बारा बीच खेल हुनेछ । फागुन १० गतेसम्म संचालन हुने प्रतियोगिताको विजेता टिमले नगद १० लाख रुपैंया तथा उपविजेताले नगद ५ लाख रुपैंया प्राप्त गर्ने आयोजकले जनाएको छ ।
प्रतियोगितामा ७ वटा ए डिभिजन र तिन वटा मोफसलका गरी १० टिमको सहभागिता जनाएको बागमती गाउँपालिका खेलकुद विकास समितिले जनाएकाे छ । जावलाखेल युथ क्लव ललितपुर, बागमती युथ क्लब सर्लाही, मच्छिन्द्र फुटबल क्लब काठमाडौं, नव जन जागृती क्लव सिमरा बारा, एनआरटी फुटबल क्लव काठमाडौं, नेपाल आर्मीकाे त्रिभुवन क्लब काठमाडाैं, हिमालयन शेर्पा क्लब काठमाडाैं, आयोजक बागमती खेलकुद विकास समिति, शसस्त्र प्रहरीकाे एपिएफ फुटबल क्लब काठमाडाैं, चर्च ब्वाईज युनाईटेड क्लव काठमाडौंकाे सहभागिता रहेकाे छ । पाचौं संस्करणको उपाधीकाे विजेता भुट्निज युथ स्पोर्ट्स क्लवले भने याे प्रतियाेगितामा सहभागिता जनाएको छैन ।
मकवानपुर । मकवानपुरकाे हेटाैंडामा रहेकाे ब्रह्मकुमारी राजयोग सेवा केन्द्रले एकै पटक ६ जना न्यायधीशहरु र रजिष्ट्रारलाई सम्मानित गरेकाे छ ।
सरस्वती पूजाकाे अवसरमा उच्च अदालत पाटन हेटाैंडा इजलाशमा कार्यरत मुख्य न्यायधीश यमुना भट्टराइ सहित ६ न्यायधीश र रजिष्ट्रारलाई केन्द्रले सम्मानित गरेकाे हाे । केन्द्रले न्यायधीशहरु शान्ता सेडाई, सकुन्तला घिमिरे, मिना गाैतम, निर्मला शाक्य, सानुमैया डङ्गाेल र रजिष्ट्रार राम पियारी सुनुवारलाई सम्मानित गरेकाे हाे ।
स्वागत तथा सम्मान कार्यक्रमसँगै बरिष्ठ राजयाेग प्रशिक्षक राजु घलेले जीवनपयाेगी शिक्षाकाे बारेमा जानकारी गराएका थिए । ‘नारी शक्ति अघि बढेपछी नै धरती परिवर्तन संभव छ’ राजयाेग घलेले भने ‘हामी कुनै धर्मकाे प्रचार गर्दैनाै आध्यात्मकाे कुरा गर्छाै धर्ममा केही न केही दायरा हुन्छ, आध्यात्ममा त्यो दायरा छैन, केन्द्र सबै उमेर, जात लिङ्गलाई समान शिक्षा दिने थलो हाे’ घलेले भने । धर्मलाई मान्ने तर धर्मले सिकाएको कुरा धारणा नगर्ने गर्दा समाजका द्वन्द्व रहेकाे उनले बताए ।
ब्रह्मकुमारी राजयाेग सेवा केन्द्र नारी शक्तिद्वारा सञ्चालित विश्वको ठूलो संस्था भएकाे उनले बताए । शास्त्रले पनि नारी शक्तिलाई उच्चस्थानमा राखेकाे स्मरण गराउँदै उनले भने ‘जहाँ नारीहरुकाे नेतृत्व हुन्छ त्यहाँकाे संस्कार नै उच्च हुन्छ ।’
कार्यक्रममा उच्च अदालत पाटल हेटाैंडा इजलाशमा कार्यरत मुख्य न्यायधीश यमुना भट्टराइले आध्यात्म पनि जीवनकाे महत्वपूर्ण पाटाे भएकाे बताइन् । मान्छेमा आध्यात्मकाे ज्ञान रह्याे भने आफ्नाे जिम्मेवारीमा इमान्दारीता रहने भट्टराइले बताइन् । ‘सबैमा इमान्दारीता रह्याे भने मान्छेले खराब कर्म नै गर्दैन समाज सहज र सद्भावपूर्ण बन्नेछ’ उनले भनिन् । सबैमा आध्यात्मकाे ज्ञान भयाे भने देश समृद्विकाे बाटाेमा अघि बढ्ने उनले बताइन् ।

अदालतमा नारी शक्तिकाे नेतृत्व रहनुले न्याय सम्पादनमा अपेक्षा बढेकाे उनले बताए । ब्रमकुमारी राजयोग सेवा केन्द्र सयुक्त राष्ट्रसंघमा रेकर्ड भएकाे विश्वको ठूलो आध्यात्मिक संस्था हाे ।
केन्द्रकाे क्षेत्रिय सञ्चालिका शुशिला दिदिकाे अध्यक्षतामा भएकाे कार्यक्रममा मकवानपुर जिल्लाका नापि अधिकारी खेम रानालगायतकाे उपस्थिति प्रशिक्षक मणी सुवेदीले बताए ।
मकवानपुर । हेटाैंडा उपमहानगरपालिका १५ नं वडाले वडा स्तरीय खेलकुद विकास समितिका पदाधिकारीलाई सपथ तथा सम्मान गरेकाे छ ।
वडा कार्यालयले समितिका अध्यक्षलगायत १५ जना पदाधिकारीहरुलाई पद तथा गाेपनियताकाे सपथ गराउँदै सम्मान समेत गरेकाे वडा अध्यक्ष सुनिल माेक्तानले बताए । गोबिन्द नेगीकाे अध्यक्षतामा गठित १९ मध्ये १५ सदस्यलाई वडा अध्यक्ष माेक्ताने सपथ ग्रहण गराउँदै सम्मान गरेका हुन् । समितिकाे सदस्यहरूमा महेश दोङ, कर्ण सिं लामा, करण श्रेष्ठ, रेश्मि मोक्तान, विशाल थिङ, सन्तोष कुमार भोम्जन, श्याम थिङ, आईजित कुमार भम्जन, युवराज लो, मंगल बहादुर थिङ, उज्वल वाइबा, ऋषि मोक्तान, पुकार मोक्तान, सदस्य सचिव शान्ति लामालाई सपथ सहित सम्मान गरिएकाे हाे । सपथ ग्रहण कार्यक्रममा सदस्यहरु बिकल भोलन, मिठु पाख्रीन, बिरोध थिङ, उमेश स्याङ्बो अनुपस्थित भए ।
२०८० पुस २० गते बसेकाे वडा समितिको बैठकले उक्त समितिकाे निर्माण गर्ने निर्णय गरेकाे सदस्य सचिव शान्ति लामाले बताइन् । कार्यक्रममा वडा अध्यक्ष माेक्तानले वडामा गठित खेलकुद विकास समितिले समन्वयात्मक रुपमा अघि बढ्ने र खेलकुद क्षेत्रकाे समग्र विकासमा अग्रसर हुने बताए ।

‘अब यही समितिले वडालाई खेलमय बनाउनुपर्छ, राष्ट्रिय स्तरको खेलाडी उत्पादन गर्नुपर्छ’ उनले भने ‘यहाँ संभावना धेरै छन् चुनौती पनि होलान् तर हातेमालाे गरेर सफलतामा पुग्न सकिन्छ ।’ वडा स्तरीय याे समितिले सबै खेललाई समान महत्त्वका साथ लिएर अघि बढ्न उनले निर्देशन दिएका छन् ।’ ‘विधिवत ढंगले सबै खेललाई वडा र टोलटोलमा जिवित राखौ, अन्तर वडा स्तरीय अध्यक्ष कप फुटबलकाे तयारी आजैबाट थाल्नुस्’ उनले भने । खेलकाे पाटाेमा उत्कृष्ट वडा बनाउन निर्देशन दिंदै उनले भने ‘मिलेर सबै खेललाई जगेर्ना गरौं, बजेटको व्यवस्था हुन्छ,खेल र पारदर्शीतालाई ध्यान दिनुस्, विश्वमा मकवानपुर र बागमती प्रदेश जिताउनहाेस् शुभकामना ।’
यसैगरी पुर्व गाबिस अध्यक्ष प्रेम बहादुर भोम्जनले याे समितिबाट खेलक्षत्रको विधिवत विकास हुनेछ अपेक्षा गरेकाे बताए ।कार्यक्रममा वडा सदस्यहरू पातली माया गोंवा, मिनु बिश्वकर्मा, वडा सचिव कृष्णबहादुर क्षेत्री, टोल विकास संस्थाका सिंहबहादुर बिश्वकर्मा,वनदेबी आधारभुत विद्यालय प्रअ जयप्रसाद पोखरेल, जनजागृती माध्यामिक विद्यालयका प्रअ केशव संजेललगायतकाे उपस्थिति रहेकाे थियाे ।
