मकवानपुर । प्रेस युनियन मकवानपुरले नेपाली कांग्रेसको स्थानीय निर्वाचन जागरण घोषणा सभा कार्यक्रमको पूर्वसन्ध्यामा शनिबार पत्रकार सम्मेलन गरेकाे छ । पार्टीकाे ‘घरघर जाउ, कांग्रेस जिताउ’ अभियानका बारेमा जानकारी दिन पत्रकार सम्मेलन गरिएकाे नेपाली कांग्रेस मकवानपुर सभापति बुद्ध लामाले बताए ।
नेपाली काग्रेसले फागुन २९ गते आइतबार देशका ७७ वटै जिल्लामा स्थानीय निर्वाचन जागरण घोषणा सभा आयाेजना गर्ने भएकाे छ । मकवानपुर जिल्लामा समेत आईतबार विहान ११ बजे स्थानीय निर्वाचन जागरण घोषणा सभा आयाेजना गरिने पत्रकार सम्मेलनमा लामाले जानकारी दिए ।
पत्रकार सम्मेलनमा सभापति लामाले स्थानीय निर्वाचन जागरण घोषणा सभा तथा घरघर जाउँ, कांग्रेस जिताउँ अभियानका बारेमा जानकारी गराएकाे थिए । कार्यक्रममा अध्यक्ष लामाले स्थानीय तहकाे आसन्न निर्वाचनकाे लागि मकवानपुरकाे सवै स्थानीय तहका १ सय २ वटै वडामा घरदैलाे मार्फत अभियान संचालन गरिने जानकारी दिए ।
गत चुनावमा कांग्रेसले जितेका स्थानीय तहमा भएका काम तथा हुन नसकेका हालसम्म काम सम्बन्धमा स्थानीयसँग जानकारी दिने तथा अन्य पार्टीले जितेका स्थानीय तहमा उनीहरुले गरेका काम, जनतालाई आश्वासन मात्र बाढिएकाे दुख पाएका लगायतका विषयमा ‘घरघर जाउँ, कांग्रेस जिताउँ’ अभियान संचालन हुने लामाले बताए ।
‘यस अघीकाे चुनावमा पार्टीले प्रायः स्थानीय तहमा थाेरै मतकाे कारण पराजय भाेग्नु परेकाेले छ’ लामाले भने– बैशाख ३० गते हुने स्थानीय तहकाे चुनावमा कांग्रेसलाई जीताउने गरी अभियान वडा वडा लैजाने छाै ।’ मतदाता शिक्षाकाे कमीकाे कारण धेरै मत बदर भएकाे तथा आफ्नाे पार्टीका उम्मेदवार झिनाे मतान्तरकाे कारण पराजय हुनु परेकाेले मतदाता शिक्षा समेतसँगै लैजाने सभापति लामाले बताए ।
अभियानले चुनावमा उम्मेदवार हुने व्यक्तिहरुकाे समेत जनताका वीच लाेकप्रीयताकाे मत सर्वेक्षण गरिने र साेही अनुसार उम्मेदवारकाे लागि नामावली तयार पारिने लामाले बताए । जनता माझ लाेकप्रीय नेतालाई अवकाे स्थानीय तह चुनावमा उम्मेदवारी बनाउने उनले जानकारी दिए । ‘अहिले व्यक्तिगत उम्मेदवारी घाेषणा गर्ने प्रवृत्ति देखिएकाे छ’ उनले भने–‘पार्टी विधि विधान अनुसार चल्ने भएकाेले पार्टीको नीति अनुसार नेता चल्नुपर्छ । आफूलाई केन्द्रविन्दुमा राखेर घोषणा गर्नुहुँदैन ।’ केन्द्रीय नीतिकाे आधारमा अघी बढ्छाै’ उनले भने । व्यक्तिले व्यक्तिगत स्वतन्त्रताकाे उपगाेग गरी उम्मेदवारी घाेषणा गरिरहेकाे भए पनि त्याे पार्टीकाे आधिकारिता नहुने उनले बताए ।
प्रेस युनियन मकवानपुर अध्यक्ष कुमार अधिकारीकाे सभाध्यक्षतामा भएकाे कार्यक्रममा काग्रेसका नव निर्वाचित सभापति लामाकाे प्रमुख आथित्यता रहेका थियाे । कार्यक्रममा कांग्रेस मकवानपुरका नव निर्वाचित पदाधिकारीहरुकाे उपस्थिती रहेकाे थियाे ।
विजुलीमाया वनः श्रेष्ठ अन्तर्राष्ट्रिय संगीत पुरस्कारबाट संगीतकार दीपक जङ्गम सम्मानित
Tags: No Comments
मकवानपुर । संगीतकार तथा प्राध्यापक दीपक जङ्गम १ लाख नगद सहित हेटाैंडामा सम्मानित भएका छन् । शनिबार भीम विराग सङ्गीत साहित्य कला प्रतिष्ठान नेपाल मकवानपुरले विजुलीमाया वनः श्रेष्ठ अन्तर्राष्ट्रिय संगीत पुरस्कारबाट जङ्गमलाई सम्मानित गरेकाे हाे ।
भीम विरागको १० औं स्मृती दिवसमा शनिबार हेटौंडामा प्रतिष्ठानले आयाेजना गरेकाे सम्मान तथा सांगीतिक कार्यक्रमका बीच प्रमुख अतिथि साहित्यकार तथा प्राध्यापक एलवी क्षत्रीले उक्त पुरस्कार जंगमलाई प्रदान गरेका हुन् । २०६४ सालमा स्थापना भई प्रतिष्ठानको व्यवस्थापनमा उक्त सम्मान हरेक वर्ष प्रदान गर्दै आइरहेको छ ।
विजुलीमाया वनः श्रेष्ठ अन्तर्राष्ट्रिय संगीत पुरस्कारकाे १३ ओं सस्करणबाट यस बर्ष जंगमलाई सम्मानित गरिएकाे हाे । २०६४ सालमा वरिष्ठ संगीतकार अम्बर गुरुङलाई पुरस्कार प्रदान गरि सुरु गरिएको पुरस्कार गतवर्ष नेपाली भाषी भारत दार्जिलिङकी गायिका दाबा ग्याल्मोलाई प्रदान गरिएको थियो । फागुन १५ गते आईतबार भीम विराग सङ्गीत साहित्य कला प्रतिष्ठान मकवानपुरले जंगमलाई उक्त सम्मानबाट सम्मानित गर्ने निर्णय गरेकाे थियाे ।
२०१० सालमा भक्तपुरमा जन्मिनु भएका संगीतकार जङ्गमले हालसम्म चार हजार भन्दा बढी गीतमा संगीत भरेका छन् भने दुई सय भन्दा बढी गीतमा आफ्ना स्वर दिएका छन् । हेटौंडाका व्यवसायी/समाजसेवी कन्हैयाकृष्ण श्रेष्ठले आफ्नी आमाको नाममा १ लाख राशीकाे विजुलीमाया वनः श्रेष्ठ अन्तर्राष्ट्रिय संगीत पुरस्कार स्थापना गरेका हुन् ।

यसैगरी यस वर्षकाे भीम विराग युवा सगीत पुरस्कारबाट युवा गायक शिव परियार सम्मानित भएका छन् । २५ हजार राशीकाे उक्त सम्मानबाट परियारलाई प्रमुख अतिथि क्षेत्री सम्मानित गरेकाे हुन् । हेटाैडाका समाजसेवी निरा गाेर्खालीकाे व्यव्थापनमा उक्त पुरस्कार प्रदान गरिएकाे भीम विराग सङ्गीत साहित्य कला प्रतिष्ठान नेपाल मकवानपुर अध्यक्ष ह्याग्रिव आचार्यले बताए । गत वर्ष उक्त पुरस्कार पाेखराकाे महिलाहरुले मात्र संचालन गरेकाे हार्माेनिक सांगीतिक समूहलाई प्रदान गरिएकाे प्रतिष्ठानले जनाएकाे छ ।
उक्त पुरस्कार सँगसँगै अन्य १० वटा पुरस्कार पनि प्रतिष्ठानको व्यवस्थापनमा प्रदान गरिदै आएकाे प्रतिष्ठानका अध्यक्ष आचार्यले जानकारी दिए । वर्षमा २ पटक कार्यक्रम आयाेजना गरी प्रतिष्ठानले व्यवस्थापन गरेकाे पुरस्कार प्रदान गर्दै आएकाे बताइएकाे छ । २०५९ असारमा तरगं सांगीतिक परिषद् मकवानपुरले भीम विरागकाे नाममा सांगीतिक साझँ कार्यक्रम आयाेजना गरेकाे थियाे । उक्त कार्यक्रमबाट संकलन भएकाे रकमकाे सदुपयाेग गर्नकाे लागि भीम विरागकै अनुराेधमा २०५९ भदाैमा प्रतिष्ठान स्थापना गरिएकाे अध्यक्ष आचार्यले बताए ।
पुरस्कार सम्मान कार्यक्रम पश्चात पुरस्कृत व्यक्तीद्वय जंगम र परियारले आआफ्नो सांगीतिक प्रस्तुती दिएका थिए । प्रतिष्ठानका अध्यक्ष आचार्यको अध्यक्षता तथा वरिष्ठ साहित्यकार तथा प्राध्यापक क्षेत्रीको प्रमुख अतिथ्यतामा भएकाे सम्मान तथा सांगीतिक कार्यक्रममा भीम विराग तथा प्रतिष्ठानका बारेमा गायिका सुशीला मानन्धर पाण्डे परिचय गराएकी थिइन् ।
कार्यक्रममा प्रतिष्ठानका सल्लाहकार तथा वरिष्ठ साहित्यकार तुल्सी थापा, मुक्तिगोविन्द वैद्य, गायिका मानन्धर, कोषाध्यक्ष निरा शर्मा, पुरस्कार संस्थापक कन्हैयाकृष्ण श्रेष्ठ तथा निरा गाेर्खाली लगायत विभिन्न कला, साहित्य, संगीतक्षेत्रका व्यक्ति तथा साहित्य र संगीत प्रेमीहरुकाे उपस्थिति रहेको थियो ।
मकवानपुर । बकैया गाउँपालिकाकाे हात्तीसुडेमा सार्वजनिक पुस्तकालय स्थापना हुने भएकाे छ । पुस्तकालय अभियान समूह मकवानपुरको समन्वयमा बकैया ३, हात्तीसुँडेमा हात्तीसुँडे सार्वजनिक पुस्तकालय स्थापना गरिने भएको हाे ।
बकैया कला–साहित्य महोत्सव–२०७८ उद्घाटन समारोहमा पुस्तकालय अभियान समूहले पुस्तकालय स्थापनाका लागि शुक्रबार ५० हजार रुपैयाँ बराबरको पुस्तक सहयोग गरेको छ । पुस्तकालय अभियान समूहका सदस्य प्रताप विष्टले बकैया गाउँपालिकाका अध्यक्ष दामोदर खनाल र ३ नम्बर वडा अध्यक्ष दिलबहादुर भोम्जनलाई पुस्तक हस्तान्तरण गरेका छन् । पुस्तक ग्रहण पछी वडा अध्यक्ष भोम्जनले वडा कार्यालयमै अथवा उपयुक्त स्थानमा पुस्तकालय स्थापना गरिने बताए ।
कार्यक्रममा पुस्तकालय अभियान समूहको विषयमा पुस्तकालय अभियान समूहका सदस्य सुरेश श्रेष्ठले जानकारी गराएका थिए । पुस्तकालय स्थापनाका लागि झरना साहित्यिक परिवारले पनि आवश्यक सहजीकरण गर्ने भएकाे छ । महोत्सवकै अवसरमा पुस्तकालय स्थापनाका लागि पहल गरेको साहित्यिक परिवारले पुस्तक संकलनको कार्य समेत गरेको छ । पुस्तकालय अभियान समूह र गाउँपालिकासँग समेत समन्वय गरी पालिकाका सवै वडामा पुस्तकालय स्थापना गर्ने लक्ष्य लिइएको झरनाका अध्यक्ष दीपक गौतमले जानकारी दिए ।
पुस्तकालय अभियान समूहले यस अघी १३ वटा पुस्तकालय स्थापना गरिसकेको श्रेष्ठले बताए । यसअघि बकैया गाउँपालिकाको ४ र ७ नम्बर वडामा पनि अभियान समूहले पुस्तकालय स्थापना गरिसकेको छ । हात्तीसुँडे सार्वजनिक पुस्तकालयका लागि पुस्तक खरिद गर्न हेटौंडा–४ स्थित हेटौंडा क्याम्पसले आर्थिक सहयोग गरेको हो ।
मकवानपुर । मकवानपुरको राक्सिराङ गाउँपालिका खैराङमा स्वास्थ्य सेवा केन्द्र भवनकाे उद्घाटन गरिएकाे छ राक्सिराङको वडा नम्बर ९ स्थित खैराङ कोखारीमा शुक्रबार आधारभूत स्वास्थ्य सेवा केन्द्रको भवन उद्घाटन गरिएको हाे ।
स्वास्थ्य सेवा केन्द्र भवनको शुक्रबार बागमती प्रदेश भौतिक पूर्वाधार विकास राज्यमन्त्री सन्तबहादुर प्रजाले उद्घाटन गरेका हुन् । राक्सिराङका विभिन्न वडामा स्वास्थ्य संस्थाकाे पक्की भवन निर्माण गर्ने काम भइरहेकाे छ । यसै क्रममा ३८ लाख रुपैयाँ लागतमा खैराङ कोखारीमा पनि स्वास्थ्य भवन निर्माण गरिएको गाउँपालिकाले जनाएकाे छ ।
स्वास्थ्य भवनकाे उद्घाटन गर्दै राज्यमन्त्री प्रजाले सपना बाँड्ने कम्युनिष्टहरुले केही काम गर्न नसकेकाले अब विकासको जिम्मेवारी कांग्रेसको काँधमा आएको बताए । कांग्रेसले नेतृत्व गरेको विकट राक्सिराङ गाउँपालिकामा विकासका धेरै काम गर्न सफल भएको भन्दै उनले प्रशंसा गरे । शिक्षा, स्वास्थ्य, यातायात, पूर्वाधारलगायतको क्षेत्रमा महत्वपूर्ण काम भएको भन्दै आफ्नो कार्यकालमा पनि राक्सिराङमा प्रयाप्त बजेट छुट्याउने प्रतिवद्धता उनले जनाए ।
गाउँपालिका अध्यक्ष राजकुमार मल्लले गाउँपालिकाको बजेटले धान्न नसकेका योजनाहरु प्रदेशबाट छुट्याउन राज्यमन्त्री प्रजालाई आग्रह गरे । विकासका लागि अझै समस्या र चुनौतीहरु धेरै रहेको स्मरण गर्दै उनले सबैको साथ र सहयोग लिएर राक्सिराङको आवश्यकता पूरा गर्न आफूले पर्याप्त काम गरेको दावी गरे।
राक्सिराङ गाउँपालिका ९ नम्बर वडा अध्यक्ष रामकुमार बाल्पा थिङको अध्यक्षतामा भएको कार्यक्रममा गाउँपालिकाका प्रमुख प्रशासकीय अधिकृत देवचन्द्र गर्ताैला, बागेश्वरी आधारभूत विद्यालयका विद्यालय व्यवस्थापन समितिका अध्यक्ष राजन मल्ल ठकुरी, राज्यमन्त्रीका निजी सचिव खेम चेपाङ, कोखारी स्वास्थ्य सेवा केन्द्रका कर्मचारी जीवन ठकुरी, निर्माण व्यवसायीका प्रतिनिधि बालकृष्ण खत्रीलगायतले मन्तव्य व्यक्त गरेका थिए ।
मकवानपुर । मकवानपुरको मकवानपुरगढी गाउँपालिकाका सबै वडाहरु बालमैत्री घोषणा गरिएको छ । गाउँपालिकालाई बालमैत्री घोषणाको पूर्व तयारी अनुरुप शुक्रबार सबै वडाहरु बाल मैत्री घाेषणा गरिएकाे हाे । आगामी चैत्र १२ गते बालमैत्री स्थानीय शासन घोषणा गरिने तयारीमा रहेको गाउँपालिकाले ८ वटै वडामा विभिन्न कार्यक्रम गरि बालमैत्री वडा घोषणा गरेको हो ।
वडा नम्बर १ मा वडा अध्यक्ष आइतसिं लोको अध्यक्षता भएको कार्यक्रममा पालिका कृषि शाखा प्रमुख चन्द्रकान्त चौधरी, बालमैत्री कार्यक्रम संयोजक रामप्रसाद दाहाल, वडा सदस्यहरु, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुको उपस्थिती भई सामुहिक प्रतिवद्धता गर्न लगाई वडालाई बालमैत्री घोषणा गरेका थिए । कार्यक्रममा रानीसेरा माविका प्रअ सुन्दर सिं लोको नेतृत्वमा शान्तिपूर्ण बालमैत्री ¥याली सहित विद्यार्थीहरुको सहभागिाता रहेको थियो ।
त्यसैगरि वडा नम्बर २ लाई वडा अध्यक्ष बखान सिं पाख्रीनको अध्यक्षता तथा पालिका उपाध्यक्ष हर्कमाया रुम्बाको प्रमुख अतिथ्यतामा वडालाई बालश्रम निकृष्ट र बालविवाह मुक्त वडा भन्दै बालमैत्री वडा घोषणा गरिएको छ । कार्यक्रममा कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए ।
वडा नम्बर ३ मा वडा अध्यक्ष भागवत घिमिरेको अध्यक्षता तथा पालिका प्रमुख प्रशासकीय अधिकृत रामकुमार पुडासैनी, वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरिएको थियो ।
वडा नम्बर ४ मा वडा अध्यक्ष रामप्रसाद तिमल्सिनाको अध्यक्षता तथा पालिका महिला तथा बालबालिका शाखा प्रमुख मन्दिरा थापा, वडा सदस्यहरु कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरिएको थियो ।
गाउँपलिकाको अध्यक्ष विदुर हुमागाईको प्रमुख अतिथ्यतामा तथा वडा नम्बर ५ को अध्यक्ष जीत बहादुर घिमिरेको सभाध्यक्षतामा ५ नम्बर वडालाई बाल मैत्री घोषणा गरेका छन् । पञ्चेबाजा सहित धादिङ बजारलाई परिक्रमा गर्दै बालमैत्री सम्बन्धी विभिन्न नारा लगाइएको थियो ।
पालिका अध्यक्ष हुमागाईले वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए । साथै प्रतिवद्धता स्वरुप सामूहिक हस्ताक्षर गरि वडामा बाल विवाह मुक्त र बाल श्रम निकृष्ट वडा घोषणा गरेका थिए ।
यसैगरि वडा नम्बर ६ का वडा अध्यक्ष टिका प्रसाद दाहालको अध्यक्षतामा भएको कार्यक्रममा पालिका स्वास्थ्य शाखा प्रमुख ध्रुवप्रसाद लामिछाने, वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए ।
वडा नम्बर ७ का वडा अध्यक्ष सुर्य बहादुर रुम्बाको अध्यक्षतामा भएको कार्यक्रममा पालिकाका शिक्षा शाखा प्रमुख राम घलान, वडा सदस्य, कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरिएको थियो ।
त्यस्तै वडा नम्बर ८ का अध्यक्ष कुमार घिसिङको अध्यक्षतामा भएको कार्यक्रममा पालिकाका कर्मचारी प्रशासन शाखा प्रमुख सुर्य बहादुर गुरुङ, वडा सदस्य कार्यपालिका सदस्य, वडाका कर्मचारी, राजनितिक दलका प्रमुख, विभिन्न सामाजिक संघ संस्थाहरु वन, सहकारी, टोलविकास, विद्यालयका शिक्षक शिक्षिकाहरुलाई सामुहिक प्रतिवद्धता गर्न लगाई वडालाई बालमैत्री घोषणा गरेका थिए ।
सबैवडामा विभिन्न बालमैत्री सम्बन्धी नारा लगाएर, खैजेडी, गीत प्रस्तुत, नृत्य प्रदर्शन गरि वडा घोषणा गरिएको छ । बालमैत्री गाउँपालिका घोषणाको लागि पुग्नुपर्ने सुचकहरु सतप्रतिशत पुगिसकेकाले वडा घोषणा गरिएको बालमैत्री कार्यक्रम संयोजक रामप्रसाद दाहालले बताए ।
वडालाई बाल विवाह मुक्त, निकृष्ट बालश्रम मुक्त वडा घोषणा भएकाले वडालाई बालमैत्री घोषणा गरिएको पालिकाका प्रमुख प्रशासकीय अधिकृत रामकुमार पुडासैनीले बताए । ‘शुक्रबार सबै वडा बालमैत्री घोषणा भएकाले सबै सुचकहरुकाे जिल्ला समन्वय समिति र बागमती प्रदेश सरकारबाट अनुगमन, मुल्यांकन हुनेछ‘ पुडासैनीले भने – ‘चैत १२ गते शनिबार बृहत कार्यक्रमको आयोजना गरि गाउँपालिकालाई बालमैत्री स्थानीय शासन घोषणा गरिने छ ।
बालमैत्री वडा घाेषणाकाे लागि गाउँपालिकाले प्रत्येक वडामा बालमैत्री सहजकर्ता राखी काम गरेकाे थियाे । २०७८ मंसिरमा घोषणा गर्न तयारी रहदाँ रहदैँ कोरोना भाइरस संक्रमणका कारण हुन सकेकाे थिएन । गाउँपालिकाले बालमैत्री स्थानीय शासन घोषणा निर्देशिका २०७८ अनुसार ५१ वटा सुचकका आधारमा काम गरेको थियो । ५१ वटा सुचकहरुमा बाँच्न पाउने अधिकारमा १४ वटा, संरक्षणको अधिकारमा १० वटा, विकासको अधिकारमा ६ वटा, सहभागिताको अधिकारमा ६ वटा र संस्थागत सुचकमा १५ वटा रहेका छन् ।
मकवानपुरगढी बालमैत्री घोषणा गर्ने नेपालको गाउँपालिका मध्ये चौथो, बागमती प्रदेशमा तेस्रो र मकवानपुर जिल्लामा पनि तेस्रो गाउँपालिका रहेको संयोजक दाहालले बताए । उनले बालमैत्री स्थानीय शासन कार्यान्वयन निर्देशिका २०७८ अनुसार भने नेपालकै दोस्रो गाउँपालिकाको रुपमा मकवानपुरगढी रहेको बताए । बालमैत्री घोषणा गर्ने पहिलो गाउँपालिका पाल्पा जिल्लाको रम्भा गाउँपालिका रहेको छ ।