मकवानपुर । पछिल्लाे समय काेराेना संक्रमण पुष्टि हुने भन्दा संक्रमण मुक्त हुनेकाे संख्या बढ्दै गएकाे छ । देशैभर काेराेना मुक्तहुने काे संख्या बढिरहेकाे छ । मकवानपुर जिल्लामा पनि पछिल्ला दिनहरूमा कोरोना पुष्टि हुनेकाे अनुपातमा संक्रमण मुक्त हुनेकाे संख्या बढ्दै गएको छ ।
मकवानपुरमा शुक्रबार थप १ सय ९० जना काेराेना संक्रमणमुक्त भएका छन् । मकवानपुरमा आज होम आइसोलेसनबाट १ सय ८३ जना र संस्थागत आइसोलेसनबाट ७ जना गरी १ सय ९० जना कोरोन संक्रमण मुक्त भएका हुन् ।
कोरोना मुक्त हुनेमा निको हुनेमा हेटौंडा उपमहानगरपालिका १ सय ४६ जना थाहा नगरपालिका र मनहरी गाँउपालिकाका १२/१२ जना, मकवानपुगढी गाँउपालिका र कैलाश गाँउपालिकाका ८/८ जना, भीमफेदी गाँउपालिकाका २ जना, बकैया र राक्सिराङ गाँउपालिकाका १/१ जना कोरोना निको भएका छन् । यो संगै मकवानपुरमा कोरोना निको हुनेको संख्या ६ हजार ७७ पुगेको छ ।
मकवानपुरमा थप ४५ जनामा काेराेना भाइरस संक्रमण पुष्टि
यसैगरी शुक्रबार मकवानपुरमा थप ४५ जनामा काेराेना भाइरस संक्रमण पुष्टि भएकाे छ । पिसिआर परीक्षणमा ३० जना र एन्टीजेन परीक्षणमा १५ जना गरी थप ४५ जनामा कोरोना पुष्टि भएको छ स्वास्थ्य कार्यलय मकवानपुरले जनाएको छ ।
आज कोरोना पुष्टि हुनेमा ३३ जना हेटौंडा उपमहानगरपालिका भित्रका रहेका छन् । ६ जना थाहा नगरपालिकाका, ५ जना मनहरी गाँउपालिकाका र १ जना कैलाश गाउँपालिकाका रहेका छन् । यो संगै मकवानपुरमा कोरोना पुष्टि हुनेको संख्या ८ हजार ४ सय ६० पुगेको छ ।
यसैगरी पछिल्लो २४ घण्टामा कोरोनाबाट मकवानपुरमा थप २ जनाको मृत्यु भएको छ । मृत्यु हुने दुबैजना हेटौंडा उपमहानगरपालिकाका रहेको स्वास्थ्य कार्यलय मकवानपुरले जनाएको छ । यो संगै मकवानपुरमा कोरोनाबाट मृत्यु हुनेको संख्या ८७ पुगेको छ ।
जिल्लामा हाल सक्रिय संक्रमितको संख्या २ हजार २ सय ९६ जना रहेका छन् । जसमा २ हजार १ सय ७५ जना घरमा र १ सय २१ जना आइसोलेसनमा रहेका छन् ।
मकवानपुर । नेपालमा पछिल्लो २४ घण्टामा थप ७ हजार २ सय २६ जना कोरोना भाइरस संक्रमणमुक्त भएका छन्।
स्वास्थ्य तथा जनसंख्या मन्त्रालयका पछिल्लाे २४ घण्टामा थप ६ हजार ९ सय ३९ जना नयाँ संक्रमित थपिएका छन् । २० हजार ४ सय १४ पीसीआर परीक्षणमा ६ हजार ७ सय ३१ र ५ सय ७८ एन्टिजेन परीक्षणमा २ सय ८ जना नयाँ संक्रमित थपिएका छन् ।
योसँगै नेपालमा कोरोना भाइरस संक्रमितको कुल संख्या ५ लाख ४२ हजार २ सय ५६ पुगेको छ । जसमध्ये १ लाख १६ हजार ४ सय ७६ जना सक्रिय संक्रमित रहेका स्वास्थ्य मन्त्रालयले जानकारी दिएकाे छ ।
पछिल्लो २४ घण्टामा कोरोना भाइरस संक्रमणका कारण १ सय ६ जनाको मृत्यु भएको मन्त्रालयले जनाएको छ । योसँगै नेपालमा कोरोना भाइरस संक्रमणका कारण मृत्यु हुनेको संख्या ६ हजार ९ सय ५१ पुगेको छ ।
मकवानपुरमा १ सय ९९ जना कोरोना मुक्त
पछिल्लो २४ घण्टामा मकवानपुरमा थप १ सय १९ जना काेराेना संक्रमण मुक्त भएका छन् । होम आइसोलेसनबाट १ सय ८२ र आइसोलेसनबाट १८ जना कोरोना संक्रमण मुक्त भएका हुन् । यो संगै मकवानपुरमा कोरोना संक्रमण मुक्त हुनेकाे संख्या ५ हजार ६ सय ८१ जना पुगेको स्वास्थ्य कार्यालयले जनाएकाे छ ।
यस्तै पछिल्लो २४ घण्टामा ३ सय १५ पीसीआर र एन्टीजेन विधिबाट परीक्षण गर्दा जिल्लामा थप १ सय ५१ जनामा कोरोना पुष्टि भएको कार्यालयले जानकारी दिएकाे हाे । यो संगै मकवानपुरमा हालसम्म कोरोना पुष्टि हुनेको संख्या ८ हजार २ सय १३ पुगेको छ । जिल्लामा अहिलेसम्म २ हजार ४ सय ४४ जना सक्रिय संक्रमित छन् । हालसम्म जिल्लामा कोरोना पुष्टि भएका ८४ जनाको मृत्यु भएकाे छ ।
२ जनाकाे मृत्यु
विहीबार मकवानपुरमा कोरोना भाइरस संक्रमण पुष्टि भएका हेटौंडा अस्पतालमा १ पुरुष र मनहरी कोभिड अस्पतालमा १ महिला गरी २ जनाको मृत्यु भएको छ ।
मदन भण्डारी स्वास्थ्य विज्ञान प्रतिष्ठान हेटौंडा अस्पतालमा उपचाररत बाराको निजगढ नगरपालिका वडा नम्बर–९ बस्ने ४९ वर्षका पुरुषको विहान ७ बजे निधन भएको अस्पतालका कोभिड इन्चार्ज डा. सागर काफ्लेले जानकारी दिए ।
त्यस्तै मनहरीको कोभिड अस्पतालमा मनहरी गाउँपालिका वडा नम्बर–७ रमन्टारकी ५० वर्षकी महिलाको मृत्यु भएको गाउँपालिका अध्यक्ष एकराज उप्रेतीले बताए ।
मकवानपुर । नियमित ओपीडी सेवा नै बन्द गरेर काेराेना संक्रमितको उपचारमा केन्द्रित गरिएको हेटौंडा अस्पतालले आजबाट ओपीडी सेवा सुरु गर्दै छ ।
हेटौंडा अस्पतालका निमित्त मेडीकल सुपरिटेण्डेन्ट डा. रामचन्द्र सापकोटाका अनुसार आज विहीबारबाट अस्पतालले नियमित सेवा सुरु गर्न लागेको हो । डा. सापकोटाका अनुसार अब साताको २/२ दिन फरक फरक रोग परीक्षण हुने गरी ओपीडी सञ्चालन गरिनेछ । बाल स्वास्थ्य, स्त्री तथा प्रजनन् स्वास्थ्य, हाडजोर्नी, जनरल मेडिसिन लगायत अस्पतालबाट प्रदान गरिने सेवामध्ये साताको २ दिनका दरले हरेक सेवाको ओपीडी सेवा सञ्चालन हुनेछ ।
जिल्लाकै ठूलो सरकारी अस्पतालमा ओपीडी सेवा बन्द हुँदा दैनिक सयौं सर्वसाधारण स्वास्थ्य उपचारबाट बञ्चित हुनु परेको थियो । कोरोना भाइरसको महामारीपछी नियमित स्वास्थ्य जाँच गर्नुपर्नेहरुलाई समस्या हुँदै आएको थियो । हेटोंडा अस्पतालमा समान्य अवस्थामा औषत ४ सय जनाले ओपीडी सेवा लिने गरेका थिए । निजी अस्पतालमा ओपीडी सञ्चालन भइरहने तर सरकारीमा ओपीडी बन्द हुँदा सर्वसाधारणमा आर्थिक भार समेत पर्दै आएको थियो ।
हेटौंडा अस्पतालका केही चिकित्सक कोभिड वार्डमा पनि खटिने भएकाले कोभिड वार्डमा नखटिने चिकित्सकलाई प्राथमिकतामा राखेर ओपीडी सेवा सञ्चालन गरिने डा. सापकोटाले बताए । आपतकालीन अवस्थामा कोभिड वार्डमा खटेका चिकित्सकले पनि स्वास्थ्य सुरक्षाका मापदण्ड अपनाएर ओपीडी सेवा प्रदान गर्न सक्ने व्यवस्था मिलाइने अस्पतालले जनाएको छ ।
काेराेना संक्रमितकाे चाप धान्य नसकेकाेले अस्पतालले गत बैशाख २० गतेबाट अर्काे सूचना नभएसम्मकाे लागि ओपिडि सेवा बन्द गरी काेराेना संक्रमितकाे लागि थप वेडकाे व्यवस्था गरी उपचार गर्दै आएकाे थियाे ।

मकवानपुर/स्वास्थ्योपचारमा आर्थिक समस्या भएपछी सहयोगको याचना गर्दै उपचार पर्खि बसेका दिनेश दाहाल थप उपचारको लागि अस्पताल पुगेका छन् । उनी थप उपचारको लागि बुधबार काठमाडौं स्थित राजधानी हस्पिटल पुगेका हुन् ।
हेटौंडा उपमहानगरपालिका–३ बसामाडी निवासी ४३ वर्षीय दिनेश दाहाल २ वर्षदेखि लिभर शिरोसिसबाट पीडित थिए । उपचारको लागि आर्थिक जोहो गर्न नसकेपछि उनीले सहयोगको याचना गरेका थिए । दाहाल प्रतिष्ठान मकवानपुरको नेतृत्वमा सुरु गरिएको ‘दिनेश दाहाल बचाउ अभियान’बाट ९४ हजार रकम संकलन भएमा बुधबार ६१ हजार रुपियाँ दिनेशको छोरा दिवाकरलाई हस्तान्तरण गरिएको छ । बाँकी रकम इसेवा मार्फत पठाइने प्रतिष्ठानले जनाएको छ । प्रतिष्ठान र अन्य मनकारी दाताहरुको सहयोगमा केही आर्थिक जोहो भएपछि थप उपचारको लागि अस्पताल लागिएको हो ।

सक्दो चाँडै शल्यक्रिय गर्नुपर्ने भनिएको थियो, महामारी र पैसाकै जोहो नभएको कारण जान सकिएन’ सहीखबरसँगको भेटमा दाहालले भने ‘अब जीवनको आशा जागेको छ’ सबैलाई धन्यवाद छ’ दिनेशले भने । आफूलाई सहयोग गर्नेहरुप्रति उनले आभार व्यक्त गर्दै, अझै थप पैसाको आवश्यकता परेको सुनाए ।
दिनेश दाहालकी बहिनी रीता दाहाल शर्माका अनुसार हाल उनको शल्यक्रियको लागि मिति भने तोकिएको छैन । ‘सक्दो चाँडै शल्यक्रिय गर्नुपर्ने भनिएको थियो, महामारी र पैसाकै जोहो नभएको कारण जान सकिएन’ सहीखबरसँगको भेटमा दाहालले भने ‘अब जीवनको आशा जागेको छ’ सबैलाई धन्यवाद छ’ दिनेशले भने । आफूलाई सहयोग गर्नेहरुप्रति उनले आभार व्यक्त गर्दै, अझै थप पैसाको आवश्यकता परेको सुनाए । केही महिना अगाडि नै चिकित्सकले चाँडै शल्यक्रियको लागि सुझाएको उनले बताए ।
बुधबार दाहाल प्रतिष्ठानका केन्द्रीय सदस्य दीपक दाहाल, जिल्ला अध्यक्ष सिताराम दाहाल, उपाध्यक्ष जुना दाहाल, सचिव सरिता दाहाल, सहसचिव राजेश्वर दाहाल, आर्थिक उपसमिति संयोजक तथा जिल्ला कोषाध्यक्ष तुल्सा तिमल्सिना दाहाल, सदस्य सरस्वती दाहाललगायतले दिनेशको डेरामा पुगेर सहयोग रकम हस्तान्तरण गरेका थिए ।
प्रतिष्ठानको अभियान अन्तरगत पछिल्लो पटक हेटौंडा उपमहानगरपालिका वडा ३ का वडा अध्यक्ष रामकुमार पुडासैनी, हेटौंडा–४ निवासी, कपडा व्यवसायी तेजराज अधिकारी, न्युजल्याण्डबाट दिलिप दाहाल, अस्टेलियाबाट हरिश्चन्द्र लामिछाने तथा दिपकचन्द्र दाहाल, मकवानपुर ठिंगनका डी.एन दाहाल, हेटौंडा–११ की जुना दाहाल, काठमाडौंका रामहरि दाहालबाट समेत गरी हालसम्म कुल ९४ हजार आर्थिक सहयोग संकलन गरिएको प्रतिष्ठान अध्यक्ष दाहालले बताए ।
उनलाई अझै आर्थिक अपुग भएको कारण सहयोग गर्नेहरुलाई अनुरोध गरिएको छ । क्यान्सरको कारण श्रीमती गुमाएको केही वर्षमै दिनेशलाइ नै स्वास्थ्य समस्या देखिएपछि उपचारमा आर्थिक समस्या परेको हो । श्रीमतीको उपचारमा धेरै खर्च लागेको कारण नगद तथा जायजेथा सकेपछि बाहलमा बस्दै आएका उनी अहिले आफ्नो उपचारमा आर्थिक अभावकै कारण समस्या
रहेको परिवार स्रोतले जनाएको छ ।
हालसम्म उपचारका लागि करिब ४० लाख रुपियाँ खर्च भएको र अबको आर्थिक अवस्था नै कमजोर भएपछि सहयोग माग्नु भन्दा कुनै विकल्पै नरहेको परिवारका सदस्यले जनाएका छन् ।
पछिल्लो समय डाक्टरले उपचारका लागि ६ लाख रुपैयाँ लाग्ने जानकारी दिएको बताइएको छ । दाहाल प्रतिष्ठान मकवानपुरले दिनेशको उपचारको लागि अभियान सुरु गरेको छ । दाहाल प्रतिष्ठानको आजिवन सदस्य समेत रहेका दिनेश दाहालको उपचाररार्थ आर्थिक सहयोग गर्नको लागि प्रतिष्ठानले आग्रह गरेको छ ।
यस अभियान अन्तरगत यसअघि कम अप वीथ १०० अभियानसँगै दाहाल प्रतिष्ठान बागमती प्रदेश समिती, कुमारमणि दाहाल, सिताराम दाहाल (ए), दिपक दाहाल, सरिता दाहाल,सिताराम दाहाल (बी) दुर्गा दाहाल,राजेश्वर दाहाल, बिष्णु दाहाल,तारानाथ दाहाल गुरौखोला, गोपाल दाहाल तथा ईन्द्रप्रसाद सन्जेल रकम सहयोग गरेका थिए । सहयोगको लागि दाहाल प्रतिष्ठान मकवानपुर शाखा नाममा कृषि विकास बैंक हेटौंडामा रहेको खाता नम्बर०५–०८५–०१५७७७६८–०१–८ मा र इ–सेवाबाट ९८५५०७५६०० मा जम्मा गर्न सकिने छ ।
मकवानपुर । हेटाैडा ६ चाैघडामा रहेकाे मकवानपुर स्वास्थ्य चाैकीलाइ स्वास्थ सामग्री सहयाेग गरिएकाे छ । हेटौंडा-६ मा निर्माणाधीन सिद्धस्थली सामुदायिक अस्पतालले स्वास्थ्य चौकीलाई अक्सिजन कन्सन्ट्रेटर,मास्क,ग्रोल्बस (सर्जिकल पञ्जा), लगायतका स्वास्थ्य सामाग्री सहयोग गरेको स्वास्थ्य चाैकी प्रमुख ताेयानाथ ढुंगेलले जानकारी दिए ।
अस्पतालका डाक्टर अभन गौतमले स्वास्थ्य सामाग्री हेटौंडा-६ का वडाध्यक्ष अर्जुन प्रसाद चौलागाई र हेटौंडा उपमहानगरपालिका सिअहेब अधिकृत भोलानाथ चौलागाई हस्तान्तरण गरेका हुन्।
स्वास्थ्य सामाग्री ग्रहण गर्दै चौलागाईले संकटको अवस्थामा सिद्धस्थली सामुदायिक अस्पतालले स्वास्थ्य चौकीलाई स्वास्थ्य सामाग्री दिएकोमा खुशी व्यक्त गरेका छन। सामाग्री हस्तान्तरण गर्दै डाक्टर गौतमले संकटको अवस्थामा सबैले सहयोग गरी महामारी नियन्त्रणमा लाग्नु पर्ने भएकोले स्वास्थ्य चौकीलाई स्वास्थ्य सामाग्री सहयोग गरेको बताए।
हस्तान्तरण कार्यक्रममा मदन भण्डारी स्वास्थ्य विज्ञान प्रतिष्ठानका संचलक समिति सदस्य उत्सव चौलागाई, सञ्चारकर्मी भीमसेन पौडेल,अस्पताल संचालक गोमा गौतम लगायतको उपस्थिती रहेको थियो।