मकवानपुर । मकवानपुरको हेटौँडामा विहीबार हेटौँडा रन’ प्रतियोगिता भएको छ । हेटौँडा उपमहानगरपालिका नगर खेलकुद विकास समितिको आयोजनामा ‘हेटौँडा रन’ प्रतियोगिता भएको हो ।
प्रतियोगिताको उद्घाटन् हेटाैडा उपमहानगरपालिकाका मेयर हरि बहादुर महतले गरेका थिए । ६ किलोमिटर ‘हेटौंडा रन’ दौड प्रतियोगितामा हेटौंडा–१४ का डेबिट मिजार प्रथम भएका छन् । यस्तै हेटौंडा १३ को अम्रित सुनार द्वितीय र हेटाैडा १२ कै शशी विश्वकर्मा तृतीय भएका छन् । प्रतियोगितामा ४२ जनाले सहभागिता जनाएका थिए ।
प्रतियोगिताको प्रथम हुनेले नगद १५ हजार सहित मेडल तथा प्रमाणपत्र, दोश्रो स्थान हाँसिल गर्नेले १० हजार तथा तेश्रो हुनेले ५ हजार सहित मेडल तथा प्रमाणपत्र प्राप्त गरेका छन् । विजयी प्रतियाेगीहरुलाई हेटौंडा उपमहानगरपालिकाका मेयर हरिबहादुर महतले पुरस्कार प्रदान गरेकाे थिए ।
कार्यक्रममा उपमहानगरपालिकाका उपमेयर मिना कुमारी लामा, प्रमुख प्रशासकिय अधिकृत शिबराज चौलागाई नगर खेलकुद विकास समितिका अध्यक्ष चन्द्र शाही लगायतको आतिथ्यता रहेको थियो ।
मकवानपुर / नेपाल रेडक्रस सोसाइटी हेटौंडा उपशाखाले बडादशैं, तिहार, नेपाल सम्बत, छठलगायतका चाडपर्वको अवसरमा शुभकामना आदान प्रदान तथा चियापान कार्यक्रमको आयोजना गरेको छ ।
बागमती प्रदेशको सामाजिक बिकास राज्यमन्त्री जुनेली श्रेष्ठको प्रमुख आतिथ्यतामा कार्यक्रम भएको हो । कार्यक्रममा सामाजिक विकास राज्यमन्त्री जुनेली श्रेष्ठलाई रेडक्रस अभियानमा महत्त्वपूर्ण योगदान दिएकोमा सम्मान गरिएको थियो । कार्यक्रमकै अबसरमा रेडक्रसका आजिवन सदस्यहरुलाइ आजिवन सदस्यताको प्रमाणपत्र समेत बितरण गरिएको नेरेसो हेटौंडाका सभापति शिवहरी दाहालले जानकारी बताए ।
कार्यक्रममा जिल्ला समन्वय समिती मकवानपुरका प्रमुख रघुनाथ खुलाल, नेपाल बुद्धिचाल संघका केन्द्रिय अध्यक्ष एकलाल श्रेष्ठ, नेपाल रेडक्रस सोसाइटीका केन्द्रिय सदस्य प्रताप बिष्ट तथा जिल्ला सभापति सुर्यचन्द्र न्यौपानेले मन्तव्य ब्यक्त गरेका थिए।
हेटौंडा उपशाखाले हरेक वर्ष चार्डपर्वको अवसरमा शुभकामना आदानप्रदान तथा चियापान एवं रेडक्रस परिचयात्मक कार्यक्रमको आयोजना गर्दै आइरहेको उपशाखाका कोषाध्यक्ष हिक्मत श्रेष्ठले जानकारी दिए। कार्यक्रम उपशाखा सभापति शिबहरि दाहालको अध्यक्षतामा भएको थियो ।
मकवानपुर । हेटाैंडामा महिला प्रधानाध्यापक सम्मानित भएका छन् । अन्तर्राष्ट्रिय शिक्षक दिवसको अवसरमा हेटौंडामा महिला प्रधानाध्यापकलाई सम्मानित गरिएको हाे । शिक्षक दिवसको अबसरमा हेटौंडा उपमहानगरपालिकाका सामुदायिक विद्यालयका ३ महिला प्रधानाध्यापक सम्मानित भएका हुन् ।
सम्मानित हुनेमा अमर माध्यमिक विद्यालय हेटाैडा १ की प्रधानाध्यापक मालती उप्रेती, बाराही निम्न माध्यमिक विद्यालय हेटाैडा १ की प्रधानाध्यापक मञ्जु देबकोटा र भावना प्राथमिक विद्यालय हेटाैंडा १८ की प्रधानाध्यापक रुपा रिजाल रहेका छन् ।
डेक नेपालकाे सहकार्य र शिक्षा विकास तथा समन्वय इकाई मकवानपुरको समन्वयमा शिक्षाका लागि राष्ट्रिय अभियान नेपाल(एनसीई) मकवानपुरले कार्यक्रम आयोजना गरेको थियो । कार्यक्रमका प्रमुख अतिथी एवं जिल्ला समन्वय समिती मकवानपुरका प्रमुख रघुनाथ खुलालले उनीहरुलाई प्रशंसापत्र प्रदान गरेका थिए ।
जिल्ला समन्वय समिती मकवानपुरका प्रमुख खुलालको प्रमुख आतिथ्य, शिक्षा विकास तथा समन्वय इकाई मकवानपुरका प्रमुख प्रेमराज खरेल र शाखा अधिकृत कृष्णप्रसाद पौडेलको विशेष आतिथ्य तथा शिक्षाका लागि राष्ट्रिय अभियान नेपाल, बागमती प्रदेश संयोजक प्रकाश खतिवडाको अध्यक्षतामा भएको थियो ।
कार्यक्रममा बागमती प्रदेश संयोजक खतिवडाले गुणस्तरीय शिक्षाका लागि अभिभावकको भूमिका र शिक्षकको उत्तरदायित्व विषयक कार्यपत्र प्रस्तुत गरेका थिए । शिक्षाका लागि राष्ट्रिय अभियान नेपाल(एनसीई) मकवानपुरका जिल्ला संयोजक बुद्धविर लामाले सहजिकरण गरेको कार्यक्रममा बंशगोपाल माध्यमिक विद्यालयका प्रधानाध्यापक रमेश प्रसाद लामिछाने, अमर माध्यमिक विद्यालयकी प्रधानाध्यापक मालती उप्रेती, प्राध्यापक एवं पत्रकार सुरेश श्रेष्ठ लगायतले अन्तर्राष्ट्रिय शिक्षा दिवसको बारेमा मन्तव्य व्यक्त गरेका थिए । हरेक बर्ष अक्टोबर ५ मा मनाईने अन्तर्राष्ट्रिय शिक्षक दिवसको यसबर्षको नारा ‘शैक्षिक सुधारको केन्द्रमा शिक्षक’ भन्ने रहेको छ ।
मकवानपुर । मकवानपुरको मकवानपुरगढी गाउँपालिकामा गाउँपालिका स्तरीय फुटसल प्रतियोगिता–२०७८ सुरु भएको छ । गाउँपालिका अध्यक्ष विदुर हुमागाईले मंगलबार उद्घाटन गरी प्रतियोगिताको सुरूवात गरेका छन् ।
गढी स्टार स्पोर्टस क्लबको आयोजना तथा मकवानपुरगढी गाउँपालिकाको प्रायोजनमा प्रतियोगिता सुरु भएको हो । फुटसल प्रतियोगितामा २४ वटा टिम सहभागि भएको आयोजककाे तर्फबाट सुभाष अधिकारीले जानकारी दिए । प्रतियोगितामा प्रथम हुनेले नगद ५० हजार, द्वितीय हुनेलाई ३५ हजार र तृतीय हुनले २० हजार रुपैयाँ प्राप्त गर्नेछन् ।
मंगलबाट सुरु भएको प्रतियोगितामा पहिलो दिन ६ वटा खेल खेलाइएको थियो । यस्तै बुधबारबाट दैनिक ८ वटा खेल खेलाउने तयारी भएकाे अधिकारीले बताए ।
मकवानपुर । हेटौंडा उपमहानगरपालिका वडा नम्बर १० स्थित बसपार्कमा नागरिक यात्रु सहायता कक्ष (हेल्प डेक्स) स्थापना गरिएको छ ।
सामुदायिक प्रहरी सेवा उपकेन्द्र हेटौंडा १० र जिल्ला प्रहरी कार्यालय मकवानपुरको समन्वयमा नागरिक यात्रु सहायता कक्ष स्थापना गरिएको हो । नजिकिदै गरेको नेपालिहरुको महान चाड दशैं , तिहारमा यात्रुहरुको चाप बढ्ने भएकाले यात्रुहरुलाई परेको सम्स्यामा तत्काल सहायता गर्न तथा हुन सक्ने सम्भावित घटनाहरुलाई न्यूनीकरण गर्न नागरिक यात्रु सहायता कक्षको स्थापना गरिएको सामुदायिक प्रहरी सेवा उपकेन्द्र हेटौंडा १० का अध्यक्ष प्रदीप कडेलले जानकारी दिए ।
सामुदायिक प्रहरी सेवा उपकेन्द्र अध्यक्ष कडेलको सभाध्यक्षतामा भएको कार्यक्रममा जिल्ला प्रहरी कार्यालय मकवानपुरका प्रहरी उपरीक्षक सोमेन्द्र सिंह राठौरले उक्त सहायता कक्षको उद्घाटन गरेका हुन् । कार्यक्रममा हेटौंडा उपमहानगरपालिका वडा नम्बर १० का अध्यक्ष किताब सिंह लामा ,सामुदायिक प्रहरी सेवा केन्द्र थानाभर्याङका अध्यक्ष शालिकराम पुडासैनी , सामुदायिक प्रहरी सेवा केन्द्र पशुपतिनगरका अध्यक्ष राम विष्ट , वडा प्रहरी कार्यालय मकवानपुरका प्रहरी निरीक्षक कृष्ण प्रसाद विष्ट लगायतको उपस्थिति थियो ।