मकवानपुर । सिस्नुपानी नेपाल मकवानपुरले २ जना स्रष्टालाई सम्मान गरकाे छ । सिस्नुपानी नेपालकाे स्थापना दिवसमा बैशाख १९ गते बुधबार सिस्नुपानी मकवानपुरले दाङका उत्तमकृष्ण मजगैयाँ र मोरङका अनिल पौडेललाई सम्मान गरेकाे हाे ।
सिस्नुपानी नेपाल मकवानपुरका पूर्व अध्यक्ष डा.गणेशकुमार पौडेल स्मृति हास्यव्यङ्ग्य सम्मान २०८० बाट दाङका मजगैयाँलाई सम्मान गरिएकाे सिस्नुपानी नेपाल मकवानपुरका अध्यक्ष राजकुमार लामिछाने जानकारी दिए । उक्त सम्मानकाे राशी २५ हजार १ सय रुपैया रहेकाे छ । यसैगरी मकवानपुरे हास्यव्यङ्यकार आरसी रिजालले स्थापना गरेकाे आरसी रिजाल हास्यव्यङ्ग्य सम्मान २०८० मोरङका पौडेललाई प्रदान गरिएकाे हाे । उक्त सम्मानकाे राशी १५ हजार रुपैया रहेकाे लामिछानेले जानकारी दिए ।
सम्मानित दुवै स्रष्ट्रालाई प्रमुख अतिथि सिस्नुपानी नेपालका अध्यक्ष लक्ष्मण गाम्नागेले पुरस्कारसहित सम्मानित गरेका हुन् । स्थापना दिवसकाेअवसरमा सिस्नुपानी नेपालले आयोजना गरेकाे हास्यव्यङ्ग्य रचना वाचन कार्यक्रममा हास्यव्यङ्य रचना तथा प्यारोडी गीत प्रस्तुत भएकाे थियाे ।
संस्थाका अध्यक्ष राजकुमार लामिछानेको सभाध्यक्षतामा भएको कार्यक्रममा हेटौँडा उपमहानगरपालिका वडा नम्बर ४ का अध्यक्ष नवीन सिग्देल, नेपाल लेखक संघका केन्द्रीय सदस्य ह्यग्रिव आचार्य, सर्जक सञ्जाल मकवानपुरका संयोजक निमेष निखिल कवि शान्ति प्रिय वन्दनालगायतकाकाे उपस्थिति रहेको थियो ।
मकवानपुर । नेपाल आयल निगमले डिजेल र मट्टितेलको मूल्य घटाएको छ । मंगलबार बसेको निगम सञ्चालक समितिको बैठकले डिजेल र मट्टितेलको मूल्य प्रतिलिटर २ रुपैयाँले घटाएकाे हाे ।
डिजेल र मट्टितेलको मुल्य घटाएकाे निगमले हवाई इन्धनकाे मुल्य भने बढाएको छ । हवाई इन्धनमा आन्तरिकतर्फ प्रतिलिटर एक रुपैयाँ र अन्तर्राष्ट्रियतर्फ प्रतिकिलो लिटर अमेरिकी डलर ७ (सात) ले बढाएकाे निगमले जनाएकाे छ । नयाँ मूल्य सूची बुधबार बिहान १ बजेदेखि लागू हुने निगमले जनाएको छ । निगमका अनुसार पेट्रोल र एल. पि. ग्यासको बिक्री मूल्य यावत रहेको छ ।
इण्डियन आयल कर्पोरेशनबाट मंगलबार पेट्रोल र डिजेलको मूल्यमा घटेर तथा हवाई इन्धनको मूल्य बढेर आएकोले मूल्य समायाेजन गरिएकाे निगमले प्रकाशन गरेकाे विज्ञप्तीमा उल्लेख छ ।

मकवानपुर । मकवानपुर प्रहरीले अमेरिकन डलर देखाएर नेपाली रुपैँया ठगी गर्ने १ जना र भारतमा काम लगाइने दिने भन्दै ठगी गरेकाे आरोपमा १ जना गरी २ जनालाई पक्राउ गरेको छ ।
अमेरिकन डलर देखाएर नेपाली रुपैँया ठगी गर्ने सिन्धुपाल्चोक बाह्रबिसे नगरपालिका वडा नं. ३ बस्ने ३५ वर्षीय डिल बहादुर भण्डारी र भारतमा काम लगाइदिने भन्दै ठगी गरेको आरोपमा बझाङको छबिसपाथीभेरा गाउँपालिका-४ का सन्तोष थापालाई प्रहरीले पक्राउ गरेकाे हाे ।
जिल्ला प्रहरी कार्यालय मकवापनुरका अनुसार मंगलबार रौतहट गुजरा नगरपालिका–२ घर भई हाल भरतपुर महानगरपालिका–१० नारायणघाट बस्ने बर्ष ३८ को खेमराज पौडेललाई भण्डारीले आफूसित भएकाे ४१ हजार ५० रुपैयामा साट्नु पर्यो भन्दै हेटौंडा उपमहानगरपालिका–१२ आल्दमारस्थित भाईरल पुलमा बोलाएका थिए ।
जिल्ला प्रहरी कार्यालय मकवानपुरबाट खटिएको टोलीले भण्डारीलाई रितपुर्वक खानतलासी गर्दा उनको साथबाट अमेरिकन डलर ५० को ९ थान, नेपाली २० को ५८० थान, मोबाईल ४ थान, बागमती प्रदेश ०२–०४९ प ३१२५ नम्बरको मोटरसाइकल बरामद गरिएको प्रहरीले जनाएको छ ।
उक्त डलर, नेपाली रुपैया, मोटरसाइकल सहित भण्डारीलाई नियन्त्रणमा लिएर ठगि उद्योग कसुरमा मकवानपुर जिल्ला अदालतबाट ५दिनको म्याद अनुमति लिएर थप अनुसन्धान कार्य भईरहेको प्रहरीले जनाएको छ ।
यसैगरी भारतमा काम लगाइने भन्दै ठगी गरेको आरोपमा प्रहरीले सन्तोष थापालाई पक्राउ गरेकाे छ । थापालाई विभिन्न मितिमा भारतमा राम्रो आम्दानी हुने प्रलोभन देखाउँदै ठगी गरेको आरोपमा पक्राउ गरिएको जिल्ला प्रहरी कार्यालय मकवानपुरले जनाएको छ।
२५ वर्षीय थापा भारतमा राम्रो आम्दानी हुने काम लगाइदिन्छु भन्दै मकवानपुरको बकैया गाउँपालिका-५ का वर्ष २६ का सुरेश थिङसँग २ लाख ४ हजार २८९ र चितवनको राप्ती नगरपालिका-४ भण्डाराका वर्ष २९ का रोशन घिमिरेसँग ९२ हजार गरी ३ लाख ९६ हजार २८९ रुपियाँ लिई भारतको मुजफ्फरपुरमा लगेर भने बमोजिमको काममा नलगाई भागेका थिए।
सन्तोषलाई हेटौंडा उपमहानगरपालिका वडा नम्बर १० स्थित बसपार्कबाट पक्राउ गरिएकाे प्रहरीले जनाएकाे छ । उनलाई मकवानपुर जिल्ला अदालत हेटौंडाबाट ८ दिनको म्याद अनुमति लिई थप अनुसन्धान कार्य भइरहेको प्रहरीले जनाएको छ।
भीम विराग कला प्रतिष्ठानले ११ जना स्रष्ट्रालाई पुरस्कृत गर्ने
Tags: No Comments
मकवानपुर । भीम विराग सङगीत साहित्य कला प्रतिष्ठान नेपाल मकवानपुरले ११ जना स्रष्ट्रालाई पुरस्कृत गर्ने भएकाे छ । प्रतिष्ठानले बैशाख २२ गते शनिबार हेटौडामा सांगितिक तथा साहित्यिक कार्यक्रम गर्दै एउटै मन्चबाट ११ जनालाई पुरस्कृत गर्ने भएको हाे ।
मंगलबार प्रतिष्ठानले पत्रकार भेटघाट गर्दै पुरस्कारकाे जानकारी गराएकाे हाे । भीम विराग सक्रिय रहेका साहित्य, सङ्गीत, कला र पत्रकारिता चारवटा क्षेत्रमा हेटौंडा उपमहानगरपालिकाको सहयाेगमा ४ वटा पुरस्कारकाे स्थापना भएकाे प्रतिष्ठानका अध्यक्ष केशवलाल श्रेष्ठले जानकारी दिए । उनका अनुसार उपमहानगरपालिकाकाे आर्थिक सहयाेगमा स्थापना गरिएकाे भीम विराग राष्ट्रिय साहित्य पुरस्कार, २०८० कुन्ता शर्मा (सुनसरी) लाई, भीम विराग राष्ट्रिय सङ्गीत पुरस्कार, २०८० लाल श्रेष्ठ (मकवानपुर) लाई, भीम विराग राष्ट्रिय कला पुरस्कार, २०८० बी.एस. राना (मकवानपुर) र भीम विराग राष्ट्रिय पत्रकारिता पुरस्कार, २०८० जयदेव भट्टराई (ललितपुर) लाई प्रदान गरिने छ । उक्त ४ वटै पुरस्कारको राशी जनही २५ हजार रुपैयाँ रहेको छ ।
प्रतिष्ठानले विगत वर्षहरूदेखि नै भाषा, कला, सङ्गीत तथा विभिन्न सामाजिक क्षेत्रमा क्रियाशील व्यक्तित्वहरूलाई निरन्तर समर्पण गर्दै आइरहेका अन्य पुरस्कार ७ पुरस्कार समेत शनिबार नै प्रदान गरिनेछ । प्रतिष्ठानले तुलसीमाया शिवकुमारी सृजनशील नारी पुरस्कार, २०८० मञ्जु खराल, (मकवानपुर) लाई प्रदान गरिने भएकाे छ । मुक्तिगोविन्द वैद्यले स्थापना गरेकाे उक्त पुरस्कारकाे राशी १५ हजार रुपैया रहेकाे छ । यसैगरी भीम – मथुरा बाल प्रतिभा पुरस्कार, २०८० ईशान्तकुमार मिश्र (मकवानपुर) लाई प्रदान गरिने भएकाे छ । पुरस्कार संस्थापन विन्दुगोपाल गोर्खाली रहेकाे उक्त पुरस्कारकाे राशी ७ हजार ५ सय रहेकाे छ ।
यस्तै शिला नारी पुरस्कार, २०८० निरु मगर (मकवानपुर) लाई प्रदान गरिने छ । पुरस्कारकाे राशी १५ हजार रहेकाे उक्त पुरस्कारका संस्थापक आशीष श्रेष्ठ रहेकाे छन् । रामकृष्ण बानियाँ स्मृति लोक सङ्गीत पुरस्कार, २०८० (साविक विजय बानियाँ स्मृति लोक सङ्गीत पुरस्कार) पम्फा थापा मगर (मकवानपुर) लाई प्रदान गरिने जानकारी दिइएकाे छ । संस्थापक चुन बानियाँ रहेकाे उक्त पुरस्कार राशी २० हजार रहेकाे छ । यसैगरी चिनुकुमारी लामा स्मृति साहित्य पुरस्कार, २०८० आर.आर. चौलागाईं (मकवानपुर) लाई प्रदान गरिने भएकाे छ । पुरस्कार संस्थापक रामबहादुर पाख्रिन रहेका छन् । उक्त पुरस्कारकाे राशी १५ हजार रहेकाे छ ।
यसैगरी १० हजार राशी रहेकाे मंगलादेवी स्मृति स्वास्थ्य सेवा पुरस्कार, २०८० सिमा मिश्र (मकवानपुर) लाई प्रदान गरिने भएकाे छ । उक्त पुरस्कारकाे संस्थापक देवप्रसाद श्रेष्ठ र दीपकप्रसाद श्रेष्ठ हुन् । यस्तै १० हजार राशी रहेकाे अजित सेन गुप्ता भिन्न क्षमता पुरस्कार, २०८० अन्जु धिताल (बारा) लाई प्रादन गरिने भएकाे छ । उक्त पुरस्कारका संस्थापक रोशन सेन गुप्ता रहेका छन् ।
वरिष्ठ कलासाधक भीम विरागको सम्मानमा २०५९ साल भाद्र ७ गते स्थापना भएको भीम विराग सङ्गीत साहित्य कला प्रतिष्ठान नेपाल’ नेपाली सङ्गीत, साहित्य र कला क्षेत्रमा क्रियाशील संस्था रहेकाे महासचिव छवि अनित्य बताए । देश तथा विदेशमा रही नेपाली वाङ्मयको क्षेत्रमा उल्लेखनीय योगदान पुर्याउँदै आएका सर्जक, स्रष्टाहरूलाई सम्मानित एवम् पुरस्कृत गर्दै उनले बताए । संस्थाले मकवानपुरबाट वार्षिक रुपमा विभिन्न राष्ट्रिय तथा अन्तर्राष्ट्रिय पुरस्कार तथा सम्मान समर्पण गर्दै आइरहेको उनले जानकारी दिए ।
मकवानपुर । मकवानपुरकाे हेटौंडा उपमहानगरपालिका वडा नम्बर ७ मा प्रथम नागस्वती स्थानीय कृषि उत्पादन तथा संस्कृति प्रर्वद्धन मेला हुने भएको छ । हेटौडा ७ काे नागस्वती युथ क्लबको आयोजनामा हुने मेला वैशाख १९ देखि ३० गतेसम्म सञ्चालन हुनेछ ।
साेमबार हेटौडामा पत्रकार भेटघाट गर्दै सम्मेलनकाे जानकारी नागस्वती युथ क्लवका अध्यक्ष अमर गुरुङले दिए । स्थानीय संस्कृति प्रवर्द्धन तथा कृषि प्रदर्शनी गर्ने उद्देश्यले मेलाको आयोजना गर्न लागेको आयोजकले जनाएको छ । ‘मेलामा मकवानपुर जिल्लामा उत्पादन भएका विभिन्न कृषि प्रदर्शनीहरू राखिने छ गुरुङ्गले भने ‘स्थानीय कृषकहरूलाई प्रोत्साहन गर्नका लागि विशेष कार्यक्रम समेत मेलामा समावेश गरिने छ ।’
यसैगरी, मेलामा स्थानीय संस्कृतिसँग सम्बन्धित विभिन्न कला, सङ्गीत तथा नाच प्रस्तुतिहरू हुने छन्। राष्ट्रिय तथा स्थानीय स्तरका चर्चित कलाकार धुर्मुस सुन्तली, प्रताप दास, पृति आले, शान्ति श्री परियार, प्रमोद खरेल लगायतको प्रस्तुति रहने आयोजकले जनाएकाे छ । मेलामा बाल उद्यानसहित खाना तथा खाजाका स्टल रहने र मेला अवधीभर स्थानीय तथा राष्ट्रिय कलाकारहरुको प्रस्तति हुने अध्यक्ष गुरुङले बताए ।
मेलामा व्यापारीक स्टलहरु ५० वटा र अन्य स्टल १५ वटा रहने छन् । सुरुवातकाे २ दिन निशुल्क प्रवेशकाे व्यवस्था मिलाइएकाे मेलामा २१ गतेबाट टिकटकाे व्यवस्था गरिएकाे उनले जानकारी दिए । स्थानीय कृषि उत्पादनलाई प्राथमिकता दिई प्रदर्शनीमा राखिने मेला अवधीमा ५० लाख रुपैंया खर्च हुने तथा मेला अवधिभर १ लाख दर्शकले अवलोकन गर्ने आयोजकले अनुमान गरेकाे छ ।