एकै दिन रोकिए ४ वटा बाल विवाह
Tags: No Comments
मकवानपुर । बालमैत्री स्थानीय शासन लागु गर्न स्थानीय, प्रदेश र संघीय सरकार लागि परिरहेको बेला बाल विवाह सबैभन्दा ठुलो चुनौतीको रुपमा देखा पर्दै आएको छ ।
मकवानपुरमा सिविन बाल हेल्प लाइन र स्थानीय तहको सक्रियतामा ४ वटा बाल विवाह रोकिएको छ । मकवानपुरको कैलाश गाउँपालिका वडा नं ३ मा २० र २१ वर्षिय युवाहरु, राक्सिराङ् गाउँपालिका वार्ड न ३ का १३ र १४ वर्षिया बालिकाबीच हुन लागेको बाल विवाह बदर गरिएको हो ।
दुई दिन अघि विवाह हुन लागेको सुचना हिमराइट्स मकवानपुरमा आएपछि बालहेल्पलाइन १०९८, राक्सिराङ् गाउँपालिका वार्ड ३ को सक्रियतामा बाल विवाह रोकिएको हो । वार्ड अध्यक्ष उत्तम वाइवा, कैलाश गाउँपालिका वाड ३ का अध्यक्ष तिलकबहादुर मोक्तान र इलाका प्रहरी कार्यालय मनहरीको समेत विशेष पहल रहेको हिमराइट्स मकवानपुरकी कार्यक्रम संयोजक कुमारी वाइवाले जानकारी जानकारी दिइन् । बालिकाहरु र युवाहरु, दुवै पक्षका अभिभावक, वडा प्रतिनिधि, हिमराइट्सकी कुमारी वाइवा, बालहेल्पलाइनका प्रवन्धक झविन्द्र ज्ञवाली, प्रजा जागृति माविका शिक्षक रामप्रसाद सापकोटा, अस्मिता नेपालकाे थापाबहादुर दाेङलगायतको सहभागितामा बालविवाह रोकिएको हो ।
मनहरी गाउँपालिका वार्ड न. ४ की १५ वर्षीया बालिका र हेटौडा ३ बसामाडिका १८ वर्षीय बालक, त्यसै गरी मकवानपरु गढी गाउँपालिका वार्ड न २ की १८ वर्षीया बालिका र हेटौडा वडा नम्वर १७ का २५ वर्षीय युवासँग विवाह हुन लागेको सुचना बालहेल्पलाइन १०९८ मा प्राप्त भए पश्चात जनप्रतिनिधि, बालहेल्पलाइन प्रतिनिधि र दुवै परिवारका अभिभावक सहित बालिकाहरुको उद्वार गरिएको थियो ।
उनीहरुलाई बालहेल्पलाइनमा छलफल पश्चात बालविवाहका सम्बन्धमा बीस वर्ष पूरा नभइ अब विवाह नगर्ने र अभिवकहरुले पनि यस विषयमा आफूहरु बालबालिकाको निगरानी गर्ने र यस्ता घटना दोहो-याउन नदिने प्रविबद्धता गरेको बालहेल्पलाइनकी कार्यक्रम अधिकृत सम्झना अधिकारीले बताइन् ।
बालबालिकाहरुलाइ बालिकालाई थप परामर्शको लागि बाल हेल्पलाइनको संरक्षणमामा राखिएको जनाइएको छ ।
बीस वर्ष उमेर पुरा नभएका बालबालिकाको विवाह गैरकानूनी भएपनि बालबालिकाहरु आफूखुसी बिवाह गर्ने क्रम बढेपछि बालबालिकाहरु र परिवारलाई प्रभावकारी परामर्श गराउन सकिएको छैन । यसैकारण बाल विवाह सबैभन्दा ठूलो चुनौती भएको बालमैत्री अभियानका प्रशिक्षक विष्णुप्रसाद चौवे बताउँछन् ।
मनहरीमा एकै पटक २ वटा बालविवाह राेकियाे
Tags: No Comments
मकवानपुर । मकवानपुरकाे मनहरी गाउँपालिकामा एकै पटक २ वटा बालविवाह राेकिएकाे छ । मकवानपुरको मनहरी गाउँपालिकाका जनप्रतिनिधिको सक्रियतामा हुन लागेको बाल बालविवाह रोकिएको हाे ।
मनहरी गाउँपालिकाबाट कोशी प्रदेश उदयपुर जिल्लाको त्रियुगा नगरपालिका वडा नं ८ मा बालविवाह हुन लागेको सूचना पाएपछि मनहरीका जनप्रतिनिधि र सरोकारवाला निकायको सक्रियतामा उक्त विवाह रोकिएको छ । मनहरी गाउँपालिका वडा ८ र ५ काे २ वटा बाल विवाह राेकिएकाे हाे ।
माघ १४ गते गाउँपालिका अध्यक्ष रञ्जन कालाखेतीको नेतृत्वमा सामाजिक विकास समितिका संयोजक अनन्त प्रकाश अर्याल, सिविन नेपाल मकवानपुरका संयोजक झविन्द्र ज्ञवाली, बाल अधिकार समिति मनहरीका सदस्यहरु देवकी ढुङ्गाना, अस्मिता कार्की, बाल सञ्जालका सल्लाहकार अन्जन सापकोटा उदयपुर गएर त्यहाको जनप्रतिनिधिसँग समन्वय गरी घरमा पुगेर परिवारलाई सम्झाई बुझाई गरेर बालिकालाई १८ माघमा घर फर्काइएको थियो ।
मकवानपुरको मनहरी गाउँपालिका वडा नं.५ की १६ वर्षीया बालिका र उदयपुर जिल्लाको त्रियुगा नगरपालिका वडा नं ८ का २१ बर्षिय युवा बिच भएकाे विवाह राेकिएकाे हाे । सामाजिक सञ्चालबाट प्रेम सम्बन्धमा पुगेका उनीहरु मनहरीबाट पुष २५ गते भागेर उदयपुर पुगेका थिए । २७ गते मनहरी बालसञ्जालले जानकारी पाएर वडा र गाउँपालिकामा ध्यानाकर्षण पत्र बुझाएपछि खोजी भएको थियो ।
यसैगरी गाउँपालिकाबाट बारा जिल्ला सिम्राैनगढ विवाह हुन लागेकाे बालिकालाई पनि जनप्रतिनिधि र बाल हेल्पलाइनकाे सक्रियतामा राेकिएकाे छ । दुबै बालिकाहरु अहिले अभिभावक र संस्थाकाे संरक्षणमा रहेका छन् ।
उमेर नपुगेकाले उमेर पुगेपछि मात्रै विवाह गर्न परिवारले बालिकालाई बुझाउने प्रयास गरे पनि बालिकाले आत्महत्या गर्ने धम्की दिएको र पछि मनहरीबाट उदयपुर भागेको पारिवारीक स्रोतले जानकारी दिएको छ । नेपालमा २० वर्षभन्दा कम उमेरमा गरिने जस्तोसुकै विवाहलाई कानुनले अवैधानिक मानेको छ । गाउँपालिकामा चालु आर्थिक बर्षमा १४ वटा बालविवाह हुँदा ११ वटा बालविवाह रोक्न सफल भएको गाउँपालिका अध्यक्ष रञ्जन कालाखेतीले जानकारी दिए । अन्य विवाह बदर गर्न नसकिएकाे बताइएकाे छ ।
बालिकालाई दुर्व्यवहार गर्ने शिक्षक माथि कारबाहीकाे माग
Tags: No Comments
मकवानपुर । मकवानपुरगढीमा रहेकाे शारदा माध्यमिक विद्यालयकाे बालिकालाई यौनजन्य दुर्व्यवहार गर्ने शिक्षकलाई कारवाहीकाे माग गरिएकाे छ । उक्त घटना प्रति ध्यानाकर्षण भएकाे जनाउँदै अनेरास्ववियु मकवानपुरगढी गाउँपालिका कमिटीले घटनामा संलग्नलाई कारवाहीकाे माग गरेकाे हाे ।
बालमैत्री स्थानीय शासन घोषणा भएको गाउँपालिकाकै बालबालिका बिद्यालयमा नै असुरक्षित भएको प्रती सरोकारवालाहरूको ध्यानाकर्षण भएको छ ।
विद्यालयमा कक्षा ८ मा अध्ययनरत बालिकामाथि यौनजन्य दुर्व्यवहारमा संलग्न भएका शिक्षक चन्द्रलाल महर्जनलाई तत्काल सार्वजनिक गरी कानुनी कारवाही हुनुपर्ने उसले माग गरेकाे छ ।
माघ १५ गते कमिटी सचिव पुष्कर घिमिरेद्वारा जारी विज्ञप्तीमा घटना लाई ढाकछोप गर्ने उदेश्यले मिलाउने प्रयास भएकोले दोषी शिक्षक महर्जन उपर तत्काल कानुनी प्रक्रिया अन्तर्गत कारवाहीको लागि जोडदार माग गर्दछौ भनिएकाे छ । अन्यथा अनेरास्ववियु आन्दोलनमा उत्रिने समेत चेतावनी दिइएकाे छ ।
अनेरास्ववियूले आफ्नो स्थापना कालदेखि नै शैक्षिक क्षेत्रमा भएका विकृति, विसंगति, अनियमितता तथा भ्रष्टाचारका विरुद्ध आवाज उठाउँदै जनजीविका र गुणस्तरीय एवम् सर्वसुलभ शिक्षा प्राप्तिका लागि निरन्तर रुपमा दबाव, सुझाव र आवश्यक नीति कार्यान्वयनका लागि सरोकारवाला निकायलाई खबरदारी गर्दै आएको छ समेत विज्ञप्तीमा भनिएकाे छ ।

जुनु घिमिरे
यहाँ
आफ्नो अस्तित्व स्थापित गर्ने नाममा
अरूको परिचय मेटाउने
एउटा श्रृंखला चलिरहेको छ बर्षौँ देखि
तिमी सागर बनेपछि
नदीको अस्तित्व खोसिरहेछौ
कसरी बिर्सियौ ?
तिमी नदीहरूको संगमबाटै सागर बनेको ।
नदी पनि त
खोलाको परिचय आफैँमा गाभेर
बगिरहेछ निरन्तर
बनाउन भ्याएनन् परिचय
मूलहरूले
जरुवाहरूले
कुवाहरूले
खोल्साखोल्सीहरूले
हो यहाँ, खोल्साखोल्सी जस्तै
खोला जस्तै
नदी जस्तै
सागर जस्तै
आफ्नो परिचय जोगाउन
कसैको अस्तित्व माथि धावा बोलिरहेका छन्
लाग्छ
मान्छे, सागर, नदी, खोला सबै उस्ताउस्तै हुन्
थाहा छ उसलाई
आफू कसको साथले पूर्ण छु
तर, पनि ऊ
अनभिज्ञ भएको अभिनय गरिरहन्छ
साथ दिनेको परिचय गुमनाम राखेर
महान बन्न खोज्छ ऊ
सागरजस्तै ।
हुन त सागरले पनि भन्दो हो
ऐ नदी ! ऐ खोला ! ऐ खोल्सा खोल्सी
म तिमीलाई चिन्दिनँ
बरु,
उदारत देखाए झैँ गरि बोल्दो हो
मैले तिमीलाई
अँगालोमा नलिएको भए
तिमी कता बग्थ्यौ ।
कता हराउँथ्यौ ।
छताछुल्ल पोखिएर छरपस्ट हुँदा
कस्ले सम्हाल्दो हो ?
अदृश्य रूपमा
म नदि बनेर
सागर बनेर
तिमीलाई सम्हालीरहेछु ।
तिमी नसोच
सागरमा मिसिएर
तिम्रो अस्तित्व गुम्यो
आखिर जेमा मिसिए पनि
हामी पानी हौँ
पानीको धर्म
बग्नु र जम्नु नै हो
तर
यो कुरा खोला अनि खोल्सा खोल्सीले
कति बुझ्छन् होला ?
के उनीहरूलाई आफू सागरमा
मिसिएको थाहा होला ?
यदि छैन भने
सागर,नदीले बुझ्नैपर्छ
अस्तित्वको सरुवात
खोल्सा खोल्सी नै हो ।
बुझाउनै पर्ने हुन्छ
सागर अनि नदीले
एक्लै बगे खोल्सी हुन्छौँ
सँगै बगौँ सागर बन्छौँ ।
आऊ
हामी सबै सँगै बगौँ
सबैको पहिचान छ
र त हामी छौँ
सबैको अस्तित्व छ
र त देश छ ।
धनकुटा हाल भक्तपुर
मकवानपुर । मकवानपुरको हेटौंडामा बालबालिकासंग वडा अध्यक्ष कार्यक्रम आयोजना गरिएको छ ।
हेटौंडा उपमहानगरपालिका २ नम्बर वडा कार्यालय र बालमैत्री स्थानीय शासन वडा समितिको आयोजनामा सिद्धार्थ माविमा कार्यक्रम गरिएको हो । हेटौंडा उपमहानगरपालिकालाई बालमैत्री स्थानीय शासन युक्त नगर घोषणा गर्ने सन्दर्भमा वडालाई स्थानीय शासन युक्त वडा घोषणा गर्नु पूर्व वडा अध्यक्षसंग बालबालिका कार्यक्रम आयोजना गरिएको हो ।
बालमैत्री स्थानीय शासन युक्त वडा घोषणा गर्न सरकारले तोकेका विभिन्न ५१ वटा सुचकहरु पूरा गर्नु पर्नेमा उक्त सुचक मध्ये बालबालिकासंग वडा अध्यक्ष कार्यक्रम पनि एक भएको यो कार्यक्रम आयोजना गरिएको २ नम्बर वडाका बालमैत्री फोकल पर्सन तथा वडा सदस्य सुरज बर्तौलाले जानकारी दिए ।
कार्यक्रममा सहभागी बालबालिकाले मनमा लागेको प्रश्न, जिज्ञासा, सुझावहरु राखेका थिए । बालबालिकाले वडा अध्यक्षसंग बिद्यालयमा भएका अभाव, ध्वनी प्रदुषण, १०० मिटर भित्रै सुर्तीजन्य तथा मदिराजन्य पदार्थ बिक्री बितरण भैरहेको बारे ध्यानाकर्षण गराएका थिए । सहभागी बालबालिकाले शिक्षकहरुले समेत गुटखा खाएर कक्षामा प्रवेश गर्नेगरेको समेत गुनासो राखेका थिए । यस्तै सहभागीहरुले बिद्यालयमा सेनिटरी प्याड उपलब्ध भए पनि गुणस्तरीय नभएको बताए ।
सहभागी विद्यार्थीको गुनसो सुने पछि वडा अध्यक्ष विष्णु गोपाल महर्जनले स्यानिटरी प्याडको गुणस्तरका लागि हेटौंडा उपमहानगरपालिकामा समन्वय गर्ने, प्याड डिस्पोज गर्ने मेसिन ल्याउने तथा अभावका विषयमा सकेसम्म पुरागर्ने प्रतिवद्दता ब्यक्त गरे । साथै महर्जनले बिद्यालयका प्रधानाध्यापकलाई बिद्यालयका बिषयमा विद्यार्थीले उठाएको सवालमा गम्भीर भएर लाग्न र सकेको समाधान गर्न निर्देशन समेत दिए ।

‘भर्खरै हामीले बाल समुहका बालबालिका तथा टोलबिकास संस्थाका प्रतिनिधि संग बालमैत्रीको सूचकको सम्बन्धमा वडा स्तरीय अन्तर्कृया कार्यक्रम गर्यौ’ वडा सदस्य सुरज बर्तौलाले भने ‘अब वडामा रहेका बिधालयमा बालबालिका सङ्ग वडा अध्यक्ष कार्यक्रम गर्दैछौ ।’
वडा अध्यक्ष बिष्णु गोपाल महर्जनको सभाध्यक्षतामा भएको कार्यक्रममा वडा सदस्यहरु सुरज बर्तौला, इन्द्र प्रसाद रिजाल, मैया परियार, सिद्धार्थ माबिका प्रधानाध्यापक मोहन शर्मा, वडाका स्वास्थ शाखा प्रमुख मन्जु गौतम, बालमैत्री सहजकर्ता राहुल शर्मा, बिद्यालयका शिक्षक तथा बिद्यार्थीको सहभागिता रहेको थियो ।
