मकवानपुर । शुक्रबार हुने स्थानीय तह सदस्य निर्वाचन २०७९ को सुरक्षार्थ मकवानपुरमा ३ हजार २ सय ७३ जना सुरक्षाकर्मी खटिएका छन् ।
सरकारले निर्वाचनलाई शान्तिपुर्ण र विश्वस्त बनाउन उक्त संङख्यामा सुरक्षाकर्मी खटाइसकेको छ,तर सरकारले गराउने लागेको निर्वाचन प्रति दलहरूले भने विश्वास नगरेको छनक मकवानपुरमा देखिएको छ ।
निर्वाचनको लागि भनेर नेपाल कम्युनिष्ट पार्टी माओबादी केन्द्रले आफ्ना युवा दस्ता वाईसीएललाई बुथ बुथमा खटाउने भएको छ । निर्वाचन सुरक्षाका लागि सरकारले १ हजार ४ सय ७३ जना म्यादी प्रहरी, नेपाली सेना ५ सय जना, सशस्त्र प्रहरी ४ सय जना, नेपाल प्रहरी ९ सय जना खटाइने मकवानपुर जिल्लाका प्रमुख जिल्ला अधिकारी भरतमणी पाण्डेले जानकारी दिए । मतदान केन्द्र भित्र सुरक्षा प्रदान गर्न प्रहरी खटिने र मतदान केन्द्र बाहिरा सेना खटाइनेछ ।
यता माओवादीले पार्टी निकट युवाहरुको संगठन वाईसिएल मकवानपुरले ६ हजारको संङ्ख्यामा वाइसीएल खटाउने भएको छ । आसन्न स्थानिय चुनाव भयरहित बनाउन र शान्ति सुरक्षा कायम गर्नको लागि भन्दै जिल्लाका बुथहरुमा वाइसिएल खटाउन लागेको हो। वाइसिएल मकवानपुरका संयोजक लवराज ठकुरीको अनुसार निर्वाचनलाई निश्पक्ष र भयरहित बनाउनको लागि स्वयंसेवकको रुपमा वाइसिएललाई खटाउने भएको हो ।
जिल्लामा ‘१ बुथ २५ युथ भन्ने’ नारासहित वाइसिएलले सुरक्षमा खट्न लागेको संयोजक ठकुरीले बताए । प्रशासनले अतिसंवेदनशील र संबेदनशिल भनेको स्थानहरुमा भने ५० देखी ६० जना खटाइने वाइसीएल खटिने ठकुरीले बताए ।
निर्वाचनको मौन अबधी सुरु भएपछी भित्रीरुपमा गरिने चलखेल तथा अपराधिक गतिबिधीहरुमा वाइसिएल मकवानपुरले निगरानी राख्ने ठकुरीको दाबि छ । तर वाइसीएलकै कारण वातावरणमा भयरहित हुनेमा भने आशंका रहेको नेपाली कांग्रेसका एक युवा नेताले बताए ।
‘प्रत्येक मतदातालाई भयरहित वातावरणमा आफूले चाहेको प्रतिनीधि छान्ने अधिकारको सुरक्षा गर्न वाइसिएल नेपाल लागि पर्ने भनिएको छ,तर उनीहरूले नै विवेकपुर्ण मतलाई यताउता गर्न लगाए भने के होला’ उनले भने । बुथमा कुनै पनि वाहानामा दल निकट व्यक्ति बस्दा मतदातालाई प्रभाव पार्ने गरि बस्न नमिल्ने निर्वाचन आयोगले प्रस्ट्याएको छ ।
सुरक्षाको वाहानामा वाइसिएल खटाइए कारवाही: मुख्य निर्वाचन अधिकृत
मकवानपुर जिल्लाका मुख्य निर्वाचन अधिकृत डिल्लीरत्न श्रेष्ठले बुथ सुरक्षाको वाहानामा वाइसिएल खटाइए कारवाही हुने बताएका छन् । “मतदान प्रणालीलाई निष्पक्ष र भय रहित बनाउनको लागि नेपाल सरकारले नै सुरक्षाकर्मी खटाएर पाठाएको छ,त्यसरी जो बस्न मन लाग्यो त्यसले सुरक्षा गर्न पाउने भए किन राज्यको अर्वौं खर्च गर्नुपर्यो” श्रेष्ठले भने “यसो हुन दिदैनौ मतदातालाई कुनै असर पर्न हुन्न ।”
सरकारी मान्यता प्राप्त सुरक्षाकर्मी बाहेक कसैले यो भूमिका नपाउने उनले बताए । “सरकारले खटाएको सुरक्षाकर्मी भन्दा दलको युवा संगठन कसरी विश्वासिला ?” उनले प्रश्न गरे ।
बर्ड फ्लू प्रमाणित भएपछि हेटौंडाको ६ हजार कुखुरा नष्ट गरियो
Tags: No Comments
मकवानपुर । हेटौंडा उपमहानगरपालिकाको २ स्थानमा व्यवसायीक कुखुरा फार्ममा बर्ड फ्लू प्रमाणित भएपछि आज ६ हजार कुखुरा नष्ट गरिएको छ ।
हेटौंडा १८ हर्नामाडीको एउटा र हेटौंडा ७ नागश्वतीको दुईवटा व्यवसायीक कुखुरा फार्ममा रहेका कुखुरा एक्कासि मर्न थालेपछि पिसिआर टेस्ट गर्दा बर्ड फ्लू प्रमाणित भएको थियो ।
भेटेरीनरी अस्पताल तथा पशु सेवा विज्ञ केन्द्र हेटौंडाका अनुसार हेटौंडा–७, नागश्वती र हेटौंडा–१८, हर्नामाडी क्षेत्रमा बर्डफ्लु पुष्टि भएको हो । हेटौंडा उपमहानगरपालिका वडा न १८ हर्नामाडीमा राजकुमार दुलालको फार्ममा रहेको १ हजार ५ सय कमर्सियल लेयर्स प्रजातिको कुखुरामा बर्ड फ्लू पुष्टि भएपछि २४ गते कुखुरा नष्ट गर्ने तयारी गरिएको थियो ।
तर कुखुरा नष्ट गर्न गएको बिज्ञ टोलिलाई नै आशंका लागेपछि पुन: नमुना परिक्षण गर्न पठाईएकोमा फेरि पनि पोजेटिभ नतिजा आएको भेटेरेनरी अस्पताल तथा पशु सेवा बिज्ञ केन्द्रका प्रमुख डाक्टर ब्रज किशोर ठाकुरले बताए। बैठकमा कुखुरा व्यवसायी संघ, मकवानपुर उद्योग वाणिज्य संघ, सुरक्षा निकायका प्रतिनिधिहरूको उपस्थितिमा कुखुरा नष्ट गरिएको हो ।
यता हेटौंडा–७ को रिना थापाको रितिका पोल्ट्री फर्म र रामू सिलवालको रिया पोल्ट्री फर्ममा बर्डफ्लु प्रमाणित भएको रिपोर्ट आज प्राप्त भएको हो । कुखुरा मरेपछि गतशुक्रबार ल्याब परीक्षण गर्न काठमाडौंस्थित पशु रोग अन्वेषण प्रयोगशालामा नमुना पठाइएको थियो ।
आज कुखुरा ६ हजार वटा, अन्डा ११ हजार ५९६ वटा, दाना ३ बोरा नष्ट गरिएको मकवानपुर उद्योग वाणिज्य संघका उपाध्यक्ष राजु अधिकारले बताए । ११ दिनअघि हेटौंडा ७ नागश्वतीमा बर्ड फ्लू पुष्टि भएपछि लेयर्स कुखुरा ३ हजार ४५३ वटा, अण्डा ५ हजार ७८० गाेटा र ४५० केजी दाना नष्ट गरिएको थियो ।
मकवानपुर । मकवानपुरको बकैया गाउंपालिकामा चुनावी माहोलको विषयमा गठबन्धन भित्रै विवाद हुदा झडप भएको छ । झडपमा परि २ जना घाइते भएका छन् ।
बकैया गाउँपालिका वडा ७ कत्लेखोलामा भएको विवादमा कुटाकुट हुंदा दुईजना घाईते भएका छन् । कुटपिटबाट नेपाली कांग्रेस निकट रामबहादुर राईले २०–२५ जना कार्यकर्ताको परिचालन गरेको बुझिएको प्रहरीले जनाएको छ ।
राईले माओवादी केन्द्रका कत्लेखोला टोल कमिटि अध्यक्ष विष्णु राई र राप्रपा गाउँकमिटि उपाध्यक्ष हरि राईलाईलाई निर्घात कुटपिट गरेको माओवादी केन्द्र मकवानपुरकी नेतृ तथा स्थानीय निर्वाचनको लागि बकैया वडा नंबर ७ की चुनावी कमाण्डर लक्ष्मी माझी‘कृपा’ले जानकारी दिईन् ।

घाइते विष्णु र हरिको हेटौँडा स्थित चुरेहिल अस्पतालमा उपचार भैरहेको माझीको भनाई छ । घटनाबारे जानकारी दिँदै प्रहरी कार्यालय हात्तिसुडेका सई दमन तामाङले आफूहरुलाई दुबै पक्षको निवेदन आएको र घाईतेको उपचार पश्चात घटनाको विषयमा थप छानविन हुने बताए ।
बकैयामा गाउँपालिकामा स्थानीय तह निर्वाचनको लागि गठबन्धनबिच उम्मेदवारको भागबन्डामा चित्त नबुझेर दलहरूले आ आफूले उम्मेदवारी दर्ता गरेका थिए । पछि सामन्य सहमतीपछी उम्मेदवारी फिर्ता लिएर गठबन्धनलाई जिताउने अभियानमा दलहरू लागेका थिए । यद्यपि आज फेरी कांग्रेस र माओवादी केन्द्र बिचको बिवाद मैदान मै देखिएको छ ।
मकवानपुर । मकवानपुरको हेटौंडा उपमहानगरपालिकामा १ सय १३ मतदान केन्द्र रहने भएको छ । बागमती प्रदेशको १ मात्र उपमहानगरपालिकामा ३० बैशाखमा हुने स्थानीय तह सदस्य निर्वाचन २०७९ को लागि २८ मतदान स्थलमा १ सय १३ मतदान केन्द्र तोकिएको प्रदेश निर्वाचन कार्यालयले जनाएको छ ।
मतदाता सख्याको आधारमा एउटा मतदान स्थलमा बढीमा ८ वटा सम्म मतदान केन्द्र रहेको छ । उपमहानगरपालिकामा कुल मतदाता १ लाख ४ हजार ४ सय ७३ जना रहेका छन । निर्वाचन कार्यालयका अनुसार निर्वाचनमा खटाउने मतदान अधिकृत, सहायक मतदान अधिकृत र कर्मचारीलाई तालिम दिइसकिएको छ ।
मुख्य निर्वाचन अधिकृतको कार्यालय हेटौंडाले आइतबारबाट निर्वाचनमा खटिने कर्मचारीहरुलाई नियुक्ति प्रदान गरेको छ । सोमबारसम्म जिल्लाका सबै मतदात केन्द्रमा खटिने कर्मचारीलाई नियुक्ति पत्र दिइ सकिने कार्यालयले जनाएको छ।
हेटौंडा नगरपालिका हुँदाको साबिक ११ वडा रहेकोमा साविक हर्नामाडी, हटिया, बसामाडी, चुरियामाई र पदमपोखरी गाउँ विकास समिति मिलाएर बनाईएको उपमहानगरपालिका १९ वडा रहेका छन ।
स्थानीय तह सदस्य निर्वाचन २०७९ को लागि हेटौंडा उपमहानगरपालिकाको नेकपा एमालेबाट प्रमुखमा अनन्त पौडेल र उपप्रमुखमा सुमित्रा काफ्ले प्रत्यासी रहेका छन् । यता सक्ताधारी गठबन्धन दलबाट प्रमुखमा मिना कुमारी लामा (नेकपा एस) र उप प्रमुखमा राजेश बानियाँ (नेपाली काङ्ग्रेस) रहेका छन् ।
यसैगरी राप्रपाबाट प्रमुखमा दिपकबहादुर सिंह र उपप्रमुखमा इन्दिरा न्यौपानेले उम्मेदवारी दिएका छन ।
विस २०७४ सालमा सम्पन्न स्थानीय तहको निर्वाचनमा हेटौंडा नगरपालिकाको प्रमुखमा नेकपा (एमाले) का हरि बहादुर महत र उपप्रमुखमा पनि एमालेकै मिना कुमारी लामा विजयी भएका थिए ।
मकवानपुर । चुनावी तयारीमा दाैडधुप गरिरहेका नेताहरु मतदानकाे समय नजिकिदै गर्दा पार्टी फेर्ने हाेड पनि चलिरहेकाे देखिन्छ । ३ दिन अघि राप्रपा परित्याग गरेका मकवानपुरका प्रभावशाली नेता नेकपा एकीकृत समाजवादी प्रवेश गरेका छन् ।
केही दिन एकीकृत समाजवादीका जिल्ला अध्यक्षले पार्टी परित्याग गरेर एमालेमा प्रवेश गरेका थिए । ३ दिन अघि राष्ट्रिय प्रजातन्त्र पार्टी (राप्रपा) परित्याग गरेका नेता मधु अधिकारी नेकपा (एकिकृत समाजवादी) प्रवेश गरेका हुन् ।
उनीसँगै उनकै छोरा तथा राप्रपा मकवानपुरका प्रवक्ता विशभ अधिकारी पनि नेकपा एस प्रवेश गरेका छन् । उनीहरु आज आइतबार पोखरा पुगेर एकीकृत समाजवादीमा प्रवेश गरेका हुन्। उनलाई पार्टी अध्यक्ष माधवकुमार नेपालले टिका लगाएर स्वागत गरेका थिए ।
राप्रपामा अझै पनि अवसरवाद, नातावाद र सामान्तवादको अभ्यास जारी रहेको थाहा पाएपछि आफू समाजवादी यात्रामा सामेल हुन नेकपा एस प्रवेश गरेको अधिकारीले बताए ।
राप्रपामा रहेर संगठन निर्माणको लागि नियमित काम गर्नेहरु नै पछाडि पर्नेको संख्या बढ्दै गएपछि आफूहरु नेकपा एसमा प्रवेश गरेको उनको दाबी छ ।