मकवानपुर । जिल्ला प्रशासन कार्यालय मकवानपुरले राहदानी सेवाग्राहीको घरमा पुर्याउने कार्यको थालनी गरेको छ । बुधबार हेटौंडा उपमहानगरपालिकाका सेवाग्राहीलाई हुलाक मार्फत घरमै राहदानी पुर्याएर प्रशासनले सेवा सुरु गरेको हो ।
जिल्ला हुलाक कार्यालय मकवानपुरले बुधबार हेटौंडा उपमहानगरपालिका-४ का २२ वर्षीय निश्चल मानन्धरको राहदानी घरमै पुर्याएर बुझाएको छ । राहदानी बुझाउन हुलाक कार्यालयका प्रमुख, जिल्ला प्रशासन कार्यालयका कर्मचारी र हल्कारा मानन्धरको घरमै पुगेका थिए ।
जिल्ला प्रशासन कार्यालय मकवानपुरले राहदानी वितरण गर्न हुलाक कार्यालयलाई बुधबार ५० वटा राहदानी पठाएको छ । प्रशासनकार्यालयबाट हुलाकमा पठाएको राहहदानी बुधबार नै सबै घर-घरमा पुर्याइने जिल्ला हुलाक कार्यालय प्रमुख रमेश लामिछानले जानकारी दिए ।
सरकारले राष्ट्रिय परिचयपत्र, राहदानी लगायतको सरकारी कागजात सेवाग्राहीको घरमै हुलाक मर्फत पुर्याउने एक सय दिनमा गर्ने प्रतिबद्धतामा गरेको थियो । सरकारको प्रतिबद्धता कार्यान्वयन गर्न जिल्ला प्रशासन कार्यालयको समन्वयमा हुलाक कार्यालय मकवानपुरले उक्त कार्य सुरु भएको हो ।
बस र ट्रक ठोकिंदा ४४ जना घाइते
Tags: No Comments
मकवानपुर । मकवानपुरकाे हेटौंडा उपमहानगरपालिका बस्तिपुरमा बस र ट्रक ठोकिंदा ४४ जना घाइते भएका छन् ।
सोमबार बिहान १ बजेर ४० मिनेटमा हेटौंडा १९ स्थित पुर्व पश्चिम सडक खण्डमा काठमाडौबाट काकरभिटा तर्फ आउदै गरेको बा.प्र.०३-००१ ख २५५६ नम्बरको यात्रु बाहक बसले ना ७ ख ५८३८ नम्बरको ट्रकलाई पछाडिबाट ठक्कर दिएकाे प्रहरीले जनाएकाे छ ।
बसमा सवार मध्ये ४४ जना घाईते भएकाेमा उपचारको लागि चुरेहिल अस्पताल र हेटौंडा अस्पतालमा ल्याइएको छ भने बस, ट्रक, ट्रक चालक प्रहरी चौकी नेवारपानीको नियन्त्रणमा रहेको बताइएकाे छ ।
घाइतेहरुकाे विवरणः
१) जिल्ला उदयपुर रौता गापा वडा नम्बर १ बस्ने अन्दाजी वर्ष २७ को प्रदीप मगर बायाँ खुट्टामा चोट अवस्था मध्यम
२) जिल्ला दोलखा गौरीशंकर गाउँपालिका वडा नम्बर ३ कुचल डाँडा बस्ने अन्दाजी वर्ष ३४ को सागर तामाङ टाउको र दाहिने हातमा चोट अवस्था मध्यम
३) जिल्ला काठमाडौँ महालक्ष्मी महानगरपालिका वडा नम्बर ७ बस्ने अन्दाजी वर्ष ४६ को नारायणी गुरुङ टाउकोमा चोट अवस्था हेर्दा सामान्य देखिएको
४) जिल्ला मोरङ कानेपोखरी गाउँपालिका वडा नम्बर ६ रमाटोल ३६ कि यशोदा फतार टाउकोमा चोट अवस्था मध्यम
५) जिल्ला मोरङ इटहरी नपा वडा नम्बर १ बस्ने अन्दाजी वर्ष २६ को टिकाराम भट्टराई टाउकोमा चोट अवस्था मध्यम
६) जिल्ला सिन्धुपाल्चोक दोरम्बा गाउँपालिका वडा नम्बर ६ गैरीचोक बस्ने अन्दाजी वर्ष ४९ को बाबुलाल तामाङ टाउकोमा चोट अवस्था मध्यम
७) जिल्ला लमजुङ मर्स्याङ्दी गाउँपालिका वडा नम्बर ६ डाँडाटोल बस्ने अन्दाजी वर्ष ४३ को मदन घले शरीरको विभिन्न भागमा बाहिरी चोट अवस्था हेर्दा सामान्य देखिएको
८) ऐ ऐ बस्ने अन्दाजी वर्ष ३८ राखी घले टाउकोमा सामान्य चोट अवस्था हेर्दा सामान्य देखिएको
९) जिल्ला मोरङ बेलबारी नगरपालिका वडा नम्बर ८ डालीटोल बस्ने अन्दाजी वर्ष १८ को ज्योति ठाकुर दाहिने खुट्टामा चोट अवस्था मध्यम
१०) ऐ ऐ बस्ने अन्दाजी वर्ष ४० कि देवकी ठाकुर बायाँ खुट्टामा चोट अवस्था हेर्दा सामान्य देखिएको
११) जिल्ला काभ्रे बेथानचोक गाउँपालिका वडा नम्बर ४ पाल्पाटोल बस्ने अन्दाजी वर्ष ३५ को (AHC) रश्मिला श्रेष्ठ (कार्यरत HQ) नाक चोट अवस्था हेर्दा देखिएको सामान्य देखिएको
१२) बस्ने अन्दाजी वर्ष ३५ को (AHC) राजकुमार श्रेष्ठ (कार्यरत HQ) नाखमा चोट अवस्था हेर्दा सामान्य देखिएको
१३) ऐ ऐ बस्ने अन्दाजी वर्ष ८ को रिदिन श्रेष्ठ आँखामा चोट अवस्था हेरेर सामान्य देखिएको
१४) ऐ ऐ बस्ने अन्दाजी वर्ष ४ को डियान श्रेष्ठ अवस्था हेर्दा सामान्य देखिएको
१५) जिल्ला मोरङ पत्थरी सनिचरी नगरपालिका वडा नम्बर १० बस्ने राजन विश्वकर्मा खुट्टामा चोट अवस्था हेर्दा सामान्य देखिएको
१६)ऐ ऐ बस्ने अन्दाजी वर्ष ४७ को लक्ष्मी विश्वकर्मा शरीरको विभिन्न भागमा बाहिरी चोट अवस्था हेर्दा सामान्य देखिएको
१७)ऐ ऐ बस्ने अन्दाजी वर्ष ८ को अनिष्का विश्वकर्मा शरीरको विभिन्न भागमा बाहिरी चट अवस्था हेर्दा सामान्य देखिएको
१८) जिल्ला काठमाडौँ महानगरपालिका वडा नम्बर २ सामाखुसी बस्ने अन्दाजी वर्ष ४८ को आरती विश्वकर्मा बायाँ खुट्टामा चोट अवस्था हेर्दा सामान्य देखिएको
१९) ऐ ऐ बस्ने अन्दाजी बर्ष २६ को सौरभव विक शरीरको विभिन्न भागमा बाहिरी चोट अवस्था हेर्दा सामान्य देखिएको
२०) जिल्ला मोरङ कानेपोखरी गाउँपालिका वडा नं ६ शिव राई टोल बस्ने अन्दाजी वर्ष २९ को अन्जना माझी दायाँबायाँ दुईटै खुट्टामा चोट अवस्था हेर्दा सामान्य देखिएको
२१ जिल्ला पाँचथर याम्बर गाउँपालिका वडा नम्बर ४ आलमपुर बस्ने अन्दाजी वर्ष ४७ को ऋतु वर्णन कोइराला दाहिने खुट्टामा चोट अवस्था हेर्दा सामान्य देखिएको
२२) जिल्ला झापा बुद्धशान्ति गाउँपालिका वडा नं ५ आचार्य टोल बस्ने अन्दाजी वर्ष ५४ को तेजप्रसाद आचार्य टाउकोमा चोट अवस्था हेर्दा मध्यम देखिएको
२३) जिल्ला ताप्लेजुङ शेखर जङ्गा गाउँपालिका वडा नम्बर ५ पेताङ बस्ने अन्दाजी वर्ष २२ को कैलाश पुडाशैली शरीरको विभिन्न भागमा बाहिरी चोट अवस्था हेर्दा सामान्य देखिएको
२४) जिल्ला सुनसरी इटहरी उम नपा वडा नम्बर १ कञ्चनटोल बस्ने अन्दाजी वर्ष २९ को सन्तोष खतिवडा टाउकोमा चोट अवस्था हेर्दा मध्यम देखिएको (सहचालक )
२५) जिल्ला झापा बुद्धशान्ति नगरपालिका वडा नम्बर ५ बस्ने अन्दाजी वर्ष ४८ को सिता आचार्य बायाँ खुट्टामा चोट अवस्था हेर्दा सामान्य देखिएको
२६) जिल्ला मकवानपुर हे उ म नपा वडा नम्बर ४ कर्रा बस्ने अन्दाजी वर्ष ४८ को सुभाष चन्द्र बिडारी छातीमा भित्री चोट अवस्था हेर्दा सामान्य देखिएको
२७) जिल्ला मकवानपुर हेटौडा ८ कमाने बस्ने अन्दाजी वर्ष ४० को बाबुलाल लामिछाने दाहिने खुट्टा र टाउकोमा चोट अवस्था हेर्दा गम्भीर देखिएको (चालक)
२८) जिल्ला मोरङ सनसरी नपा वडा नम्बर २ बस्ने अन्दाजी वर्ष ४४ को विद्या दाहाल बायाँ खुट्टामा चोट अवस्था हेर्दा सामान्य देखिएको
२९) जिल्ला भोजपुर भोजपुर नपा वडा नम्बर ५ boksing बस्ने अन्दाजी वर्ष २९ को राजन न्यौपाने माया खुट्टामा सामान्य चोट अवस्था हेर्दा सामान्य देखिएको
३०) जिल्ला सुनसरी इटहरी नपा वडा नं ३ तालतलैया बस्ने अन्दाजी वर्ष ३२ को बिमला भुजेल बायाँ हातमा चोट अवस्था हेर्दा सामान्य देखिएको
३१) जिल्ला इलाम चुलाचुली गापा वडा नं १ बस्ने अन्दाजी वर्ष ४० को चन्द्रबहादुर फियाक बाया खुट्टामा चोट अवस्था हेर्दा सामान्य देखिएको
३२) जिल्ला झापा बुद्ध शान्ति गाउँपालिका वडा नम्बर ४ बस्ने अन्दाजी वर्ष ३६ को प्रकाश लिम्बु शरीरको विभिन्न भागमा बाहिरी चोक अवस्था हेर्दा सामान्य देखिएको
३३)ऐ ऐ बस्ने अन्दाजी वर्ष ११ को प्रणिक लिम्बू शरीरको विभिन्न भागमा बाहिरी चोट अवस्था हेर्दा सामान्य देखिएको
३४ ) जिल्ला झापा भोजपुर नपा, वडा नं ८ वर्ष ३५ को सुनिल श्रेष्ठ दुवै खुट्टामा चोट अवस्था हेर्दा सामान्य देखिएको
३५) जिल्ला सुनसरी इटहरी उ म न पा वडा नं ३ सिद्धान्त टोल बस्ने अन्दाजी २३ को लीलाबहादुर तामाङ बायाँ खुट्टामा सामान्य चोट
३६.जिल्ला इलाम सन्तकपुर गा.पा.२ संतकपुर बस्ने बर्ष २९ को राजेश गुरुङ दाहिने खुट्टा,नाकमा चोट अवस्था समान्य
३७.जिल्ला झापा बिर्तामोड न.पा. ८ बस्ने बर्ष अं. ४ को रन्जित किस्कु दाहिने खुट्टामा चोट अवस्था समान्य
३८. ऐ. को श्रीमति बर्ष अं. ३२ कि मिना टुडु टाउको र दुबै खुट्टामा चोट अवस्था मध्यम
३९.जिल्ला धनकुटा धौबिसे गा.पा.०५ बोदे टोल बस्ने बर्ष अं. २५ को प्रबिन माझि चोट पटक नरहेको
४०.जिल्ला सप्तरी राजबिराज न.पा.१२ दमापति टोल बस्ने अं. २६ को माधव कुमार यादब अवस्था समान्य
४१.जिल्ला सप्तरी राजबिराज न.पा राहुल यादब को श्रीमती अं. ३४ बर्षको पिन्कि यादब दाहिने खुट्टामा चोट अवस्था गम्भीर रहेको
४२.निजकै छोरि बर्ष अं. १० कि रिचा यादब दुबै खुट्टामा मा चोट अवस्था समान्य
४३.निजकै छोरा बर्ष अं. 5 को आरव यादब मुख र दाहिने खुट्टामा चोट अवस्था समान्य
४४.जिल्ला झापा शिवसतासि गा.पा.०८ झिलझिले टोल बस्ने बर्ष अ २१ को रोभन तामाङ दाहिने खुट्टामा र मुखमा चोट अवस्था अवस्था समान्य
मकवानपुर । हेटौंडा अटोमोबाइल्स एशोसियसनले हेटौंडामा नयाँ वर्षको शुभकामना आदानप्रदान तथा भित्तेपात्रो विमोचन गरेकाे छ । आइतबार
हेटौंडा उपमहानगरपालिका–११ स्थित थानाभर्याङमा नयाँ वर्ष २०८३ काे शुभकामना आदानप्रदान तथा भित्तेपात्रो विमोचन कार्यक्रम गरेकाे हाे ।
कार्यक्रम ११ नम्बर वडाध्यक्ष जुना दहालले नयाँ वर्षसँगै नयाँ सरकार बनेकाले देशमा सकारात्मक परिवर्तन आउने अपेक्षा व्यक्त गरिन्। व्यापार व्यवसाय सञ्चालनका लागि अनुकूल वातावरण बन्ने विश्वास व्यक्त गर्दै उनले सबैले सरकारलाई साथ र सहयोग गर्नुपर्ने बताइन् । ‘सिमलटार क्षेत्रमा करिब २ हजार २०० घरधुरी रहेको जानकारी दिँदै तीमध्ये १ हजार १०० घरधुरीले भूमिहीन सुकुम्बासीको रूपमा र १०६ घरधुरीले भूमिहीन दलितको रूपमा दर्ता गराएको जानकारी समेत दिइन् । “काम गरौँ, कम बोलौँ, आफूले गलत नगरेपछि नकारात्मक कुराको चिन्ता लिनु पर्दैन” उनले भनिन् “सेवाभावका साथ अगाडि बढ्न सबैलाई आग्रह गर्दछु ।”
कार्यक्रममा सहभागीहरूले नयाँ वर्ष २०८३ का अवसरमा आपसी शुभकामना आदानप्रदान गर्नुका साथै भित्तेपात्रो विमोचन गरिएको थियो।एशोसियसन अध्यक्ष धर्मराज धिमालको सभाध्यक्षतामा तथा हेटौंडा उपमहनागरपालिका वडा नम्बर ११ का वडाध्यक्ष जुना दहालकाे प्रमुख आतिथ्यतामा भएकाे कार्यक्रमा एशोसियसनका पूर्व अध्यक्ष ऋषि कुमार ढकाल, महासचिव संजय कुमार गुप्ता, सचिव श्याम प्रसाद कंडेल लगायत उपस्थित थिए ।
मकवानपुर । सिस्नुपानी नेपाल मकवानपुरले २ जना हास्यव्यङ्ग्य सर्जकलाई नगरसहित सम्मान गर्ने भएकाे छ । नेपाली हास्यव्यङ्ग्य सिर्जनामा महत्वपूर्ण योगदान पुर्याउने अग्रज तथा नवप्रतिभा गरी २ जनालाई सिस्नुपानी मकवानपुरले सम्मान गर्न लागेकाे हाे ।
यस वर्ष गणेशकुमार पौडेल हास्यव्यङ्ग्य सम्मान २०८२ सम्मानबाट नरनाथ लुइँटेललाई सम्मान गरिने भएकाे छ । सिस्नुपानी नेपाल तथा हास्यव्यङ्ग्य अनलाइन फित्कौली डटकममा आवद्ध रहेका लुइँटेललाई २५ हजार राशीकाे उक्त पुरस्कारबाट सम्मान गरिने अध्यक्ष सम्प्रस पौडेलले जानकारी दिए ।
यसैगरी हास्यव्यङ्ग्य कलाकार सीता न्यौपानेलाई आरसी रिजाल हास्यव्यङ्ग्य सम्मान २०८२ बाट सम्मान गरिने भएकाे छ । स्ट्याण्ड अप कमेडीका कलाकार न्यौपानेलाई २० हजार राशीकाे उक्त पुरस्कारबाट सम्मान गरिने पौडेलले बताए । १९ बैशाख २०८३ मा हेटौंडामा दुवै जनालाई एक कार्यक्रमकाे आयोजना गरी सम्मान गरिने बताइएकाे छ । अग्रज तथा नवप्रतिभासमेतलाई २ जना स्रस्टाहरूलाई सिस्नुपानी नेपाल मकवानपुरले हरेक वर्ष सम्मान समर्पण गर्दै आइरहेको छ ।
हास्यव्यङ्ग्य विशेष प्रतियोगितात्मक प्रहसन कार्यक्रम
यसैगरी आगमी बैशाख १९ गते हास्यव्यङ्ग्य विशेष प्रतियोगितात्मक प्रहसन कार्यक्रम समेत हुने भएकाे छ । सिस्नुपानी नेपाल मकवानपुरको आयोजना र हेटौंडा उपमहानगरपालिकाको प्रवर्धनमा हुने उक्त कार्यक्रममा मकवानपुर जिल्लाभित्र अध्ययनरत कक्षा १२ सम्मका विद्यार्थीहरू प्रतियोगितामा सहभागी हुन सक्ने अध्यक्ष पौडेलले जानकारी दिए ।
उक्त कार्यक्रममा विद्यालयको पत्रसहित प्रत्येक समूहमा २ जनादेखि बढीमा ५ जनासम्म सहभागी जनाउन पाउने छन् । आफूलाई आवश्यक सामग्रीहरू सहभागी समूहले नै व्यवस्थापन गर्नुपर्ने प्रतियोगितामा सामाजिक, राजनीतिक, आर्थिक तथा प्रशासनिक वेथितिलगायतका समसामयिक विषयहरूमाथि सभ्यरूपमा हास्यव्यङ्ग्य गर्न सकिने उनले बताए ।
आफूले प्रस्तुत गर्ने विषयवस्तु पूर्व जानकारी गराउनु पर्ने तथा ७ बैशाखसम्म सहभागी हुनु पर्ने प्रहसन कार्यक्रममा निर्णायकद्वारा कार्यक्रमको १ हप्ता अगाडि सहभागी समूहकाे पूर्वतयारी प्रस्तुति अवलोकन पछि उत्कृष्ट समूहलाई प्रतियोगितामा सहभागी गराइने बताइएकाे छ ।
प्रहसन कार्यक्रम प्रथम हुने समूहले नगद १५ हजार र सम्मानपत्र तथा द्वितीय हुने समूहले नगद १० हजार र सम्मानपत्र प्राप्त गर्ने छन् । यस्तै तृतीय हुने समूहले नगद ७ हजार र सम्मानपत्र र प्रोत्साहन पुरस्कार नगद ४ हजार प्रदान गरिने आयोजकले जनाएकाे छ ।
मकवानपुर । क्याम्पसमा हुने बेथिति, विसंगति तथा अराजकताका विरुद्ध स्वतन्त्र विद्यार्थी युनियन हेटौंडा क्याम्पसको ध्यानाकर्षण भएको जनाएको छ ।
सधैं विद्यार्थीको आवाज उठाउँदै आएको उल्लेख गर्दै शैक्षिक गुणस्तर सुधार र क्याम्पसको समग्र विकासमा आफूहरू प्रतिबद्ध रहेको बताउँदै हेटौंडा क्याम्पस स्ववियु इकाइ समितिका कार्यवाहक सभापति भरत मोहन देवकोटाको नेतृत्वमा क्याम्पस व्यवस्थापन समिति अध्यक्ष आनन्दराम पराजुलीलाई ध्यानाकर्षण पत्र बुझाइएको हो ।
विद्यार्थीहरूको साझा प्रतिनिधि संस्था स्वतन्त्र विद्यार्थी युनियन (स्ववियु) ले क्याम्पसमा देखिएका विभिन्न समस्या समाधानका लागि उक्त ध्यानाकर्षण पत्र पेश गरेको जनाएको छ।
स्ववियुले विद्यार्थीहरूको गुनासो र समस्यालाई मध्यनजर गर्दै आठ बुँदे माग अघि सारेको छ। जसअन्तर्गत त्रिभुवन विश्वविद्यालयसँग सम्बन्धित सबै कक्षा नियमित सञ्चालन गर्नुपर्ने, स्नातक तथा स्नातकोत्तर तहमा छुटेका छात्रवृत्तिको लागि तत्काल परीक्षा सञ्चालन गर्नुपर्ने, आन्तरिक परीक्षाको नतिजा समयमै सार्वजनिक गर्नुपर्नेलगायतका माग रहेका छन्।
यसैगरी, क्याम्पस प्रशासन, परीक्षा र लेखा शाखालाई पूर्ण रूपमा सञ्चालन गरी विद्यार्थीमैत्री र पारदर्शी सेवा सुनिश्चित गर्नुपर्ने, शौचालय मर्मत, ई–लाइब्रेरी व्यवस्थित सञ्चालन, कक्षाहरूलाई प्रविधिमैत्री बनाउने तथा चमेना गृहलाई स्वच्छ र व्यवस्थित बनाउने जस्ता माग समावेश गरिएको छ।
स्ववियुले प्रस्तुत मागहरूलाई गम्भीरतापूर्वक लिएर यथाशीघ्र समाधान गरिने विश्वास व्यक्त गरेको छ। उक्त पत्रको बोधार्थ क्याम्पस प्रमुख तथा क्याम्पस सञ्चालक समितिलाई समेत पठाइएको संगठनले जनाइएको छ।