मकवानपुर । मकवानपुरमा थप २३ जनामा कोरोना संक्रमण पुष्टि भएको छ ।
कार्तिक १६ गते संकलन गरेको १ सय ३० जनाको स्वाब परीक्षणमा थप २३ जनामा संक्रमण देखिएको हो । संक्रमण हुनेमा महिला ८ जना र पुरूष १५ जना रहेका छन् ।
संक्रमण पुष्टि हुनेमा हेटौंडा उपमहानगरपालिकाका १६ जना,मनहरी र मकवानपुरगढी गाउँपालिकाका ३/३ जना र एक जना बकैया गाउँपालिकाका रहेका छन् । यस्तै जिल्ला बाहिर घर भएका १ जना रहेका छन् ।

मकवानपुर । बागमती प्रदेश यातायात सेवा कार्यालयका केही कर्मचारीमा कोभिड सङ्क्रमण पुष्टि भएपछि कार्यालयले दिँदै आएको सेवा प्रभावित भएको छ । कार्तिक १६ गते आइतबारबाट ३ दिनसम्मका लागि सेवाग्राहीलाई दिँदै आएको सबै सेवा स्थगित गरिएकाे कार्यालयले जनाइएको छ ।

कार्यालयका राजश्व फाँटमा कार्यरत कर्मचारी र कार्यालयको राजश्व बुझ्ने नेपाल इन्भेस्टमेन्ट बैंक हेटौँडा शाखाका कर्मचारीमा समेत कोभिड प्रकोपबाट पीडित हुँदा यातायात सेवा कार्यालयले आफ्नो सबै सेवा स्थगित गर्नुपरेको कार्यालय प्रमुख भक्तराज भण्डारीले बताए । उनले कार्यालयको सेवा बन्द गर्नुपरेको विषयमा बागमती प्रदेश भौतिक पूर्वाधार विकास मन्त्रालय र जिल्ला प्रशासन कार्यालय मकवानपुरमा जानकारी दिइएकाे पनि बताए ।
यसैगरी, नेपाल इन्भेष्टमेन्ट बैंक हेटाैडाका १३ कर्मचारीमध्ये १० जना कर्मचारीलाई कोभिड पुष्टि भएकाले बैंकले पनि आज आइतबारबाट सबै प्रकारका सेवा केही दिनका लागि बन्द गरेको छ ।
मकवानपुर । बागमती प्रदेशमा कोरोना भाइरस संक्रमितको संख्या झण्डै ८८ हजार पुगेको छ ।
प्रदेशमा शुक्रबार २ हजार २ सय ६६ जना कोरोना संक्रमण थपिएसँगै संक्रमितको संख्या ८७ हजार ९ सय ९५ जना पुगेको प्रदेशको सामाजिक विकास मन्त्रालयका पुरुषोत्तम राज सेढाईले जानकारी दिए ।
सेढाईका अनुसार हालसम्म प्रदेशको काठमाडौंमा ६० हजार ७ सय ३७, ललितपुरमा ८ हजार ६ सय ४८, भक्तपुरमा ५ हजार ६ सय २६, रसुवामा ८९, नुवाकोटमा ६ सय ३४, धादिङमा १ हजार ६ सय ६०, चितवनमा ४ हजार ६ सय ५८, सिन्धुलीमा ३ सय ७५, मकवानपुरमा ३ हजार ३ सय ३६, रामेछापमा ३ सय ५२, दोलखामा ३ सय १४, काभ्रेमा १ हजार ६ सय ३० र सिन्धुपाल्चोकमा ५ सय ३६ जनामा कोरोना संक्रमण पुष्टि भएको छ । प्रदेशमा कूल कोरोना संक्रमितमध्ये हालसम्म ६४ हजार १ सय जना कोरोना संक्रमण मुक्त भएका छन् । प्रदेशमा यसअघि ६१ हजार ४ सय ९३ जना संक्रमण मुक्त भएका थिए ।
त्यस्तै, प्रदेशमा हालसम्म कोरोना भाइरस ( कोभिड–१९) संक्रमणबाट मृत्यु हुनेको संख्या ४ सय ४४ जना पुगेको छ । शुक्रबार थप ११ जनाको मृत्यु भएसँगै प्रदेशमा मृतकको संख्या ४ सय ४४ जना पुगेको हो । शुक्रबार काठमाडौंका ३ जना, भक्तपुरका २ जना, काभ्रेका २ जना, चितवनका १ जना, नुवाकोटका एक जना, धादिङका एक जना र रामेछापका एक जना कोरोना संक्रमितको मृत्यु भएको मन्त्रालयले जनाएको छ ।
मन्त्रालयका अनुसार, प्रदेशमा हाल कूल कोरोना संक्रमितमध्ये २३ हजार ४ सय ५१ जना कोरोना संक्रमितको उपचार भइरहेको छ । प्रदेशमा हाल २ सय ६९ जना क्वारेन्टाइनमा, १ हजार २ सय ८२ जना होम क्वारेन्टाईनमा, ३ हजार ६ सय ११ जना आइसोलेशनमा र १७ हजार ६ सय ९२ जना होम आइसोलेशनमा बस्दै आएका छन् ।
यसै बीच स्वास्थ्य तथा जनसंख्या मन्त्रालयले सार्वजनिक गर्ने गरेको काराेना संक्रमणका कारण मृत्यु भएकाको संख्या वास्तविकभन्दा निकै कम रहेको छ । मन्त्रालयले शुक्रबार सार्वजनिक गरेको तथ्यांकअनुसार हालसम्म देशभर ९ सय २० जनाको मृत्यु भएको छ तर वास्तविक संख्या १४ सयभन्दा माथि रहेको प्रदेशका सामाजिक विकास मन्त्रालयको तथ्यांक र सेनाले व्यवस्थापन गरेका शवको संख्याले देखाउँछन् ।
सबै प्रदेशका सामाजिक विकास मन्त्रालयले सार्वजनिक गरेको तथ्यांकलाई मात्रै जोड्दा पनि मृतकको संख्या एक हजार ९७ पुग्छ । कोभिड–१९ क्राइसिस म्यानेजमेन्ट सेन्टरको समन्वयमा नेपाली सेनाले गत कात्तिक १२ गतेसम्ममा १४ सय हाराहारी शव व्यवस्थापन गरिसकेकोले मृतककाे संख्या र स्वास्थ्य मन्त्रालयकाे तथ्याङ्क बीच एकरूपता नदेखिएकाे हाे ।
मकवानपुर । मकवानपुरमा थप ५९ जनामा काेराेना भाइरस संक्रमण पुष्टि भएकाे छ । कार्तिक १३ गते लिईएको १ सय १० जनाको स्वाब परीक्षणमा थप ५९ जनामा संक्रमण देखिएको हो । संक्रमित ५९ जना मध्य २३ जना महिला र ३६ जना पुरूष रहेका छन् ।
संक्रमण पुष्टि हुनेहरुमा हेटौंडा उपमहानगरपालिकाका ४८ जना,थाहा नगरपालिका र मनहरी गाउँपालिकाका ५/५ जना र बकैया गाउँपालिकाका १ जना रहेकाे हेटाैडा उपमहानगरपालिकाका स्वास्थ्य अधिकृत भाेलानाथ चाैलागाइले जानकारी दिए ।
दिसा निष्कासनको स्वभाविक आवृतिमा विलम्ब हुनु, नियमित रूपले दिसा गर्न नसकी बल प्रयोग गर्नुपर्ने अवस्था आउनु वा दैनिक एकपटक पनि दिसा गर्न नसकेको अवस्थालाई कब्जियत भनिन्छ। कब्जियत पाचन प्रक्रियामा गडबडीका कारण देखा पर्ने एक लक्षण हो । यो कुनै विशेष रोग नभई रोगको लक्षणको रुपमा धेरै रोग यसैबाट जन्मन्छन् ।
हामीले खाएको खाना पाचन प्रक्रियापछि पोषक तत्व हाम्रो शरीरले शोषण गर्छ र अनुपयोगी तत्व ठोस पदार्थ मल र तरल पदार्थ मूत्रका रुपमा शरीरबाट बाहिर निस्कन्छ । स्वस्थ्य रहनको लागि नियमित रुपमा समयमा मल र मूत्रको त्याग गर्नु जरुरी छ । सामान्य स्वस्थ मानिसलाई दिनमा दुई पटक बिहान र साँझ पेट सफा र हल्का हुने गरी दिसा हुनुपर्दछ । यसो नभई एक दिन, दुई दिन या धेरै दिन बिराएर दिसा हुने अबस्थालाई कब्जियत भनिन्छ । शौचको समयमा कठिनाई हुनु, राम्रो सँग मल निस्कासन नहुनु, र कडा सुख्खा मल निस्कासन हुने अबस्थालाई कब्ज भनिन्छ । अयोग्य र अनियमित भोजनका कारण हुने यस समस्या सबै उमेरका मानिसलाई हुनसक्छ । खानपान र जीवनशैलीका कारण हुने रोगहरु मध्ये कब्जियत पनि पाचन प्रणाली अन्र्तगतको मुख्य समस्या हो । समयमानै हेरचाह गरियो भने कब्जियत सजिलै सँग ठिक हुन्छ नत्र दिर्घकालिन कब्ज घातक पनि हुन सक्छ ।
कब्जियतको कारण प्रशस्त पानी या अन्य झोल कुराहरु नपिउनाले, खानामा रेसा, बोक्राहरुको कमी हुनाले, हरियो सागपात, टुसा निकालेको गेडागुडी, तरकारी, फलफूल, काँचो खान मिल्ने काँक्रो, गाँजर, चुकन्दर नखानाले, पहिला खाएको खाना नपच्दै फेरी खाना खानु, ज्यादा दुग्ध पदार्थ सेवन गर्नाले, खाना राम्रो सँग नचपाई खानु, चिया, कफि, चुरोट मदिराको ज्यादा सेवन, शोक, चिन्ता, तनाव, अनिद्रा, बैचेनी, खाना खाने बित्तिकै दिमागी काम गर्नु, कुनै औषधी सेवनको असर तथा रोगको कारण जस्तै थाइराइड, नशाको समस्या, व्यायाम नगर्नु, धेरै समयसम्म सुत्नु ।
विशेष रोगावस्था जस्तै आन्द्राको घाउ, ट्युमर, प्यारालाइसिस, मधुमेह, थाइराइडिजम, पराकिन्सन जस्ता समस्याबाहेक अधिकांश कब्जियतको मुख्य कारण अप्राकृतिक जीवनशैली हो। भोजन, व्यायाम, विश्राम र भावानात्मक रूपमा असन्तुलित जीवन नै अप्राकृतिक जीवन हो। भोक लागेको बेला नखाने, भोकभन्दा ज्यादा खाने गरिष्ठ भोजनहरू, मसिनो मिठो, तारे भुटेको, पचाउन कठिन, जंकफूड र संरक्षित खाद्यान्न प्रायःजसो खाइरहने, सागसब्जी सलादजस्ता खस्रामोटा, रेसा र चोकरयुक्त खाद्यपदार्थ कम खानाले कब्जियत हुने प्रबल सम्भावाना रहन्छ। व्यस्त र भागदौडले भरिएको, तनावपूर्ण जीवन जिउनेहरू, श्रमपछि विश्राम नगर्नेहरू, भय, चिन्ता, शोक र उदासीनताका कारणले पनि कब्जियत देखिएको छ।
व्यायाम र श्रमबाट भाग्नेहरूलाई पनि कब्जियतले छाडेको छैन भने लामो समयसम्म विरेचक औषधी, पेनकिलर, नार्काटिक्स र दिमाग लठ्याउने औषधि खानेहरूमा कब्जियत ज्यादा देखिएको छ । कब्जियतको कारणले उच्च तथा निम्न रक्तचाप, मधुमेह, मोटोपन, ग्यास्ट्र्रिक, अल्सर, आन्द्रा तथा पेटको क्यान्सर, इरिटेबल बवेल सिन्ड्राम, एसिडीटी, एपेन्डीसाइटिस, अपच, गुदद्वार खस्नु, डकार आउनु, चाया, पोतो, डन्डीफोर, आउनु, जोर्नी दुख्नु, हड्डी खिइनु, सुन्निएर विकृत हुनु जस्ता समस्या आउँछ।
मानसिक समस्या जस्तैः डर, चिन्ता, खिन्नता, उदासिनता, अनिद्रा, यौनशक्तिको क्षय, प्रतिरक्षा प्रणालीको कार्यक्षमता गडबड हुनु, सर्दीले सताइ रहनु, ज्वरो, खोकी बल्भ्किरहनु, मांसपेसी तथा नसा९नाडीहरु कमजोर हुनु, अन्तश्रावी ग्रन्थीहरुको कार्य सुुचारु नभएर हार्मोनको मात्रा घटवड भइरहनु लगायत समस्या पनि आउँछ। कोलेस्टेरोल, युरिक एसिड आदि रगतमा हुने तत्वहरू घटबढ भइरहनु, रक्तअल्पताको समस्या देखापर्नु, महत्वपूर्ण अंगहरूको कार्यक्षमता घट्न जस्ता रोग देखिन सक्छ।
लक्षण
दिसा त्यागको प्राकृतिक आवृत्तिमा विलम्ब हुनु,
दिसा त्याग गर्न बल लगाउनुपर्ने अवस्था आउनु,
दिसा कोमल नभएर गोटा पर्नु,
पेट भारी हुनु वा दुख्नु, भोक नलाग्नु मुख बिग्रिनु,
रिंगटा लाग्नु, तिघ्राको पछाडिपट्टिको मांशपेशी दुख्नु, टाउको दुख्नु छात्ती पोल्नु र थाकेको महसुस हुनु
रोकथाम
प्रशस्त पानी पिउने ।
चाउचाउ, बिस्कुट जस्ता तयारी खाना र बोतलमा पाइने चिसो पेय पदार्थको नखाने ।
उसिनेको पदार्थ, कोदो, फापर, चना भटमासजस्ता पोषिला खानाका साथै मही, महपानी या सर्बत आदि खाने ।
काम र आरामको निश्चित तालिका बनाउने ।
दिसा आउँदा रोकेर राख्नु हुदैंन र दिसा लाग्ने बित्तिकै तुरुन्तै सबै काम छाडेर दिसा जानुपर्दछ ।
धेरै कम्मर कसिलो गरी पटुका या पेटी नकस्ने ।
धेरै सागपात, हरिया, तरकारी सलाद, फलफूल प्रशस्त खाने ।
तारेको, भुटेको, मसलादार खाना र माछा, मासु, अण्डाजस्ता मांसाहार त्याग्ने ।
बोक्रा फालेको सफा दालको सट्टा टुसा निकालेको या अङकुररित गरेको गेडागुडी खाने बानी बसाल्ने ।
खाना खाने बित्तिकै सुत्नु हुदैंन । खाना खाएको २।३ घण्टामा पाचन प्रक्रिया सकिएको हुन्छ र सुत्न जाने।
मनमा कुरा खेलाउने, चिन्ता लिने, रिसाउने, डराउने, तनावको अबस्थामा आराम गर्ने ।
उपचार
सानो हर्रो घिउमा भुट्ने र पिसेर धुलो बनाएर १ चिया चम्चा, सुत्ने बेलामा मनतातो पानीसँग पिउनुपर्दछ ।
इसबगोलको भुसी एक चम्चा बिहान साँझ पानी, दूध या अरु झोल कुरासँग पिउने ।
राजवृक्षको गुदी ५ ग्राम र मुनक्का २० ग्राम मिलाएर चटनी जस्तो पिसी बिहान साँझ खानाले पनि पेट सफा हुन्छ ।
एक भाग हर्रो, दुई भाग बर्रो, चार भाग अमला मिलाएर चूर्ण बनाउने र एक एक चिया चम्चा बिहान साँझ मनतातो पानी सँग पिउने ।
अदुवा पानी खानाले पनि कब्जियतलाई भगाउँछ ।
अम्बा तथा मेवाको सेबनले पनि दिसालाई नियन्त्रण गर्दछ ।
गाँजरको जूस दिनको एक गिलास खाली पेटमा तथा स्याउ खानु फाइदाजनक हुन्छ ।
१ चम्चा मह तातो पानीमा मिसाएर बिहान खाली पेटमा खाने ।
दिनमा दुई तीन कोसा पाकेको केरा खानाले वा एक चम्चा सुप र अदुवाको धुलोमा थोरै वीरेनुन मिसाई राती सुत्ने बेलामा मनतातो पानीसँग खानाले कब्जियत रोग ठिक हुन्छ ।
घिउकुमारीको गुदी १० ग्राम बिहान खाली पेटमा खाने गर्नुपर्दछ ।
सानो हर्रो, सौंफ र मिश्री बराबर तौल लिएर पिसेर चूर्ण बनाई आवश्यकताअनुसार १ या २ चम्चा सुत्ने बेलामा खाएर पानी पिउने गर्नुपर्दछ ।
सुकाएर अमलालाई पिसेर बनाएर चूर्ण १ चम्चा बिहान साँझ खाना पछि खाने ।
खाना खानु १–२ घण्टा पूर्व नै १–२ गिलास पानी पिउने ।
तोरीको तेलले बिहान बेलुका मालिस गर्ने ।
बिहानको समय ३–४ किमि हिंडडुल गर्ने ।