मकवानपुर । मकवानपुरको हेटौंडा उपमहानगरपालिकामा ५ हजार २ सय ६७ मतको गणना हुँदा गठबन्धनले अग्रता लिएको छ । उपमहानगरको मेयर पदमा गठबन्धन तर्फका उम्मेदवार नेकपा एकिकृत समाजबादीकी मिना लामाले १ हजार ५ सय ८९ मत ल्याउँदा नेकपा एमालेका उम्मेद्वार अनन्त पौडेलले १ हजार ५ सय ५० मत ल्याएर पछ्याउदै छन् ।
लामा र पौडेलको मतान्तर ३९ मत रहेको छ । मेयरका अर्का उम्मेदवार राप्रपाका दिपक बहादुर सिंहले १ हजार ४ सय १४ मत प्राप्त गरेका छन् । यसैगरि,उपमेयरमा कांग्रेसका राजेश बानियाले २ हजार २ सय ६३ मत ल्याउँदा एमालेकी सुमित्रा काफ्लेले १ हजार ८ सय ९१ मत ल्याएकी छन् । उपमेयरका अर्का उम्मेदवार राप्रपाकी इन्दिरा न्यौपानेले ३ सय ९० मत ल्याएकी छन् ।
मकवानपुर । बागमती प्रदेशको राजधानी हेटौंडा उपमहानगरपालिकामा बिहान ५:४५ बजेसम्मको नतिजा अनुसार एमालेले अग्रता लिएको छ ।
हालसम्म कुल ५००२ मत गणना गर्दा हेटौंडामा एमालेको मेयरका उम्मेदवार अनन्त पौडेलले १४ मतले अग्रता लिएका छन् भने गठबन्धनको तर्फबाट मेयरको उम्मेदवार मिना लामाले पौडेललाई पछ्याईरहेकी छिन् । हेटौंडाको मेयरमा एमालेले १५१५ गठबन्धनले १५०१ प्राप्त गरेको छ । राप्रपाका उम्मेदवार दिपकबहादुर सिहले १३८४ प्राप्त गरेका छन् ।
उपमेयरतर्फ भने गठबन्धनको अग्रता कायमै छ । गठबन्धनबाट उम्मेदवार राजेश बानियाँले २२२७ मत पाउँदा एमालेको उपमेयरको उम्मेदवार सुमित्रा काफ्लेले १८०६ मत पाएकी छिन ।
उपमेयरमा राप्रपाले इन्दिरा डल्लाकोटिले ४२१ मत पाएकी छिन् ।
मकवानपुरको कैलाश गाउँपालिकाको वडा नंबर १० मा नेकपा एमालेले वडाध्यक्ष सहित प्यानलमानै जित दर्ता गरेको छ ।
एमालेको तर्फबाट वडाध्यक्षका उम्मेद्वार सुर्यबहादुर ब्लोनले ४३३ मत प्राप्त गर्दा उनका निकट्तम प्रतिस्पर्धी नेकपा माओवादी केन्द्रका जनक लोप्चन ले ४०१ मत प्राप्त गरे । कांग्रेसका उम्मेद्वार सूर्यबहादुर गोलेले भने ३५५ मत प्राप्त गरे । यो सहित एमालेले मकवानपुरमा ४ वटा वडामा जितेको छ ।
मकवानपुरका १०२ वडा मध्ये १४ वडाको मत परिणाम सार्वजनिक भएको छ । जसमा पहिलोमाओवादी केन्द्र दोस्रोमा नेपाली कांग्रेस र एमाले तेस्रो स्थानमा रहेका छन् ।
नेपाली काँग्रेस ५, नेकपा माओवादी केन्द्रले ६ र एमालेले ३ वडामा जित हासिल गरेको छ ।
जसमा थाहा नगरपालिका १ मा माओवादी केन्द्रका हेरमान गोपाली, थाहा–२ मा बमबहादुर सिंतान, मनहरी–२ मा राजकुमार पाख्रीन, बकैया–१ मा आशिष तितुङ र भिमफेदी–३ मा प्रीतिलाल तितुङ नेकपा माओवादी केन्द्रको तर्फबाट विजयी हुनु भएको छ । यस्तै बकैया – २ मा पनि माओवादीका उम्मेद्वार विश्वराज स्याङ्गतान वडा अध्यक्षमा विजयी भएका छन ।
मकवानपुरगढी–८ मा कांग्रेसका कुमार घिसिङ, मनहरी–१ मा शिव प्रसाद खनाल, कैलाश–१ मा तेज बहादुर ब्लोन, इन्द्रसरोवर–१, मा सुवास थापा र इन्द्रसरोवर–२, सुमन श्रेष्ठले नेपाली काँग्रेस तर्फबाट जित हासिल भएका छन् ।
यता कैलाश–१० मा एमालेका सुर्य बहादुर ब्लोन र भिमफेदी–२ मा कासिराम बज्यु नेकपा एमालेको तर्फबाट विजयी भएका छन् । भिमफेदी गाउँपालिका ४ एमालेका सागर पाण्डे बिजयी भएका छन्
मकवानपुर । ईन्द्रसरोबर गाउँपालिका–२ मा कांग्रेस विजयी भएको छ । कांग्रेसले करिब ३२ वर्षपछि विजयी भएको हो ।
कांग्रेसका युवा नेता सुमन श्रेष्ठ विजयी भएका हुन् । युवा व्यवसायी समेत रहेका श्रेष्ठले एमालेका उम्मेदवार वैकुण्ठ थापा मगरलाई पराजित गर्दै विजयी भएको हो । यस वडामा अघिल्लो निर्वाचनमा एमाले विजयी भएको थियो । श्रेष्ठ अघिल्लो स्थानीय तह निर्वाचनमा पराजित भएका थिए ।
यता यस अघि प्राप्त मतपरिणाम अनुसार ईन्द्रसरोबर-१मा वडाध्यक्षमा कांग्रेसका उम्मेदवार सुवास थापा निर्वाचित भइसकेका छन्।