मकवानपुर । मकवानपुरकाे हेटौडा उपमहानगरपालिका वडा ८ मा जारी ८ ए साइड फुटबल प्रतियाेगितामा हुप्रा सिटी र कर्णावती क्लब फाइनल प्रवेश गरेका छन् ।
हेटौडा ८ कमाने स्थित चन्द्रोदय स्कुलको खेलमैदानमा जारी (U-60Kg) ८ ए साइट नक आउट फुटबल प्रतियोगिताको विहीबारकाे सेमिफाइनलबाट हुप्रा सिटी र कर्णावती फाइनल प्रवेश गरेका हुन् । विहीबारकाे पहिलाे सेमिफाइनल खेलमा हुप्रा सिटीले फायरलाइन एफसीलाई लाई १-० गोल अन्तरले पराजित गर्दै फाइनलमा स्थान बनाएकाे हाे ।
यस्तै विहीबारकाे दोश्रो सेमिफाइनलबाट कर्णावती युवा क्लबले रामनगर युवा क्लबलाई ३-१ गोल अन्तरले पराजित गर्दै फाइनल यात्रा तय गरेकाे हाे । प्रतियाेगिताकाे फाइनल खेल माघ ६ गते शनिबार हुने आयोजकले जनाएकाे छ।
कर्णावती युवा क्लबको आयोजना भएको (U-60Kg) ८ ए साइड नक आउट फुटबल प्रतियोगितामा १५ वटा टोलीको सहभागिता रहेको छ । प्रतियोगिता उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता हुने टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजकले जनाएको छ ।
मकवानपुर । मकवानपुरको हेटौंडामा बालबालिकासंग वडा अध्यक्ष कार्यक्रम आयोजना गरिएको छ ।
हेटौंडा उपमहानगरपालिका २ नम्बर वडा कार्यालय र बालमैत्री स्थानीय शासन वडा समितिको आयोजनामा सिद्धार्थ माविमा कार्यक्रम गरिएको हो । हेटौंडा उपमहानगरपालिकालाई बालमैत्री स्थानीय शासन युक्त नगर घोषणा गर्ने सन्दर्भमा वडालाई स्थानीय शासन युक्त वडा घोषणा गर्नु पूर्व वडा अध्यक्षसंग बालबालिका कार्यक्रम आयोजना गरिएको हो ।
बालमैत्री स्थानीय शासन युक्त वडा घोषणा गर्न सरकारले तोकेका विभिन्न ५१ वटा सुचकहरु पूरा गर्नु पर्नेमा उक्त सुचक मध्ये बालबालिकासंग वडा अध्यक्ष कार्यक्रम पनि एक भएको यो कार्यक्रम आयोजना गरिएको २ नम्बर वडाका बालमैत्री फोकल पर्सन तथा वडा सदस्य सुरज बर्तौलाले जानकारी दिए ।
कार्यक्रममा सहभागी बालबालिकाले मनमा लागेको प्रश्न, जिज्ञासा, सुझावहरु राखेका थिए । बालबालिकाले वडा अध्यक्षसंग बिद्यालयमा भएका अभाव, ध्वनी प्रदुषण, १०० मिटर भित्रै सुर्तीजन्य तथा मदिराजन्य पदार्थ बिक्री बितरण भैरहेको बारे ध्यानाकर्षण गराएका थिए । सहभागी बालबालिकाले शिक्षकहरुले समेत गुटखा खाएर कक्षामा प्रवेश गर्नेगरेको समेत गुनासो राखेका थिए । यस्तै सहभागीहरुले बिद्यालयमा सेनिटरी प्याड उपलब्ध भए पनि गुणस्तरीय नभएको बताए ।
सहभागी विद्यार्थीको गुनसो सुने पछि वडा अध्यक्ष विष्णु गोपाल महर्जनले स्यानिटरी प्याडको गुणस्तरका लागि हेटौंडा उपमहानगरपालिकामा समन्वय गर्ने, प्याड डिस्पोज गर्ने मेसिन ल्याउने तथा अभावका विषयमा सकेसम्म पुरागर्ने प्रतिवद्दता ब्यक्त गरे । साथै महर्जनले बिद्यालयका प्रधानाध्यापकलाई बिद्यालयका बिषयमा विद्यार्थीले उठाएको सवालमा गम्भीर भएर लाग्न र सकेको समाधान गर्न निर्देशन समेत दिए ।

‘भर्खरै हामीले बाल समुहका बालबालिका तथा टोलबिकास संस्थाका प्रतिनिधि संग बालमैत्रीको सूचकको सम्बन्धमा वडा स्तरीय अन्तर्कृया कार्यक्रम गर्यौ’ वडा सदस्य सुरज बर्तौलाले भने ‘अब वडामा रहेका बिधालयमा बालबालिका सङ्ग वडा अध्यक्ष कार्यक्रम गर्दैछौ ।’
वडा अध्यक्ष बिष्णु गोपाल महर्जनको सभाध्यक्षतामा भएको कार्यक्रममा वडा सदस्यहरु सुरज बर्तौला, इन्द्र प्रसाद रिजाल, मैया परियार, सिद्धार्थ माबिका प्रधानाध्यापक मोहन शर्मा, वडाका स्वास्थ शाखा प्रमुख मन्जु गौतम, बालमैत्री सहजकर्ता राहुल शर्मा, बिद्यालयका शिक्षक तथा बिद्यार्थीको सहभागिता रहेको थियो ।

मकवानपुर । मकवानपुरको हेटौंडा उपमहानगरपालिका ८ कमानेमा जारी ८ ए साइड फुटबल प्रतियोगितामा बुधबार भएको खेलबाट सेमिफाइनल समीकरण पूरा भएको छ ।
प्रतियोगिता अन्तरगत बुधबार भएको क्वाटरफाइनलको खेलबाट रामनगर युवा क्लब र फायरलाइन एफसी बिजय हुँदै सेमिफाइनल प्रवेश गरे ।
हेटौडा ८ कमाने स्थित चन्द्रोदय स्कुलको खेलमैदानमा जारी (U-60Kg) ८ ए साइड नक आउट फुटबल प्रतियोगिता अन्तरगत समाज कल्याण र राम नगर युवा क्लब बिच भएको क्वाटरफाइनल खेलको निर्धारित समय १-१ गोल बराबरी पछि ट्राइब्रेकरमा धकेलिएको थियो । ट्राइब्रेकरमा राम नगर युवा क्लबले समाज कल्याणलाई ३-२ गोल अन्तरले पराजित गर्दै सेमिफाइनल यात्रा तय गरेको छ ।
यसैगरि बुधबार भएको दोश्रो क्वाटरफाइनल खेलमा फायरलाइन एफसीले मर्निङ एफसीलाई ३-० गोल अन्तरले पराजित गर्दै सेमिफाइनलमा स्थान पक्का गरेको छ ।
यस अघि मंगलबारको भएको क्वाटरफाइनल खेलमा जीत निकाल्दै हुप्रा र कर्णावती सेमिफाइनल प्रवेश गरेका थिए । हुप्रा सिटीले देवनगरलाई १-० गोल अन्तरले हराउदै सेमिफाइनल यात्रा तय गरेको हो भने आयोजक कर्णावतीले कालिकामाईलाई १-० गोल अन्तरले पाखा लगाउदै सेमिफाइनलमा स्थान पक्का गरेको थियो ।
प्रतियोगिता अन्तरगत विहीबारबाट सेमिफाइनल खेल हुने आयोजकले जनाएको छ । विहीबार हुने सेमिफाइनलको पहिलो खेल दिउँसो १ बजे हुप्रा सिटी र फायरलाइन एफसी बिच हुने छ भने दोस्रो खेल दिउँसो ३ बजे कर्णावती र राम नगर युवा क्लब बिच हुनेछ ।
कर्णावती युवा क्लबको आयोजना भएको (U-60Kg) ८ ए साइड नक आउट फुटबल प्रतियोगितामा १५ वटा टोलीको सहभागिता रहेको छ ।
प्रतियोगिता उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता हुने टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजकले जनाएको छ ।
मकवानपुर । मकवानपुरगढी गाउँपालिकामा सम्पन्न अन्तरपालिका फुटसल प्रतियोगितामा विजयी भएका हेटौंडा उपमहानगरपालिकाका खेलाडीलाई सम्मान गरीएको छ ।
हेटौंडा उपमहानगरपालिकाको प्रतिनिधित्व गर्दै खेलमा सहभागी खेलाडीले जिल्लामा रहेका अन्य पालिकाहरुलाई पछाडि पार्दै उपाधि उचालेपछि उपमहानगरले सम्मान गरेको हो ।
बुधबार उपमहानगरपालिकामा आयोजित कार्यक्रममा नगरप्रमुख मीनाकुमारी लामा र उपप्रमुख राजेश बानियाँले बिजेता बनेका खेलाडीलाई खादा लगाउँदै सम्मान गरेका हुन् । मकवानपुरगढी खेलकुद विकास समितिको आयोजना भएको सहिद रुद्र पाख्रिन, बासुदेव घिमिरे स्मृति दोश्रो अन्तरपालिका फुटसल प्रतियोगितामा आयोजकलाई पराजित गर्दै उपमहानगरले उपाधिमाथि कव्जा जमाएको थियो । आयोजक टिम खेलकुद विकास समितिलाई ७ –४ गोल अन्तरले पराजित गर्दै हेटौंडा उपमहानगरपालिकाले उपाधि उचालेको थियो । उपाधी सँगै हेटौंडाले १ लाख २५ हजार सहित शिल्ड प्रमाणपत्र प्राप्त गरेको थियो ।
उपमहानगरले गरेको खेलाडी सम्मानमा नगर प्रमुख लामाले खेल र खेलाडीको लागि लगानी गर्न तयार रहेको बताइन् । उनले नगरको नामलाई अघि ल्याउने खेलाडी गहना भएको भन्दै आगामि दिनमा पनि उपमहानगरको प्रतिनिधित्व गर्दै खेलहरुमा सहभागि हुन आग्रह गरीन । नगरको खेलकुदको विकासका लागि बजेट छुट्याएर प्रतियोगिता सहित खेल मैदान र खेलाडि उत्पादनमा लगानी गरीरहेको बताइन् ।
सम्मान कार्यक्रममा उपप्रमुख बानियाँले खेल र खेलाडीको बिकासका लागि उपमहानगर सधै तयार रहने बताए । उनले भौतिक बिकासका लागि नेतृत्वले काम गरेपनि नगरको नामलाई चर्चामा ल्याउनका लागि खेलाडीको भूमिका महत्वपुर्ण हुने बताए । मकवानपुरगढीमा बिजेता बनेको टोली पोखरामा हुने राष्ट्रिय स्तरको फुटसल प्रतियोगितामा उपमहानगरको तर्फबाट सहभागि बन्ने भएको छ ।
मकवानपुर । मकवानपुरको हेटौंडा उपमहानगरपालिका ८ कमानेमा जारी ८ ए साइड फुटबल प्रतियोगितामा मंगलबार भएको खेलबाट हुप्रा सेटी र कर्णावती सेमिफाइनल प्रवेश गरेको छ ।
हेटौडा ८ कमानेस्थित चन्द्रोदय माविको खेलमैदानमा माघ २ गते भएको क्वाटरफाइनल खेलमा जीत निकाल्दै हुप्रा र कर्णावती सेमिफाइनल प्रवेश गरे । आज भएको पहिलो खेलमा हुप्रा सिटीले देवनगर एफसीलाई र आयोजक कर्णावतीले कालिकामाईलाई पराजित गरेका हुन् ।
हुप्रा सिटीले देवनगरलाई १-० गोल अन्तरले हराउदै सेमिफाइनल यात्रा तय गरेको हो भने कर्णावतीले कालिकामाईलाई १-० गोल अन्तरले पाखा लगाउदै सेमिफाइनलमा स्थान पक्का गरेको हो ।

यसैगरी माघ ३ गते बुधबार पनि क्वाटरफाइनल अन्तरगत २ खेल हुने भएको छ । प्रतियोगिता अन्तरगत बुधबारको पहिलो क्वाटरफाइनल दिउँसो १ बजे समाज कल्याण र राम नगर युवा क्लब बिच हुनेछ भने दोस्रो खेल दिउँसो ३ बजे फायरलाइन एफसी र मर्निङ स्टार बिच हुने आयोजकले जानकारी दिएको छ ।
कर्णावती युवा क्लबको आयोजना भएको (U-60Kg) ८ ए साइड नक आउट फुटबल प्रतियोगितामा १५ वटा टोलीको सहभागिता रहेको छ । प्रतियोगिता उपाधि विजेता टिमले नगद ३० हजार रुपैयाँ सहित शिल्ड, मेडल र प्रमाणपत्र प्राप्त गर्नेछन भने उपविजेता हुने टिमले नगद १५ हजारसहित शिल्ड, मेडल र प्रमाणपत्र प्राप्त गर्ने आयोजकले जनाएको छ ।