मकवानपुर । मकवानपुरको मकवानपुरगढी गाउँपालिकामा गाउँपालिका स्तरीय फुटसल प्रतियोगिता–२०७८ सुरु भएको छ । गाउँपालिका अध्यक्ष विदुर हुमागाईले मंगलबार उद्घाटन गरी प्रतियोगिताको सुरूवात गरेका छन् ।
गढी स्टार स्पोर्टस क्लबको आयोजना तथा मकवानपुरगढी गाउँपालिकाको प्रायोजनमा प्रतियोगिता सुरु भएको हो । फुटसल प्रतियोगितामा २४ वटा टिम सहभागि भएको आयोजककाे तर्फबाट सुभाष अधिकारीले जानकारी दिए । प्रतियोगितामा प्रथम हुनेले नगद ५० हजार, द्वितीय हुनेलाई ३५ हजार र तृतीय हुनले २० हजार रुपैयाँ प्राप्त गर्नेछन् ।
मंगलबाट सुरु भएको प्रतियोगितामा पहिलो दिन ६ वटा खेल खेलाइएको थियो । यस्तै बुधबारबाट दैनिक ८ वटा खेल खेलाउने तयारी भएकाे अधिकारीले बताए ।

